ຈໍານວນຜູ້ເຂົ້າຊົມເວັບໄຊ

135613
ມື້ນີ້ມື້ນີ້349
ມື້ວານນີ້ມື້ວານນີ້439
ອາທິດນີ້ອາທິດນີ້2634
ເດືອນນີ້ເດືອນນີ້6015
ລວມທັງໝົດລວມທັງໝົດ135613

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ປະຫວັດຂອງແຂວງ

ໄຊຍະບູລີມີຄວາມໝາຍວ່າ:ໄຊຍະ,ໄຊໂຍຫຼືໄຊຊະນະເປັນແຂວງແຫ່ງປະຫວັດສາດທີ່ມີການຄົງຕົວແລຂະຫຍາຍຕົວຄຽງ
ຄູ່ກັບຊາດລາວມາເປັນເວລາຫ້າຮ້ອຍກວ່າປີຕາມການຄົ້ນຄວ້າວິໄຈດິນຈີ່ຢູ່ວັດສີບຸນເຮືອງ
,ບ້ານໃຫຍ່ເມືອງໄຊຍະບູລີ.ມີທີ່ຕັ້ງ
ຢູ່ຝັ່ງຂວາຂອງແມ່ນ້ຳຂອງ
,ທິດເໜືອແລະທິດຕາເວັນອອກຕິດກັບແຂວງບໍ່ແກ້ວ,ຫຼວງພະບາງ,ອຸດົມໄຊແລະແຂວງວຽງຈັນ;
ທິດຕາເວັນຕົກແລະທິດໃຕ້ຕິດກັບ6ແຂວງຂອງລາຊາອານາຈັກໄທ,ຕາມເສັ້ນຊາຍແດນເກົ່າທີ່ຝລັ່ງແລະສັກດີນາສະຫຍາມລົງ
ນາມເຊັນກັນໃນປີ
1904.ມີຊາຍແດນເລີ່ມຈາກແມ່ນ້ຳຂອງບ່ອນປາກນ້ຳເຫືອງແລ້ວເລາະໄປຕາມຄອງແມ່ນ້ຳເລິກຈົນຮອດພູ
ເຂົາໝ້ຽງເຊິ່ງເປັນຕົ້ນບໍ່ເກີດຂອງແມ່ນ້ຳສາຍນີ້ຈາກນັ້ນເສັ້ນຊາຍແດນຍັງລຽບໄປຕາມສັນປັນນ້ຳລະຫວ່າງແມ່ນ້ຳຂອງແລະແມ່
ນ້ຳນ່ານຈົນເຖິງແມ່ນ້ຳຂອງເຊິ່ງເຄີຍກ່າວເອີນກັນວ່າ
:ແກ້ງຜາໄດມີລວງຍາວທັງໝົດ467ກິໂລແມັດ,ມີເນື້ອທີ່ກວ້າງຂວາງເຖິງ
16.389 ກິໂລແມັດມົນທົນ,ດິນຟ້າອາກາດມີຄວາມຊຸ່ມຊື່ນ,ມີແມ່ນ້ຳຫຼາຍສາຍ,ມີບໍ່ແຮ່ຫຼາຍຊະນິດ,ນອກນັ້ນຍັງມີ4ທົ່ງພຽງ
ໃຫຍ່ຄື
:ທົ່ງພຽງຊຽງຮ່ອນ,ທົ່ງພຽງຫົງສາ,ທົ່ງພຽງໄຊຍະບູລີແລະທົ່ງພຽເມືອງພຽງ;ທັງໝົດນັ້ນໄດ້ເປັນທ່າແຮງອັນໃຫຍ່ຫຼວງທັງເປັນ
ເງື່ອນໄຂສະດວກແກ່ການຜະລິດກະສິກຳແລະອຸດສາຫະກຳ
.ຍ້ອນແຂວງໄຊຍະບູລີເປັນດິນແດນທີ່ມີຄວາມອຸດົມສົມບູນທັງຊັບໃນ
ດິນສິນໃນນ້ຳ
,ມີຄວາມໝາຍຍຸດທະສາດດ້ານກາທະຫານ,ຈຶ່ງກາຍເປັນເປົ້າໝາຍການແຊກແຊງຮຸກຮານຕະຫຼອດມາ.ພາຍຫຼັງໄດ້
ຮັບໄຊຊະນະຈາກການຕ້ານຜູ້ຮຸກຮານຂອງບັນດາສັກດີນາໃກ້ຄຽງແລ້ວ
,ໃນຊຸມປີ1946ແຂວງໄຊຍະບູລີຈຶ່ງໄດ້ຮັບການສ້າງຕັ້ງຂຶ້ນ.
ປະຈຸບັນແຂວງໄຊຍະບູລີມີພົນລະເມືອງທັງໝົດ368,316ຄົນ;ຍິງ181,434ຄົນ,ປະກອບດ້ວຍ8ເຜົ່າໃຫຍ່ຄື:ເຜົ່າລາວລຸ່ມ,ເຜົ່າມົ້ງ,
ເຜົ່າກຶມມຸ,ເຜົ່າລື້,ເຜົ່າຍວນ,ເຜົ່າອິວມຽນ,ເຜົ່າໄປຣແລະເຜົ່າໄຕດຳທີ່ມີເອກະລັກທາງດ້ານຮີດຄອງປະເພນີແລະວັດທະນະທຳຫຼາກ
ຫຼາຍສີສັນຢູ່ຮ່ວມກັນດ້ວຍຄວາມຮັກແພງສາມັກຄີເປັນຈິດໜຶ່ງໃຈດຽວ
,ແຂວງໄຊຍະບູລີປະກອບມີທັງໝົດ11ເມືອງຄື:ເມືອງຄອບ,ເມືອງຊຽງຮ່ອນ,ເມືອງເງິນ,ເມືອງຫົງສາ,ເມືອງໄຊຍະບູລີ,ເມືອງພຽງ,ເມືອງປາກລາຍ,ເມືອງແກ່ນທ້າວ,ເມືອງບໍ່ແຕນ,
ເມືອງທົ່ງມີໄຊແລະເມືອງໄຊສະຖານ,ມີ433ບ້ານ,ອັດຕາຄວາມໜາແໜ້ນຂອງພົນລະເມືອງສະເລ່ຍ22ຄົນຕໍ່ກິໂລແມັດ.

ພາຍຫຼັງທີ່ສຳເລັດການປະຕິວັດຊາດປະຊາທິປະໄຕໃນວັນທີ2ທັນວາ1975ພາລະກິດປະຕິວັດໄດ້ກ້າວເຂົ້າສູ່ໄລຍະໃໝ່ຄື:
ໄລຍະແຫ່ງການປະຕິບັດສອງໜ້າທີ່ຍຸດທະສາດນັ້ນກໍ່ແມ່ນການປົກປັກຮັກສາແລະສ້າງສາປະເທດຊາດຕາມທິດສັງຄົມນິຍົມເລີ່ມແຕ່
ຫົວທີແຂວງໄຊຍະບູລີໄດ້ຈັດຕັ້ງອຳນາດການປົກຄອງປະຕິວັດຂອງປະຊາຊົນຂຶ້ນເພື່ອນຳພາປະຊາຊົນປົກປັກຮັກສາແລະສ້າງສາເສດ
ຖະກິດ
-ສັງຄົມແຕ່ລະໄລຍະຄື:ແຕ່ປີ1975-1980ແມ່ນໄລຍະກົນໄກລວມສູນອາດຍາສິດເກື້ອກູນທັງເປັນໄລຍະຮຳບາດແຜສົງຄາມ
ແລະຟື້ນຟູເສດຖະກິດ
.ປີ1981-1985ໄລຍະຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີIIIຂອງພັກແລະແຜນການແຫ່ງລັດປີຄັ້ງທີIຊຶ່ງ
ກໍ່ເປັນໄລຍະທີ່
3ໝູ່ບ້ານຂອງເມືອງປາກລາຍຖືກກຸ່ມຄົນບໍ່ດີໃນວົງການກຳອຳນາດໄທບຽດຍຶດ, ແຕ່ກໍ່ຖືກກຳລັງທ້ອງຖິ່ນແລະ
ປະຊາຊົນຕີຖອຍໜີ
.

ປີ1986-1990ອົງຄະນະພັກ,ອຳນາດການປົກຄອງແຂວງໄຊຍະບູລີໄດ້ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີIVຂອງ
ພັກແລະແຜນການແຫ່ງລັດ
5ປີຄັ້ງທີII,ເຊິ່ງເປັນໄລຍະປະຕິບັດແນວທາງປ່ຽນແປງໃໝ່ຢ່າງຮອບດ້ານແລະມີຫຼັກການຂອງພັກໄລຍະ
ນີ້ໄຊຍະບູລີຖືກຍຸບແຂວງໄດ້ແບ່ງອອກເປັນ
3 ເຂດຄື: ເຂດ 1 ມີເມືອງໄຊຍະບູລີ,ເມືອງພຽງ,ເຂດ2ມີເມືອງປາກລາຍ,|ເມືອງແກ່ນ
ທ້າວ
,ເມືອງບໍ່ແຕນ,ເຂດທີ3ມີ:ເມືອງຊຽງຮ່ອນແລະເມືອງຫົງສາທີ່ໄດ້ໂອນເຂົ້າກັບແຂວງອຸດົມໄຊ.ພ້ອມນີ້ກຸ່ມຄົນບໍ່ດີໃນວົງ
ການກຳອຳນາດໄທໄດ້ເປີດບັ້ນຮົບຂະໜາດໃຫຍ່ຢູ່ບໍລິເວນນ້ຳເຫືອງຫງ່າທີ່ຂຶ້ນກັບຕາແສງນາບໍ່ນ້ອຍເມືອງບໍ່ແຕນ
,ຫວັງບຽດຍຶດແລະ
ປ່ຽນແປງເສັ້ນຊາຍແດນລະຫວ່າງລາວ
-ໄທແຕ່ຖືກກຳລັງທ້ອງຖິ່ນ,ກຳລັງຫຼວງແລະປະຊາຊົນບັນດາເຜົ່າຕີຖອຍໄປ.ເພື່ອເປັນການ
ຟື້ນຟູແຂວງໄຊຍະບູລີຄືນໃໝ່
,ກົມການເມືອງສູນກາງພັກໄດ້ແຕ່ງຕັ້ງຄະນະຮັບຜິດຊອບແລະສົ່ງພະນັກງານ500ຄົນມາຊ່ວຍແຂວງ
ເພື່ອຈັດຕັງປະຕິບັດມະຕິ
01ຂອງຄະນະຮັບຜິດຊອບແຂວງໃນການແກ້ໄຂ2ຂອດອ່ອນຄື:ພະນັກງານອ່ອນແລະຂະບວນການອ່ອນ.

ວັນທີ1ເມສາ1990ກອງປະຊຸມໃຫຍ່ອົງຄະນະພັກແຂວງຄັ້ງທີIໄດ້ໄຂຂຶ້ນຢ່າງສະຫງ່າຜ່າເຜີຍ,ໂດຍໄດ້ຮັບກຽດເຂົ້າຮ່ວມ
ຈາກສະຫາຍເລຂາທິການໃຫຍໄກສອນພົມວິຫານ
,ກອງປະຊຸມໄດ້ເປັນເອກະສັນເລືອກເອົາທ່ານບຸນເຮືອງດວງພະຈັນເປັນເລຂາ
ຄະນະບໍລິຫານງານພັກແຂວງ
.

ປີ1991-1995ແມ່ນໄລຍະປະຕິບັດມະຕິກອງປະຊຸມໃຫຍ່ຄັ້ງທີVຂອງພັກແລະແຜນການແຫ່ງລັດ5ປີຄັ້ງທີIIIແຂວງສືບ
ຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຕິດພັນກັບການສ້າງທ່າສະໜາມປ້ອງກັນຊາດ
-ປ້ອງກັນຄວາມສະຫງົບ
ທົ່ວປວງຊົນ
,ເວລານີ້ເຂດພິເສດຊຽງຮ່ອນຫົງສາໄດ້ຮັບການສ້າງຕັ້ງຂຶ້ນແລະໄດ້ສ້າງຕັ້ງເມືອງເງິນແລະເມືອງຄອບຂຶ້ນອີກ.

ວັນທີ2ກຸມພາ1995ກົມການເມືອງສູນກາງພັກໄດ້ອອກມະຕິຍຸບເຂດພິສດຊຽງຮ່ອນ-ຫົງສາຂຶ້ນກັບແຂວງໄຊຍະບູລີ.
ວັນທີ25-28ເມສາ1995ໄຂກອງປະຊຸມໃຫຍ່ຄັ້ງທີIIຂອງອົງຄະນະພັກແຂວງໄຊຍະບູລີແລະເປັນເອກະສັນເລືອກເອົາສະຫາຍບຸນ
ເຮືອງດວງພະຈັນ
ກຳມະການສູນກາງພັກເປັນເລຂາຄະນະບໍລິຫານງານພັກແຂວງ,ເວລານີ້ແຂວງໄຊຍະບູລີມີພຽງ
9 ເມືອງ.

1996-2000ແມ່ານໄລຍະຈັດຕັ້ງປະຕິບັດມະຕິກອງປະຊຸມຄັ້ງທີVIຂແງພັກແລະແຜນການແຫ່ງລັດ5ປີຄັ້ງທີIV,ເວລານີ້
ແຂວງສືບຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ
,ເລັ່ງໃສ່ດຳເນີນກອງປະຊຸມໜ່ວຍພັກຮາກຖານແລະ
ປັບປຸງອຳນາດການປົກຄອງໃນທົ່ວແຂວງ
.ວັນທີ25-27ພະຈິກ1999ກອງປະຊຸມໃຫຍ່ອົງຄະນະພັກແຂວງຄັ້ງທີIIIໄດ້ໄຂຂຶ້ນຢ່າງ
ເປັນທາງການ
,ທີ່ປະຊຸມໄດ້ເລືອກເອົາສະຫາຍສົມບັດເຢຍລີເຮີເປັນເລຂາພັກແຂວງ.

ປີ2001-2005ເປັນໄລຍະປະຕິບັດມະຕິກອງປະຊຸມໃຫຍ່ຄັ້ງທີVIIຂອງພັກແລະແຜນການແຫ່ງລັດ5ປີຄັ້ງທີVແຂວງໄດ້
ສືບຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ
,ເວລານີ້ໄດ້ເລັ່ງໃສ່ເຮັດໃຫ້ແຂວງມີຄວາມສະຫງົບທາງສັງຄົມ,
ມີສະຖຽນລະພາບທາງດ້ານການເມືອງແລະໜັກແໜ້ນທາງດ້ານເສດຖະກິດ.

ວັນທີ28-30ມີນາ2005ກອງປະຊຸມໃຫຍ່ອົງຄະນະພັກແຂວງຄັ້ງທີIVໄດ້ໄຂຂຶ້ນຢ່າງເປັນທາງການແລະປະຊຸມໄດ້ເປັນ
ເອກະສັນເລືອກເອົາສະຫາຍສົມບັດເຢຍລີເຮີເປັນເລຂາພັກແຂວງ
.

ປີ2005-2010ເປັນໄລຍະປະຕິບັດມະຕິກອງປະຊຸມໃຫຍ່ຄັ້ງທີVIIIຂອງພັກແລະແຜນການແຫ່ງລັດ5ປີຄັ້ງທີVIມາງແຂວງ
ໄດ້ສືບຕໍ່ຫັນລົງກໍ່ສ້າງຮາກຖານການເມືອງ
,ສ້າງບ້ານແລະກຸ່ມບ້ານພັດທະນາໃຫ້ມີຄວາມໜັກແໜ້ນແລະກາຍເປັນຕົວເມືອງ
ຢູ່ຊົນນະບົດ
,ສ້າງອົງການປົກຄອງບ້ານແລະເມືອງໃຫ້ມີຄວາມສັກສິດໃນການຄຸ້ມຄອງລັດ,ຄຸ້ມຄອງເສດຖະກິດ-ສັງຄົມ,ຍຸຕິການ
ຖາງປ່າເຮັດໄຮ່ແບບເລື່ອນລອຍ
,ປັບປຸງຄຸນນະພາຍການສຶກສາແລະສາທາລະນະສຸກ,ສືບຕໍ່ສ້າງພື້ນຖານໂຄງລ່າງເສດຖະກິດເວລາ
ນີ້ໄດ້ເລັ່ງໃສ່ເຮັດໃຫ້ແຂວງມີຄວາມສະຫງົບທາງສັງຄົມ
,ມີສະຖຽນລະພາບທາງດ້ານການເມືອງແລະໜັກແໜ້ນທາງດ້ານເສດຖະ
ກິດ
-ວັດທະນະທຳ,ວິທະຍາສາດເຕັກໂນໂລຊີແລະບຸກຄະລາກອນ,ຮອງຮັບການຫັນເປັນອຸດສາຫະກຳແລະທັນສະໄໝໃນຕໍ່ໜ້າ,
ພ້ອມທັງເລັ່ງໃສ່ເຮັດໃຫ້ແຂວງເປັນແຂວງປູກພືດອຸດສາຫະກຳ,ໄມ້ອຸດສາຫະກຳແລະໄມ້ໃຫ້ໝາກ.ຄຽງຄູ່ກັບການສົ່ງເສີມການ
ລ້ຽງສັດຕິດພັນກັບອຸດສາຫະກຳປຸງແຕ່ງ
,ການບໍລິການທາງຜ່ານແລະການທ່ອງທ່ຽວ,ເຮັດໃຫ້ລະບົບການເມືອງມີຄວາມໜັກ
ແໜ້ນເຂັ້ມແຂງ
,ຮັບປະກັນສະຖຽນລະພາບທາງດ້ານການເມືອງແລະຄວາມເປັນລະບຽບຮຽບຮ້ອຍທາງສັງຄົມ.

ວັນທີ15-17ກໍລະກົດ2010ກອງປະຊຸມໃຫຍ່ຄັ້ງທີVຂອງອົງຄະນະພັກແຂວງໄດ້ໄຂຂຶ້ນຢ່າງສະຫງ່າຜ່າເຜີຍ,ທີ່ປະຊຸມ
ໄດ້ເປັນເອກະສັນເລືອກເອົາສະຫາຍດຣ
.ລຽນທີແກ້ວເປັນເລຂາຄະນະບໍລິຫານງານພັກແຂວງ.ວັນທີ8-10ເມສາ2015ກອງປະຊຸມ
ໃຫຍ່ຄັ້ງທີ
VIຂອງອົງຄະນະພັກແຂວງໄດ້ໄຂຂຶ້ນຢ່າງສະຫງ່າຜ່າເຜີຍ,ທີ່ປະຊຸມໄດ້ເປັນເອກະສັນເລືອກເອົາສະຫາຍ.ພົງສະຫວັນສິດ
ທະວົງເປັນເລຂາຄະນະບໍລິຫານງານ ພັກແຂວງ
.

ແຜນທີ ແຂວງໄຊຍະບູລີ