ຈໍານວນຜູ້ເຂົ້າຊົມເວັບໄຊ

97943
ມື້ນີ້ມື້ນີ້65
ມື້ວານນີ້ມື້ວານນີ້261
ອາທິດນີ້ອາທິດນີ້1896
ເດືອນນີ້ເດືອນນີ້3631
ລວມທັງໝົດລວມທັງໝົດ97943

ມີ 53  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເມືອງໄຊຍະບູລີ

ກອງປະຊຸມຄົບຄະນະບໍລິຫານງານພັກ ເມືອງໄຊຍະບູລີ ແຂວງໄຊຍະບູລີ ຄັ້ງທີ 9 ສະໄໝທີ VIII ໄດ້ເປີດຂື້ນຢ່າງເປັນທາງການ ໃນຕອນເຊົ້າວັນທີ 3 ກຸມພາ 2017 ທີ່ຫ້ອງປະຊຸມຫ້ອງວ່າການປົກຄອງເມືອງໄຊຍະບູລີ. ໂດຍການໃຫ້ກຽດເຂົ້າເປັນປະທານຂອງ ສະຫາຍ ຄຳສີງ ສໍລະສຸກ, ກຳມະການປະຈຳພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງໄຊຍະບູລີ, ໂດຍມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ເລຂາຄະນະພັກຮາກຖານກຸ່ມບ້ານ, ພະນັກງານ ພ້ອມດ້ວຍເລຂາພັກບ້ານ, ນາຍບ້ານເທດສະບານເມືອງເຂົ້າຮ່ວມ.

ໃນກອງປະຊຸມພາຍຫຼັງສະຫາຍ ຄຳສີງ ສໍລະສຸກ, ເຈົ້າເມືອງໄຊຍະບູລີ ໄດ້ກ່າວເປີດກອງປະຊຸມຢ່າງເປັນທາງການແລ້ວ, ຈາກນັ້ນສະຫາຍ ບຸນເສັງ ວົງສະນີດ, ຄະນະປະຈຳພັກເມືອງ, ຮອງເຈົ້າເມືອງໄຊຍະບູລີ ໄດ້ຂື້ນຜ່ານບົດສະຫຼຸບການຈັດຕັ້ງ

ປະຕິບັດແຜນພັດທະນາເສດຖະກິດ-ສັງຄົມ 3 ເດືອນຕົ້ນປີ ແລະ ກຳນົດທິດທາງແຜນການ 3 ເດືອນປີ 2017 ເຊີ່ງສະຫາຍກ່າວວ່າ: ຕະຫຼອດໄລຍະ 3 ເດືອນຜ່ານມາ ແມ່ນເປັນໄລຍະທຳອິດຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມເຂົ້າສູ່ງົບປະມານຕາມປະຕິທີນຂອງແຂວງ ກໍ່ຄືຂອງເມືອງ ເຊີ່ງອົງຄະນະພັກເມືອງ ໄຊຍະບູລີ ສືບຕໍ່ຜັນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກ, ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ, ມະຕິກອງປະຊຸມໃຫ່ຍຄັ້ງທີ VIII ຂອງອົງຄະນະພັກເມືອງໄຊຍະບູລີ, ແຜນພັດທະນາເສດຖະກີດ-ສັງຄົມ 5 ປີ ຄັ້ງທີ 8 ຂອງລັດຖະບານ, ຂອງແຂວງ ເວົ້າລວມ ເວົ້າສະເພາະ ກໍ່ຄືແຜນພັດທະນາເສດຖະກີດ-ສັງຄົມ 5 ປີ ຂອງເມືອງໄຊຍະບູລີ ທີ່ໄດ້ກຳນົດໄວ້ແຕ່ປີ 2015-2020 ສາມາດຍາດໄດ້ຮັບຜົນສຳເລັດໃນຫຼາຍດ້ານສະແດງອອກຄື: ການຈັດຕັ້ງປະຕິບັດການລົງທືນຂອງລັດປີ 2017 ເມືອງໄຊຍະບູລີ ໄດ້ຮັບໂຄງການລົງທືນທັງໝົດ 21 ໂຄງການມູນຄ່າ 41 ຕື້ 831 ລ້ານກີບ,ໃນນີ້ໂຄງການສືບຕໍ່ມີ 15 ໂຄງການມູນຄ່າ 32 ຕື້ 428 ລ້ານກີບ, ອານຸມັດປີ 2017 ມູນຄ່າ 2ຕື້ 416 ລ້ານກີບ, ໂຄງການສະເໜີໃໝ່ 4 ໂຄງການມູນຄ່າ 7 ຕື້ 148 ລ້ານກີບ, ອານຸມັດປີ 2017 ຈຳນວນ 200 ລ້ານກີບ, ໂຄງການຊໍາລະໜີ້ 2 ໂຄງການ ມູນຄ່າ 2 ຕື້ 255 ລ້ານກີບ, ອານຸມັດປີ 2017 ຈຳນວນ 350 ລ້ານກີບ, ວຽກງານການເງິນໄດ້ຮັບຕົວເລກຕາມແຜນປະຈໍາປີ 2017 ທັງໝົດ 31 ຕື້ 650 ລ້ານກີບ, ຜ່ານການຈັດຕັ້ງປະຕິບັດຕົວຈິງໃນ 3 ເດືອນຜ່ານມາສາມາດປະຕິບັດໄດ້ 6 ຕື້ 831 ລ້ານກ່ວາກີບ ເທົ່າກັບ 21,58%, ທຽບໃສ່ແຜນງວດປະຕິບັດໄດ້ 108 % ຂອງແຜນງວດ, ພ້ອມນີ້ ກໍ່ໄດ້ຊຸກຍູ້ໃຫ້ພໍ່ແມ່ປະຊາຊົນປູກພຶດລະດູແລ້ງເປັນຕົ້ນແມ່ນ ປູກເຂົ້ານາແຊງໃນເນຶ້ອທີ 82 ກ່ວາເຮັກຕາ, ປູກພຶດຊະນີດຕ່າງໆໄດ້ 1557 ເຮັກຕາ ເທົ່າກັບ 45,57%, ຜົນຜະລີດໄດ້ 8100 ກວ່າໂຕນ,ໃນນີ້ສາລີຫວານໄດ້ 146 ກ່ວາເຮັກຕາ, ຖົ່ວດິນ 48 ເຮັກຕາ, ໜາກໂມ-ໝາກແຕງ 158 ເຮັກຕາ ແລະພືດສະນີດອື່ນໆ 1200 ກ່ວາເຮັກຕາ, ຂະບວນການລ້ຽງສັດມີການຂະຫຍາຍຕົວ 1,97%, ເທົ່າກັບ 12.290 ກ່ວາໂຕ, ສະໜອງໃຫ້ຜູ້ບໍລີໂພກປະເພດຊີ້ນ,ໄຂ່, ປາ ໄດ້ 1000 ກວ່າໂຕນ, ຈາກນັ້ນໃນກອງປະຊຸມຜູ້ເຂົ້າຮ່ວມກໍ່ໄດ້ພ້ອມກັນປະກອບຄຳຄິດເຫັນໃສ່ໃນຮ່າງບົດສະຫຼຸບ ໂດຍໄດ້ຍົກໃຫ້ເຫັນຈຸດດີທີ່ຈະຕ້ອງສືບຕໍ່ເສີມຂະຫຍາຍໃຫ້ດີຂຶ້ນເທື່ອລະກ້າວ, ຈຸດອ່ອນ, ຂໍ້ຄົງຄ້າງ ແລະ ສິ່ງທາດທາຍ ທີ່ຈະຕ້ອງພ້ອມກັນຊອກຫາວິທີແກ້ໄຂ. ເຊິ່ງກອງປະຊຸມຄົບຄະນະບໍລິຫານງານພັກເມືອງໄຊຍະບູລີ ຄັ້ງທີ 9 ສະໄໝທີ VIII ແມ່ນຈະດຳເນີນເປັນເວລາ 2 ວັນເຕັມຈື່ງສຳເລັດ.

ໂດຍ: ບຸນຈັນ ທ່າວ 0305752303

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ