ຈໍານວນຜູ້ເຂົ້າຊົມເວັບໄຊ

117738
ມື້ນີ້ມື້ນີ້278
ມື້ວານນີ້ມື້ວານນີ້352
ອາທິດນີ້ອາທິດນີ້1890
ເດືອນນີ້ເດືອນນີ້6875
ລວມທັງໝົດລວມທັງໝົດ117738

ມີ 24  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນ​ຕອນ​ເຊົ້າຂອງ​ວັນ​ທີ 23 ກຸມພາ 2017 ນີ້. ທີ່​ຫ້ອງ​ປະຊຸມ​ຫ້ອງ​ວ່າການ​ປົກຄ​ອງແຂວງ​ ໄຊ​ຍະ​ບູລີ ​ໄດ້​ຈັດ​ກອງ​ປະຊຸມ​ຖອດ​ຖອນ​ບົດຮຽນ​ການ​ຈັດ​ພິທີ​ຮັບຮອງ​ເອົາ 3 ອົງການ​ຈັດ​ຕັ້ງ​ເປັນ​ແຂວງ

​ສະຫະພັນ​ແມ່ຍິງ 3 ດີ, ຊາວ​ໜຸ່ມ 4 ບຸກ ​ແລະ​ ກຳ​ມະ​ບານ 2 ດີ 5 ​ເປັນ​ເຈົ້າ. ​ໂດຍ​ການ​ເປັນ​ປະທານ​ຂອງ ທ່ານ ຄຳ​ສຸກ ທໍ ປະທານ​ແນວ​ລາວ​ສ້າງ​ຊາດ​ແຂວງ, ຜູ້​ຊີ້​ນຳ​ອົງການ​ຈັດ​ຕັ້ງ​ມະຫາຊົນ, ​ເຂົ້າ​ຮ່ວມ​ກອງ​ປະຊຸມ​ມີ​ຫົວໜ້າ-ຮອງ​ຫົວໜ້າ​ພະ​ແນ​ກການ​ທີ່​ກ່ຽວຂ້ອງ​ອ້ອມ​ຂ້າງ​ແຂວງ ​ແລະ ຫົວໜ້າ-ຮ​ອງຫົວໜ້າ​ຫ້ອງການ 3 ອົງການ​ຈັດ​ຕັ້ງ​ເມືອງ​ໄຊ​ຍະ​ບູລີ​ເຂົ້າ​ຮ່ວມ 50 ກວ່າ​ຄົນ.

           ກອງ​ປະຊຸມ​ໄດ້​ຮັບ​ຟັງ​ການ​ລາຍ​ງານ​ການຈັດ​ຕັ້ງ​ປະຕິບັດ​ວຽກ​ງານ​ໂດຍ​ສັງ​ເຂ​ບຈາກ ທ່ານ ນາງ ​ເທວີ ພັນ​ລັກ ປະທານ​ຄະນະ​ບໍລິຫານ​ງານ​ສະຫະພັນ​ແມ່ຍິງ​ແຂວງ. ​ເຊິ່ງທ່ານ​ໄດ້​ຍົກ​ໃຫ້​ເຫັນ​ດ້ານ​ດີ-ດ້ານ​ອ່ອນ​ຂໍ້ຄົງຄ້າງ​ຈາກ​ການ​ກະກຽມ ​ແລະ ປະກາດ​ແຂວງ​ ​ໄຊ​ຍະ​ບູລີ ​ເປັນ​ແຂວງ​ສະຫະພັນ​ແມ່ຍິງ 3 ດີ, ຊາວ​ໜຸ່ມ 4 ບຸກ ​ແລະ ກຳມະບານ 2 ດີ 5 ​ເປັນ​ເຈົ້າ ຄັ້ງ​ວັນ​ທີ 16 ກຸມພາ ຜ່ານ​ມາ​ນີ້. ຈາກ​ນັ້ນ, ບັນດາ​ຜູ້​ເຂົ້າ​ຮ່ວມ​ແມ່ນ​ໄດ້​ຜັດປ່ຽນ​ກັນ​ຂຶ້ນ​ປະກອບ​ຄຳ​ຄິດ​ຄຳ​ເຫັນ ​ແລະ ຖອດ​ຖອນ​ບົດຮຽນ​ເຊິ່ງກັນ ​ແລະ ກັນ. ​ໃນ​ການຈັດ​ຕັ້ງ​ພິທີ​ປະ​ກາດ 3 ອົງການ​ຈັດ​ຕັ້ງ​ດັ່ງ​ກ່າວ ​ແລະ ​ເພື່ອ​ເປັນ​ບົດຮຽນ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ໃນ​ຕໍ່ໜ້າ. ຈາກ​ນັ້ນ, ທ່ານ ຄຳ​ສຸກ ທໍ ​ກໍ່          ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່​ຜົນງານ​ການຈັດ​ຕັ້ງ​ປະຕິບັດ​ວຽກ​ງານ​ດັ່ງກ່າວ​ທີ່​ສາມາດ​ບັນລຸ​ໄດ້​ຕາມ​ລະດັບ​ຄາດໝາຍ ​ແລະ ມີ​ຜົນສຳ​ເລັດ​ອັນ​ຈົບງາມ.

ແຫຼ່ງຂ່າວຫ້ອງວ່າການປົກຄອງແຂວງ

ຂຽນໂດຍ: ອຸ່ນເຮືອນ ໂພທິລັກ

ແຜນທີ ແຂວງໄຊຍະບູລີ