ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 27  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນນວັນທີ່ 26 ກຸມພາ 2017 ນີ້ ທ່ານພົງສະຫວັນ ສິດທະວົງ ເຈົ້າແຂວງໄຊຍະບູລີ,ພ້ອມດ້ວຍຄະນະໄດ້ລົງຢ້ຽມຢາມ ແລະ ເຮັດວຽກຢູ່ເມືອງໄຊສະຖານ,ທີ່ຫ້ອງປະຊຸມຂອງເມືອງດັ່ງກ່າວ.

        ກ່ອນອື່ນທ່ານ ເຈົ້າແຂວງ ພ້ອມດ້ວຍຄະນະ ແມ່ນໄດ້ຮັບຟັງການລາຍງານສະພາບເສດຖະກິດຂອງເມືອງຈາກທ່ານ ກອງສີ ວົງສີ ເຈົ້າເມືອງ ເມືອງໄຊສະຖານ, ໃນສົກ 2015-2016 ຜ່ານມານີ້ ເສດຖະກິດຂອງເມືອງ ໄຊສະຖານ ແມ່ນຂະຫຍາຍຕົວໃນລະດັບ 7% ຕໍ່ປີ. ລາຍຮັບບັນລຸໄດ້ 92,8 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 6 ລ້ານ 1 ແສນກີບ, ເທົ່າກັບ 763 ໂດລາສະຫະລັດ/ຄົນ/ປີ. ໂຄງປະກອບຂອງເສດຖະກິດມີການຫັນປ່ຽນຢ່າງຕັ້ງໜ້າ ເຊິ່ງສະແດງອອກ ທົ່ວເມືອງມີເນື້ອທີ່ທຳການຜະລິດ 3.000 ກວ່າເຮັກຕາ, ເນື້ອທີ່ປູກ

ເຂົ້າທັງໝົດ 2.000 ກວ່າເຮັກຕາ, ເກັບກູ້ເຂົ້າໄດ້ທັງໝົດເກືອບ 4.000 ໂຕ່ນ, ສະເລ່ຍໃສ່ຫົວຄົນໄດ້ 231kg/ຄົນ/ປີ. ເນື້ອທີ່ປູກພືດເປັນສິນຄ້າ 600 ກວ່າເຮັກຕາ, ມີສັດລ້ຽງທັງໝົດ 48 ພັນກວ່າໂຕ, ໃນນີ້ ຄວາຍ 2 ພັນກວ່າໂຕ, ງົວ 5 ພັນກວ່າໂຕ ແລະ ສັດປີ 30 ພັນກວ່າໂຕ.

        ຈາກນັ້ນ ທ່ານ ເຈົ້າແຂວງ ກໍ່ໃຫ້ກຽດໂອ້ລົມຕໍ່ຜູ້ເຂົ້າຮ່ວມ. ໃນນັ້ນ, ທ່ານໄດ້ຍົກໃຫ້ເຫັນສະພາບຈຸດພິເສດຂອງເມືອງ, ມູນເຊື້ອອັນດີງາມຂອງປະຊາຊົນ, ພ້ອມດຽວກັນທ່ານຍັງໄດ້ເນັ້ນໜັກໃຫ້ອຳນາດການປົກຄອງເມືອງຈົ່ງເອົາໃຈໃສ່ແກ້ໄຂບັນຫານໍ້າກິນ-ນໍ້າໃຊ້ໃຫ້ປະຊາຊົນ, ແກ້ໄຂເສັ້ນທາງທີ່ເປ່ເພເພື່ອໃຫ້ປະຊາຊົນທຽວໄດ້ສະດວກ, ເອົາໃຈໃສ່ຄຸ້ມຄອງ ແລະ ໃຊ້ມາດຕະການໃນການຖາງປ່າເຮັດໄຮ່, ຮັກສາ ແລະ ກຳນົດເອົາປ່າສະຫງວນຂອງເມືອງ, ເອົາໃຈໃສ່ແກ້ໄຂ ແລະ ລົບລ້າງຄວາມທຸກຍາກໃຫ້ໄດ້ໂດຍສົ່ງເສີມໃຫ້ປະຊາຊົນກັບມາລ້ຽງສັດໃຫຍ່ ແລະ ປູກຊາເປັນສິນຄ້າໃຫ້ຫຼາຍ.

        ໂອກາດດັ່ງກ່າວ ທ່ານ ເຈົ້າແຂວງ ພ້ອມດ້ວຍຄະນະກໍ່ໄດ້ລົງສຳຫຼວດເບິ່ງເສັ້ນທາງທີ່ຈະໄດ້ສ້ອມແປງ ແລະ ສະຖານທີ່ຈະສ້າງອ່າງເກັບນໍ້າເພື່ອຜະລິດນໍ້າປະປາຕື່ມອີກ.

ແຫຼ່ງຂ່າວຫ້ອງວ່າການປົກຄອງແຂວງ

ຂຽນໂດຍ: ອຸ່ນເຮືອນ ໂພທິລັກ

ໂທ 22126933

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ