ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 25  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເວລາ 08 ໂມງ 00 ນາທີ ໃນຕອນເຊົ້າຂອງ ວັນທີ 24 ກຸມພາ 2017  ຢູ່ທີ່ສະໂມສອນຫ້ອງວ່າການປົກຄອງແຂວງໄຊຍະບູລີ ໄດ້ໄຂກອງປະຊຸມສະຫຼຸບຖອດຖອນບົດຮຽນ ກ່ຽວກັບການຈັດງານມະຫາກຳບຸນຊ້າງ

ຄັ້ງທີ 11, ປະຈໍາປີ 2017 ຂື້ນຢ່າງເປັນທາງການ, ພາຍໃຕ້ການເປັນປະທານຂອງ ທ່ານ ຍັນຍົງ ສີປະເສີດ ຮອງເລຂາພັກແຂວງ, ຮອງເຈົ້າແຂວງໄຊຍະບູລີ, ປະທານຄະນະຮັບຜິດຊອບການຈັດງານມະຫາກຳບຸນຊ້າງ ປະຈໍາປີ 2017, ໃນກອງປະຊຸມຄັ້ງນີ້ມີບັນດາຄະນະຮັບຜິດຊອບຂອງແຂວງ, ເມືອງ ແລະ ຂະແໜງການກ່ຽວຂ້ອງ ເຂົ້າຮ່ວມທັງໝົດ 26 ທ່ານ, ຍິງ 06 ທ່ານ.

 

ກອງປະຊຸມ ໄດ້ຮັບຟັງການຜ່ານຮ່າງບົດສະຫຼຸບຫຍໍ້ ກ່ຽວກັບຜົນສໍາເລັດຂອງການຈັດງານມະຫາກໍາບຸນຊ້າງ ຄັ້ງທີ 11, ປະຈໍາປີ 2017 ຈາກທ່ານ ຈັນເພັງ ຄໍາມູນທາ ຮອງຫົວໜ້າຫ້ອງວ່າການປົກຄອງແຂວງ, ຫົວໜ້າກອງເລຂາຄະນະຮັບຜິດຊອບຈັດງານມະຫາກໍາບຸນຊ້າງ; ເຊິ່ງທ່ານໄດ້ຍົກໃຫ້ເຫັນນັບຕັ້ງແຕ່ການກະກຽມ, ດ້ານດີ-ດ້ານອ່ອນ, ຂໍ້ຄົງຄ້າງໃນການປະຕິບັດຕົວຈິງ, ບົດຮຽນທີ່ຖອດຖອນໄດ້ ແລະ ທິດທາງແຜນການ ເພື່ອຈະສືບຕໍ່ຜົນຂະຫຍາຍໃນປີຕໍ່ໄປ.

ພ້ອມດຽວກັນນີ້ ກອງປະຊຸມກໍ່ຍັງໄດ້ຮັບຟັງການປະກອບຄໍາຄິດຄໍາເຫັນ ຈາກບັນດາຄະນະຮັບຜິດຊອບກິດຈະກໍາຕ່າງໆ ຈາກການຈັດງານ ເພື່ອກວດຄືນບັນດາໜ້າວຽກ, ດ້ານອ່ອນ, ຂໍ້ຄົງ ຄ້າງ ແລະ ບົດຮຽນທີ່ຈະສືບຕໍ່ໃນການຈັດງານຄັ້ງຕໍ່ໄປ.

ເວົ້າລວມແລ້ວ ການຈັດງານມະຫາກໍາບຸນຊ້າງ ຄັ້ງທີ່ 11, ປະຈໍາປີ 2017 ແມ່ນໄດ້ຮັບຜົນສໍາເລັດຕາມລະດັບຄາດໝາຍ, ມີຄວາມເປັນລະບຽບຮຽບຮ້ອຍ ແລະ ຮັກສາໄດ້ຄວາມສະຫງົບປອດໄພ ຕະຫຼອດໄລຍະການຈັດງານ ພ້ອມທັງໄດ້ຮັບການຍ້ອງຍໍຊົມເຊີຍ ຈາການນໍາ ພັກ-ລັດ, ແຂກພາຍໃນ ແລະ ຕ່າງປະເທດ ທີ່ມາຮ່ວມງານຢ່າງກວ້າງຂວາງ.

ແຫຼ່ງຂ່າວຫ້ອງວ່າການປົກຄອງແຂວງ

ຂຽນໂດຍ: ອຸ່ນເຮືອນ ໂພທິລັກ

ໂທ 020 22126933

ແຜນທີ ແຂວງໄຊຍະບູລີ