ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 31  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການກະກຽມໃນການເປັນເຈົ້າພາບການແຂ່ງຂັນກິລາແຫ່ງຊາດ ຄັ້ງທີ່ XII ໃນປີ 2021 ທີ່ແຂວງ ໄຊຍະບູລີຈະເປັນເຈົ້າພາບນັ້ນ. ໃນຕອນເຊົ້າຂອງວັນທີ 15 ມີນາ ປີນີ້. ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ ໄດ້ຈັດກອງປະຊຸມປຶກສາຫາລືກ່ຽວກັບການກະກຽມກໍ່ສ້າງສະໜາມກິລາແຫ່ງຊາດຂຶ້ນ. ໂດຍການເປັນກຽດເຂົ້າຮ່ວມຂອງ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີ ທ່ານ ຮອງເຈົ້າແຂວງ, ຫົວໜ້າພະແນກການທີ່ກ່ຽວຂ້ອງ, ເຈົ້າເມືອງ ໄຊຍະບູລີ ແລະ ພະນັກງານວິຊາການຈາກບໍລິສັດຮ່ວມໃຈສຳຫຼວດອອກແບບ,ທີ່ປຶກສາຈຳກັດຜູ້ດຽວ ເຂົ້າຮ່ວມເກືອບ 30 ຄົນ.

ໃນວາລະດຳເນີນກອງປະຊຸມ ທ່ານ ສຸລິເດດ ວັນຄຳ ຜູ້ອຳນວຍການບໍລິສັດ ໄດ້ຂຶ້ນລາຍງານຜົນສຳເລັດໃນການສຳຫຼວດສະຖານທີ່, ການຄິດໄລ່ອອກແບບສະໜາມກິລາແຫ່ງຊາດ. ເປັນຕົ້ນແມ່ນໄດ້ລາຍງານເປົ້າໝາຍ ແລະ ວັດຖຸປະສົງຂອງການຜ່ານແບບ,

ລາຍງານຄວາມຄືບໜ້າຂອງໜ້າວຽກຕ່າງໆທີ່ມີຢູ່ໃນໂຄງການ, ສະເໜີແຜນຜັງຈັດສັນຕອນດິນ, ສະເໜີລາຍລະອຽດຂອງການອອກແບບທາງດ້ານຂະໜາດຮູບຊົງ ແລະ ການນຳໃຊ້ຂອງບັນດາອາຄານທີ່ມີໃນໂຄງການ ແລະ ສະເໜີໃບປະເມີນຜົນລາຄາໃນການກໍ່ສ້າງ.ໂຄງການກໍ່ສ້າງສະໜາມກິລາແຫ່ງຊາດແມ່ນໂຄງການລົງທຶນ

ຂອງລັດຖະບານ ເຊິ່ງມີສະໜາມກິລາເພື່ອຮອງຮັບໃນພິທີເປີດ-ປິດ, ສະໜາມກິລາໃນຮົ່ມ 2 ອາຄານ, ສະໜາມກິລາດັ່ງກ່າວແມ່ນສາມາດແຂ່ງຂັນກິລາປະເພດດ່ຽວ ແລະ ປະເພດທີມ. ລວມມູນຄ່າປະເມີນເບື້ອງຕົ້ນໃນການກໍ່ສ້າງ 126 ຕື້ ກວ່າກີບ. ຈາກນັ້ນຜູ້ເຂົ້າຮ່ວມກໍ່ໄດ້ມີຄຳຄິດຄຳເຫັນ ແລະ ປຶກສາຫາລືຕໍ່ກັບແຜນຜັງໃນການກໍ່ສ້າງສະໜາມກິລາດັ່ງກ່າວຕື່ມອີກ.

 

ຂ່າວໂດຍ: ອຸ່ນເຮືອນ ໂພທິລັກ

ໂທ: 2212 6933

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ