ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 24  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 15 ມີນາ 2017 ນີ້ ທີ່ຫ້ອງປະຊຸມ ຫ້ອງວ່າການແຂວງໄຊຍະບູລີ. ໄດ້ຈັດກອງປະຊຸມ ພັດທະນາສູນອານຸລັກຊ້າງ. ໂດຍການເປັນປະທານຂອງທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງ ໄຊຍະບູລີ, ເຂົ້າຮ່ວມມີຮອງຫົວໜ້າພະແນກການທີ່ກ່ຽວຂ້ອງ, ຮອງເຈົ້າເມືອງ ໄຊຍະບູລີ ແລະ ພະນັກງານວິຊາການຈາກສູນອານຸລັກຊ້າງເຂົ້າຮ່ວມເກືອບ 20 ຄົນ.

ທ່ານ ເຂັມເພັດ ຊະນະພັນ ຕົວແທນຈາກສູນອານຸລັກຊ້າງແຂວງ ໄຊຍະບູລີ ໄດ້ໃຫ້ຮູ້ວ່າ: ແຂວງໄຊຍະບູລີ ແລະ ສະມາຄົມອານຸລັກຊ້າງ ອາຊີ ແມ່ນໄດ້ຮັບການຍອມຮັບຈາກຊາວຕ່າງປະເທດຢ່າງຫຼວງຫຼາຍ, ໂດຍການໂຄສະນາຜ່ານສື່ຕ່າງໆໃຫ້ເປັນແຂວງທີ່ມີການທ່ອງທ່ຽວ, ໄດ້ເຜີຍແຜ່ຄວາມຮູ້ກ່ຽວກັບຊ້າງລາວໃຫ້ກັບສັງຄົມໄດ້ຮັບຮູ້. ໃນໄລຍະ 1 ປີຜ່ານມາແມ່ນໄດ້ສຳເລັດການຈັດຕັ້ງບ່ອນອານຸລັກຮັກສາຊ້າງ, ໄດ້ຈັດກິດຈະກຳຕ່າງໆຂອງຊ້າງເປັນຕົ້ນແມ່ນການປະສົມພັນຊ້າງ, ສະຖານທີ່ຊ້າງໃຊ້ຊີວິດຮ່ວມກັນໃນຄອບຄົວ, ການເບິ່ງແຍງຊ້າງຈາກສັງຄົມສົງເຄາະ,ການຂີ່ຊ້າງທ່ຽວຊົມທຳມະຊາດ ແລະ ການເຂົ້າຮ່ວມງານສຳຄັນຕ່າງໆທີ່ແຂວງຈັດຂຶ້ນ. ຈາກນັ້ນທ່ານຮອງເຈົ້າແຂວງ ກໍ່ໄດ້ຮຽກຮ້ອງໃຫ້ຄະນະຮັບຜິດຊອບ ໂດຍສະເພາະແມ່ນສູນອານຸລັກຊ້າງ ຈົ່ງເອົາໃຈໃສ່ເບິ່ງແຍງສຸຂະພາບຂອງຊ້າງ,ສືບຕໍ່ຂະຫຍາຍຊັບພະຍາກອນຊ້າງໃຫ້ຫຼາຍ, ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວ ແລະ ຂີ່ຊ້າງຊົມທຳມະຊາດໃຫ້ຫຼາຍຂຶ້ນ.

 

ຂ່າວໂດຍ: ອຸ່ນເຮືອນ ໂພທິລັກ

ໂທ: 2212 6933

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ