ຈໍານວນຜູ້ເຂົ້າຊົມເວັບໄຊ

105917
ມື້ນີ້ມື້ນີ້178
ມື້ວານນີ້ມື້ວານນີ້255
ອາທິດນີ້ອາທິດນີ້355
ເດືອນນີ້ເດືອນນີ້3593
ລວມທັງໝົດລວມທັງໝົດ105917

ມີ 20  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

width=

 ພິທີປະກາດ 3 ບ້ານຄື: ບ້ານ ສີມຸງຄຸນ,ບ້ານປົ່ງ ແລະ ບ້ານ ບຸ່ງ, ກົມກອງ ແລະ ທຸລະກິດອ້ອມຂ້າງເມືອງ ໄຊຍະບູລີ ເປັນແບບຢ່າງ ດ້ານສິ່ງແວດລ້ອມ, ໄດ້ຈັດຂຶ້ນໃນຕອນເຊົ້າຂອງວັນທີ 20 ມີນາ 2017 ນີ້, ຢູ່ ທີ່ຫ້ອງປະຊຸມພະແນກກະສິກຳ ແລະ ປ່າໄມ້ແຂວງ, ເຂົ້າຮ່ວມໂດຍ ທ່ານ ຍັນຍົງ ສີປະເສີດ, ຮອງເຈົ້າແຂວງໄຊຍະບູລີ, ມີທ່ານ ຄຳສິງ ສໍລະສຸກ ເຈົ້າ ເມືອງ ໄຊຍະບູລີ, ມີຫົວໜ້າ,ຮອງຫົວໜ້າຫ້ອງການ, ມີນາຍບ້ານເທດສະບານ ແລະ ນັກທຸລະກິດອ້ອມຂ້າງເມືອງໄຊຍະບູລີເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ບຸນເສັງ ວົງສະນິດ ຮອງເຈົ້າເມືອງໄຊຍະບູລີໄດ້ຂຶ້ນຜ່ານບົດລາຍງານຜົນການຈັດຕັ້ງປະຕິບັດການກວດກາປະເມີນຜົນຄອບຄົວ, ບ້ານ, ກົມກອງ ແລະ ທຸລະກິດ ແບບຢ່າງດ້ານສິ່ງແວດລ້ອມ; ເຊິ່ງທ່ານໄດ້ກ່າວວ່າ: ການລົງກວດກາດ້ານສິ່ງແວດລ້ອມແມ່ນໄດ້ກວດກາຕາມ 8 ມາດຖານຂອງການສ້າງຄົນ, ບ້ານ ແລະ 5 ມາດຖານ ການສ້າງກົມກອງ, ທຸລະກິດ ແບບຢ່າງສິ່ງແວດລ້ອມເຊັ່ນ: ເປັນຄອບຄົວທີ່ມີການອານາໄມ, ບໍ່ຖິ້ມຂີ້ເຫຍື້ອຊະຊາຍ ແລະ ມີຖັງໃສ່ຂີ້ເຫຍື້ອທີ່ມີ

width=

ຝາປິດ, ເປັນຄອບຄົວທີ່ປູກຕົ້ນໄມ້ປະດັບ, ເປັນຄອບຄົວທີ່ມີການລ້ອມຮົ້ວໄມ້ ຫຼື ກໍ່ກຳແພງ, ຄຸ້ມຄອງປົກປັກຮັກສາເສົາໄຟຟ້າເຍືອງທາງ, ບໍ່ປ່ອຍສັດປະເພດຕ່າງໆເຊັ່ນ: ງົວ, ຄວາຍ, ໝູ, ແບ້ຊະຊາຍ . ຜ່ານການກວດກາຄື: ບ້ານ ບຸ່ງ ຖືກຕາມມາດຖານມີ 262 ຄອບຄົວ, ເທົ່າກັບ 89 ກວ່າ %, ມີ 1 ໂຮງຮຽນ ແລະ 1 ຕະຫຼາດ, ບ້ານ ປົ່ງ ຖືກຕາມມາດຖານມີ 235 ຄອບຄົວ, ເທົ່າກັບ 96 ກວ່າ %, ມີ 4 ກົມກອງ ແລະ 5 ຫົວໜ່ວຍທຸລະກິດ, ແລະ ບ້ານ ສີມຸງຄຸນ ຖືກຕາມມາດຖານ 283 ຄອບຄົວ,ເທົ່າກັບ 95 %,ມີ 5 ກົມກອງ ແລະ 5 ຫົວໜ່ວຍທຸລະກິດ. ໂອກາດດັ່ງກ່າວ ທ່ານ ຍັນຍົງ ສີປະເສີດ ຮອງເຈົ້າແຂວງ ກໍ່ໄດ້ໃຫ້ກຽດຂຶ້ນມອບໃບຢັ້ງຢືນໃຫ້ບ້ານ, ກົມກອງ, ຫົວໜ່ວຍທຸລະກິດແບບຢ່າງ ດ້ານສິ່ງແວດລ້ວມ, ຕັດແຖບຜ້າ, ປ່ອຍປຸມເປົ້າ ແລະ ເປີດປ້າຍຢ່າງເປັນທາງການ.

 

ແຫຼ່ງຂ່າວ:ຫ້ອງວ່າການປົກຄອງແຂວງ

ຂຽນໂດຍ: ອຸ່ນເຮືອນ ໂພທິລັກ

ໂທ: 22126933

ແຜນທີ ແຂວງໄຊຍະບູລີ