ຈໍານວນຜູ້ເຂົ້າຊົມເວັບໄຊ

105917
ມື້ນີ້ມື້ນີ້178
ມື້ວານນີ້ມື້ວານນີ້255
ອາທິດນີ້ອາທິດນີ້355
ເດືອນນີ້ເດືອນນີ້3593
ລວມທັງໝົດລວມທັງໝົດ105917

ມີ 27  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

width

ໃນຕອນເຊົ້າວັນທີ 17 ມີນາ 2017 ທີ່ຜ່ານມານີ້ ເມືອງໄຊຍະບູລີ ແຂວງໄຊຍະບູລີ ໄດ້ຈັດພິທີປາຖະກາຖາເລົ່າຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 62 ປີ (22 ມີນາ 1955-22 ມີນາ 2017 ) ແລະ ວັນສ້າງຕັ້ງອົງການກວດກາພັກ-ລັດ ສປປ ລາວ ຄົບຮອບ 35 ປີ (16 ກຸມພາ 1982-16 ກຸມພາ 2017 ) ຢູ່ທີ່ຫ້ອງປະຊຸມຫ້ອງວ່າການປົກຄອງເມືອງໄຊຍະບູລີ. ໂດຍການໃຫ້ກຽດເຂົ້າຮ່ວມເລົ່າຄືນມູນເຊຶ້ອຂອງທ່ານ ຄໍາສິງ ສໍລະສຸກ, ກຳມະການປະຈຳພັກແຂວງ, ເລຂາພັກເມືອງ, ເຈົ້າເມືອງໄຊຍະບູລີ, ໂດຍມີຄະນະປະຈຳພັກເມືອງ, ກຳມະການພັກເມືອງ, ສະມາຊິກສະພາປະຊາຊົນແຂວງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ, ເລຂາຄະນະພັກຮາກຖານກຸ່ມບ້ານ, ສະມາຊິກພັກ, ພະນັກງານຫຼັກແຫຼ່ງອ້ອມຂ້າງເມືອງຕະຫຼອດຮອດອຳນາດການປົກຄອງບ້ານ ເທດສະບານເຂົ້າຮ່ວມ 100 ກວ່າຄົນ.

 

width

ໃນພິທີ ທີ່ມີຄວາມໝາຍສຳຄັນນີ້ ທ່ານ ຄໍາສິງ ສໍລະສຸກ, ເຈົ້າເມືອງໄຊຍະບູລີ ກໍ່ໄດ້ໃຫ້ກຽດເລົ່າຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວ ແລະ ວັນສ້າງຕັ້ງອົງການກວດກາພັກ-ລັດ ສປປ ລາວ ເພາະວ່າຊາດລາວເປັນຊາດໜຶ່ງທີ່ມີປະຫວັດແຫ່ງການກຳເນີດ, ຄົງຕົວ ແລະ ຂະຫຍາຍຕົວຍາວນານ ມາແຕ່ຫຼາຍພັນປີ, ມີປະຫວັດສາດອັນເກົ່າແກ່, ມີມູນເຊື້ອອັນສະຫງ່າອົງອາດ ແລະ ຈົບງາມມາແຕ່ບູຮານນະການເຊັ່ນ: ມູນເຊື້ອດຸໝັ່ນຂະຫຍັນພຽນໃນການອອກແຮງງານ, ມູນເຊື້ອສາມັກຄີປອງດອງ, ມູນເຊື້ອຮັກແພງຊາດ, ມູນເຊື້ອວັດທະນະທຳທີ່ເປັນເອກະລັກອັນດີງາມ ແລະ ອັນພົ້ນເດັ່ນກວ່າໝູ່ ແມ່ນມູນເຊື້ອແຫ່ງການຕໍ່ສູ້ກູ້ຊາດບໍ່ຍອມຈຳນົນ ຕ້ານການຮຸກຮານຂອງສັດຕູຢ່າງເດັດດ່ຽວໜຽວ ແໜ້ນຂອງບັນດາບັນພະບູລຸດລາວເຮົາ ໃນການທ້ອນໂຮມ, ປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າ ໃນແຕ່ລະຍຸກແຕ່ລະສະໄໝ ທີ່ສືບທອດຕໍ່ກັນມາຈົນເຖິງປັດຈຸບັນ, ເຮັດໃຫ້ເສດຖະກິດຂອງແຂວງໄຊຍະບູລີ ຂະຫຍາຍຕົວໃນລະດັບ 8,5%, ລວມຍອດຜະລິດຕະພັນບັນລຸໄດ້ 7700 ກວ່າຕື້ກີບ, ສະເລ່ຍໃສ່ຫົວຄົນໜຶ່ງໄດ້ 2500 ກວ່າໂດລາ ຕໍ່ຄົນຕໍ່ປີ ແລະ ສຳລັບ ເມືອງໄຊຍະບູລີ ເສດຖະກິດຂະຫຍາຍຕົວໃນລະດັບ9% ລວມຍອດຜະລິດຕະພັນບັນລຸ 1100 ກວ່າຕື້ກີບ ສະເລ່ຍໃສ່ຫົວຄົນໜຶ່ງໄດ້ 1800 ກວ່າໂດລາຕໍ່ຄົນຕໍ່ປີ.

 

ແຫຼ່ງຂ່າວ: ເມືອງໄຊຍະບູລີ

ໂດຍ: ບຸນຈັນ ທ່າວ

0305752303  

ແຜນທີ ແຂວງໄຊຍະບູລີ