ຈໍານວນຜູ້ເຂົ້າຊົມເວັບໄຊ

92495
ມື້ນີ້ມື້ນີ້40
ມື້ວານນີ້ມື້ວານນີ້253
ອາທິດນີ້ອາທິດນີ້922
ເດືອນນີ້ເດືອນນີ້4689
ລວມທັງໝົດລວມທັງໝົດ92495

ມີ 77  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມຄະນະສະມາຊິກສະພາແຫ່ງຊາດຊຸດທີ VIII ເຂດເລືອກຕັ້ງທີ 7 ແຂວງ ໄຊຍະບູລີ, ໄດ້ໄຂຂຶ້ນໃນຕອນເຊົ້າຂອງວັນທີ 15 ມັງກອນ 2018 ນີ້, ທີ່ສະໂມສອນຫ້ອງວ່າການ ແຂວງ ໄຊຍະບູລີ, ໂດຍການເປັນປະທານຂອງ ທ່ານ ປອ ສົມລິດ ເປືອກແກ້ວ, ຮອງເລຂາພັກແຂວງ, ປະທານສະພາປະຊາຊົນແຂວງ, ເຂົ້າຮ່ວມມີບັນດາທ່ານໃນຄະນະ ສສຊ-ສສຂ, ມີກໍາມະການປະຈໍາພັກແຂວງ, ກໍາມະການພັກແຂວງ, ມີຕາງໜ້າພະແນກການ, ຂະແໜງການອ້ອມຂ້າງແຂວງ, ມີບັນດາທ່ານເຈົ້າເມືອງ, ຮອງເຈົ້າເມືອງ 11 ເມືອງເຂົ້າຮ່ວມເກືອບ 100 ຄົນ.

ທ່ານ ປອ ສົມລິດ ເປືອກແກ້ວ ປະທານສະພາປະຊາຊົນແຂວງ, ໄດ້ກ່າວໄຂກອງປະຊຸມຢ່າງເປັນທາງການ ເຊິ່ງທ່ານໄດ້ກ່າວວ່າ: ຕະຫຼອດໄລຍະ 1 ປີຜ່ານມາ ເຖິງວ່າສະພາບແວດລ້ອມ ຂອງພາກພື້ນ ແລະ ສາກົນ ມີທັງກາລະໂອກາດ ສິ່ງທ້າທາຍ, ທົດສອບ ເຊິ່ງໄດ້ສົ່ງຜົນກະທົບແກ່ການພັດທະນາເສດຖະກິດ-ສັງຄົມ ຂອງແຂວງ ໄຊຍະບູລີ ກໍຕາມ, ແຕ່ດ້ວຍຄວາມເອົາໃຈໃສ່ຊີ້ນໍາ-ນໍາພາ ຂອງພັກ-ລັດ, ເວົ້າສະເພາະ ຄວາມເອົາໃຈໃສ່ຊີ້ນໍາ-ນໍາພາ ຂອງຄະນະປະຈໍາພັກແຂວງ ແລະ ການປະກອບສ່ວນ

ຢ່າງຕັ້ງໜ້າ ຂອງປະຊາຊົນບັນດາເຜົ່າ ໄດ້ເຮັດໃຫ້ແຂວງໄຊຍະບູລີ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ການພັດທະນາເສດຖະກິດ-ສັງຄົມ ສືບຕໍ່ຂະຫຍາຍຕົວຢ່າງຕໍ່ເນື່ອງ, ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ແລະ ການບໍລິຫານລັດ ຕາມລະບຽບກົດໝາຍໄດ້ຮັບການປັບປຸງດີຂຶ້ນເປັນກ້າວໆ, ແຕ່ເຖິງຢ່າງໃດກໍຕາມ ແຂວງ ໄຊຍະບູລີ ຍັງປະສົບກັບຄວາມຫຍຸ້ງຍາກ ແລະ ສິ່ງທ້າທາຍ, ທົດສອບ ຈໍານວນໜຶ່ງເຊັ່ນ: ອັດຕາການເຕີບໂຕທາງດ້ານເສດຖະກິດ ເຖິງວ່າໄດ້ມີການຂະຫຍາຍຕົວ ແຕ່ຍັງບໍ່ທັນຮັບປະກັນຄວາມໝັ້ນທ່ຽງ ແລະ ຍືນຍົງ, ບາງຄາດໝາຍໃຫຍ່ທາງດ້ານເສດຖະກິດ-ສັງຄົມ ຍັງບໍ່ທັນບັນລຸຕາມແຜນການທີ່ວາງໄວ້, ການຜະລິດກະສິກໍາ, ອຸດສາຫະກໍາ ແລະ ການແກ້ໄຂໜີ້ສິນ ຂອງລັດຍັງປະສົບຄວາມຫຍຸ້ງຍາກ ແລະ ບໍ່ທັນສາມາດຕອບສະໜອງໄດ້ ຕາມຄວາມຮຽກຮ້ອງຕ້ອງການ ຂອງການພັດທະນາໃນໄລຍະໃໝ່, ຕໍ່ສະພາບການດັ່ງກ່າວນັ້ນ, ຈຶ່ງຮຽກຮ້ອງໃຫ້ພວກເຮົາຕ້ອງໄດ້ເພີ່ມທະວີ ຄວາມສາມັກຄີເປັນປຶກແຜ່ນ, ມີຄວາມເປັນເອກະພາບສູງ ທາງດ້ານມານະຈິດ ແລະ ການກະທໍາ, ສູ້ຊົນຜ່ານຜ່າຂໍ້ຫຍຸ້ງຍາກ ເພື່ອສືບຕໍ່ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງ ແລະ ມະຕິກອງປະຊຸມສະພາແຫ່ງຊາດວາງອອກ ໃຫ້ບັນລຸຜົນສໍາເລັດຕາມຄາດໝາຍ ເພື່ອສືບຕໍ່ສ້າງທ່ວງທ່າທີ່ ໜັກແໜ້ນ ແລະ ຮອບດ້ານ ໃຫ້ແກ່ການພັດທະນາແຂວງໃນຊຸມປີຕໍ່ໜ້າ, ກອງປະຊຸມດັ່ງກ່າວຜູ້ເຂົ້າຮ່ວມຈະໄດ້ພ້ອມກັນຄົ້ນຄົ້ວ, ປະກອບຄໍາຄິດຄໍາເຫັນ ແລະ ຈະໄດ້ຮັບຟັງ ການສະຫຼຸບຕີລາຄາການເຄື່ອນໄຫວວຽກງານ ປະຈໍາປີ 2017 ແລະ ທິດທາງແຜນການ ປະຈໍາປີ 2018 ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 7 ແຂວງໄຊຍະບູລີ, ຮັບຟັງການລາຍງານ ກ່ຽວກັບຜົນຂອງການຈັດຕັ້ງປະຕິບັດບັນດາໂຄງການຂອງລັດຖະບານ ທີ່ພວມຈັດຕັ້ງປະຕິບັດຢູ່ແຂວງໄຊຍະບູລີ,ຮັບຟັງການລາຍງານ ກ່ຽວກັບການຕິດຕາມກວດກາ ບັນດາໂຄງການຂອງລັດຖະບານ ທີ່ພວມປະຕິບັດຢູ່ແຂວງໄຊຍະບູລີ, ຜ່ານບັນດາມະຕິ ຂອງກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ກ່ຽວກັບແຜນການພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ບາງວຽກງານທີ່ສໍາຄັນຈໍານວນໜຶ່ງ.

ແຫຼ່ງຂ່າວ: ຫ້ອງວ່າການ ແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ