ຈໍານວນຜູ້ເຂົ້າຊົມເວັບໄຊ

125737
ມື້ນີ້ມື້ນີ້135
ມື້ວານນີ້ມື້ວານນີ້314
ອາທິດນີ້ອາທິດນີ້1261
ເດືອນນີ້ເດືອນນີ້5872
ລວມທັງໝົດລວມທັງໝົດ125737

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນວັນທີ 4 ກຸມພາ 2018 ນີ້ ການນໍາຂອງ ແຂວງ ໄຊຍະບູລີ ນໍາໂດຍ ທ່ານ ພົງສະຫວັນ ສິດທະວົງ ເຈົ້າ ແຂວງ ໄຊຍະບູລີ, ມີ ທ່ານ ປອ ສົມລິດ ເປືອກແກ້ວ ປະທານສະພາປະຊາຊົນແຂວງ, ມີຫົວໜ້າອົງການກວດກາພັກ-ລັດແຂວງ, ຫົວໜ້າພະແນກການອ້ອມຂ້າງແຂວງ ໄດ້ລົງພົບປະ ແລະ ຢ້ຽມຢາມປະຊາຊົນ ກຸ່ມບ້ານ ປາກເຮົ້າ ເມືອງ ໄຊຍະບູລີ, ໃຫ້ກຽດຕ້ອນຮັບໂດຍ ທ່ານ ຄໍາສິງ ສໍລະສຸກ ເຈົ້າເມືອງ ໄຊຍະບູລີ ພ້ອມດ້ວຍພະນັກງານຫຼັກແຫຼ່ງຂອງເມືອງ ແລະ ປະຊາຊົນແຕ່ລະບ້ານພາຍໃນກຸ່ມບ້ານດັ່ງກ່າວໃຫ້ການຕ້ອນຮັບຢ່າງອົບອຸ່ນ.

ກ່ອນອື່ນທີມງານຂອງການນໍາແຂວງແມ່ນໄດ້ຮັບຟັງການລາຍງານຫຍໍ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງກຸ່ມບ້ານຈາກ ທ່ານ ແສງອາລຸນ ສາຍບົວຄໍາ ຫົວໜ້າກຸ່ມບ້ານ, ກຸ່ມບ້ານປາກເຮົ້າລວມມີ 8 ບ້ານຂຶ້ນກັບ, ໃນນີ້ມີ 5 ບ້ານຕັ້ງຢູ່ແຄມແມ່ນໍ້າຂອງ ແລະ 3 ບ້ານຕັ້ງຢູ່ແຄມຫ້ວຍ, ມີພົນລະເມືອງທັງໝົດ 2,769 ຄົນ, ຍິງ 1,315 ຄົນ, ມີ 548 ຄອບຄົວ, ມີ 6 ເຜົ່າຄື:

ເຜົ່າລາວລຸ່ມ, ກື່ມມຸ, ໄທດໍາ, ຍວນ, ໄປຼ່ ແລະ ເຜົ່າມົ້ງ, ທົ່ວກຸ່ມບ້ານຍັງມີຄອບຄົວທຸກຍາກ 4 ຄອບຄົວ, ອາຊີບສ່ວນໃຫຍ່ແມ່ນປູກເຂົ້າ, ພືດອຸດສາຫະກໍາ, ລ້ຽງສັດ ແລະ ບໍລິການຄ້າ-ຂາຍ, ປີຜ່ານມາມີເນື້ອທີ່ປູກເຂົ້າທັງໝົດ 378,45 ເຮັກຕາ, ຜົນຜະລິດໄດ້ 1.041,85 ໂຕນ, ສະເລ່ຍໃສ່ຫົນຄົນບັນລຸໄດ້ 389 ກິໂລ/ຄົນ/ປີ, ເນື້ອທີ່ປູກໝາກເດືອຍ 185,21 ເຮັກຕາ, ຜົນຜະລິດໄດ້ 1.040 ໂຕນ, ເນື້ອທີ່ປູກໝາກງາ 15,66 ເຮັກຕາ, ຜົນຜະລິດໄດ້ 8,2 ໂຕນ ແລະ ສາລີ 9 ເຮັກຕາ, ຜົນຜະລິດໄດ້ 21,1 ໂຕນ, ທົ່ວກຸມບ້ານມີ ຊ້າງ 1 ໂຕ, ງົວ 689 ໂຕ, ຄວາຍ 918 ໂຕ, ແບ້ 107 ໂຕ, ໝູ 1.107 ໂຕ ແລະ ສັດປີກ 12.300 ໂຕ, ໂດຍລວມແລ້ວເສດຖະກິດພາຍໃນກຸ່ມແມ່ນມີການຂະຫຍາຍຕົວຕໍ່ເນື່ອງ, ລວມຍອດຜະລິດຕະພັນພາຍໃນບັນລຸໄດ້ 34,791 ຕື້ກີບ, ສະເລ່ຍລາຍຮັບເກືອບ 13 ລ້ານກີບ/ຄົນ/ປີ, ທັງ 8 ບ້ານແມ່ນມີເສັ້ນທາງ ແລະ ໄຟຟ້າເຂົ້າເຖິງ, ອັດຕາການຊົມໃຊ້ໄຟຟ້າ 530 ຄອບຄົວ, ເທົ່າກັບ 97,78 %, ເດັກໃນເກນອາຍຸແມ່ນໄດ້ເຂົ້າຮຽນ 100 %, ໄດ້ປະກາດເປັນບ້ານວັດທະນະທໍາແລ້ວ 5 ບ້ານ, ຜົນສໍາເລັດທັງໝົດນີ້ກໍ່ຍ້ອນການຊີ້ນໍາ-ນໍາພາຂອງການນໍາແຕ່ລະຂັ້ນ ແລະ ຄວາມຕື່ນຕົວ, ເປັນເຈົ້າການຂອງປະຊາຊົນບັນດາເຜົ່າ ຈຶ່ງເຮັດໃຫ້ກຸ່ມບ້ານດັ່ງກ່າວມີຄວາມສະຫງົບຮອບດ້ານ, ເສດຖະກິດມີການຂະຫຍາຍຕົວຕໍ່ເນື່ອງ, ປະຊາຊົນມີຢູ່ມີກິນຮັ່ງມີເຂັ້ມແຂງເທື່ອລະກ້າວ.

ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າ ແຂວງ ໄຊຍະບູລີ ກໍ່ໄດ້ຖາມຂ່າວຄາວ, ຄວາມສຸກ-ທຸກ, ຂໍ້ສະດວກ-ຫຍຸ້ງຍາກ ແລະ ຂໍ້ສະເໜີຕ່າງທີ່ປະຊາຊົນຕ້ອງການຢາກຈະພັດທະນາແຕ່ລະບ້ານພາຍໃນກຸ່ມບ້ານປາກເຮົ້າ, ພ້ອມທັງໄດ້ຮຽກຮ້ອງໃຫ້ປະຊາຊົນບັນດາເຜົ່າແຕ່ລະບ້ານ ຈົ່ງຮັກສາໄວ້ມູນເຊື້ອອັນດີງາມທີ່ເຄີຍມີມາ, ສືບຕໍ່ຮັກສາຄວາມສາມັກຄີ, ຮີດຄອງປະເພນີຂອງແຕ່ລະເຜົ່າ, ສືບຕໍ່ສ້າງເສດຖະກິດດ້ວຍການປູກ-ການການລ້ຽງເພື່ອສົ່ງອອກໃຫ້ຫຼາຍພ້ອມກັນຮັ່ງມີ, ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງທີ່ອາດຈະເກີດຂຶ້ນ, ໂອກາດທີ່ການນໍາຂອງແຂວງ ໄດ້ລົງພົບປະ ແລະ ຢ້ຽມຢາມປະຊາຊົນຄັ້ງນີ້ ກໍ່ໄດ້ນໍາເອົາເຄື່ອງນຸ່ງຮົ່ມຈໍານວນ 610 ຊຸດ ແລະ ເຄື່ອງອຸປະໂພກ-ບໍລິໂພກຈໍານວນໜຶ່ງ ລວມມູນຄ່າທັງໝົດ 35 ລ້ານກວ່າກີບ ມອບໃຫ້ປະຊາຊົນທີຍັງຂາດເຂີນ ທັງ 8 ບ້ານ, ຈາກນັ້ນກໍ່ໄດ້ເຂົ້າຊົມການວິຖີຊີວິດຂອງປະຊາຊົນ, ເບິ່ງສະຖານທີ່-ທີ່ໄດ້ຮັບຜົນກະທົບຈາກການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງ, ການຢ້ຽມຢາມດັ່ງກ່າວ ອໍານາດການປົກຄອງແຕ່ລະບ້ານກໍ່ໄດ້ມີການບາສີສູ່ຂວັນໃຫ້ການນໍາເພື່ອສະແດງຄວາມຮູ້ບຸນຄຸນທີ່ໄດ້ໃກ້ສິດຕິດແທດ ແລະ ຊີ້ນໍາ-ນໍາພາໃນການພັດທະນາກຸ່ມບ້ານໃຫ້ມີຄວາມຮຸ່ງເຮືອງ.

ແຫຼ່ງຂ່າວ: ຫ້ອງວ່າການ ແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ