ຈໍານວນຜູ້ເຂົ້າຊົມເວັບໄຊ

92495
ມື້ນີ້ມື້ນີ້40
ມື້ວານນີ້ມື້ວານນີ້253
ອາທິດນີ້ອາທິດນີ້922
ເດືອນນີ້ເດືອນນີ້4689
ລວມທັງໝົດລວມທັງໝົດ92495

ມີ 79  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມສະຫລຸບວຽກງານປ້ອງກັນຄວາມສະຫງົບ ທົ່ວແຂວງໄຊຍະບູລີປະຈໍາປີ 2017 ແລະ ທິດທາງແຜນການວຽກງານຈຸດສຸມປີ 2018 ໄດ້ອັດລົງດ້ວຍຜົນສໍາເລັດອັນຈົບງາມ ໃນຕອນບ່າຍວັນທີ 6 ກຸມພາ 2018 ນີ້, ຢູ່ສະໂມສ ອນກອງບັນຊາການ ປກສ ແຂວງ ພາຍຫຼັັງດໍາເນີນມາເປັນເວລາ 02 ວັນ ພາຍໃຕ້ການເປັນປະທາມນຂອງ ພັອ ຄໍາແພງ ເພັດ ຫົວໜ້າກອງບັັນຊາການ ປກສ ແຂວງ, ໂດຍການເປັນກຽດເຂົ້າຮ່ວມຂອງທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ປະທານ ປກຊ - ປກສ ແຂວງ, ມີບັນດາສະຫາຍຄະນະພັກ - ຄະນະບັນຊາ, ແຂກຖືກເຊີນ, ຫົວໜ້າຫ້ອງ - ຮອງຫ້ອງ, ຫົວໜ້າກອງບັນຊາການ ປກສ 11 ເມືອງ , ພ້ອມດ້ວຍພະນັກງານຫຼັກແຫຼ່ງອ້ອມຂ້າງກອງບັນຊາການ ປກສ ແຂວງເຂົ້າຮ່ວມ.

ກອງປະຊຸມໄດ້ພ້ອມກັນສັງເກດຕີລາຄາສະພາບການອັນພົ້ນເດັ່ນ, ບັນຫາປະກົດການຫຍໍ້ທໍ້ທີ່ເກີດຂື້ນໃນສັງຄົມ; ແລະ ທົບທວນຄືນຜົນງານດ້ານດີ, ດ້ານອ່ອນຂໍ້ຄົງຄ້າງ, ບາງບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດໜ້າທີ່ວຽກງານ ຂອງບັນດາເຫຼົ່າຮົບວິຊາສະເພາະ ໃນທົ່ວກໍາລັງໄລຍະ 01 ປີຜ່ານມາ ແລະ ວາງທິດທາງ

ວຽກງານຈຸດສຸມປີ 2018 ເຊິ່ງບັນດາສະຫາຍຜູ້ແທນກອງປະຊຸມໄດ້ຍົກສູງຄວາມຮັບຜິດຊອບ, ເສີມຂະຫຍາຍສະຕິປັນຍາ ພ້ອມກັນຄົ້ນຄວ້າປະກອບຄໍາຄິດ - ຄໍາເຫັນ, ແລກປ່ຽນບົດຮຽນເຊິ່ງກັນ ແລະ ກັນຢ່າງກົງໄປ - ກົງມາເຮັດໃຫ້ກອງປະຊຸມມີບັນຍາກາດ ແລະ ມີເນື້ອໃນເລິກເຊິ່ງ. ໂດຍພາຍໃຕ້ການນໍາພາໂດຍກົງ, ເດັດຂາດ ແລະ ຮອບດ້ານຂອງຄະນະພັກ ແຕ່ລະຂັ້ນ ໃນປີຜ່ານມາກໍາລັງປ້ອງກັນຄວາມສະຫງົບທົ່ວແຂວງໄຊຍະບູລີ ໄດ້ສືບຕໍ່ຫັນລົງກໍ່ສ້າງຮາກຖານການເມືອງ, ສະໜິດຕິດພັນກັບອໍານາດການປົກຄອງ ແລະ ປະຊາຊົນບັນດາເຜົ່າຢ່າງເປັນລະບົບຕໍ່ເນື່ອງ, ເຮັດໃຫ້ລະບົບຕາໜ່າງວຽກງານປ້ອງກັນຄວາມສະຫງົບ ຢູ່ຮາກຖານມີຄວາມໜັກແໜ້ນເຂັ້ມແຂງ, ບັນດາໜໍ່ແໜງຄວາມບໍ່ສະຫງົບ; ປະກົດການຫຍໍ້ທໍ້ທີ່ເກີດຂື້ນ, ບັນຫາອາຊະຍາກໍາປະເພດຕ່າງໆໄດ້ຮັບການເລີກຮື້, ແກ້ໄຂທັນເວລາຈາກຜົນສໍາເລັດຫຼາຍດ້ານທີ່ຍາດມາໄດ້ໃນໄລຍະ 01 ປີຜ່ານມາ ໄດ້ສ່ອງແສງໃຫ້ເຫັນໜາກຜົນການນໍາພາຂອງຄະນະພັກແຕ່ລະຂັ້ນ ແລະ ການເຄື່ອນໄຫວຂອງພະນັກງານ - ນັກຮົບໃນທົ່ວກໍາລັງ, ບວກກັບກໍາລັງແຮງຂອງປວງຊົນບັນດາເຜົ່າໃນທົ່ວແຂວງ, ເຊິ່ງຜົນສໍາເລັດດັ່ງກ່າວໄດ້ປະກອບສ່ວນອັນສໍາຄັນເຮັດໃຫ້ທົ່ວແຂວງມີສະຖຽນລະພາບທາງດ້ານການເມືອງຢ່າງໜັກ ແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.

ທ່ານ ພົງສະຫວັນ ສິດທະວົງ ເລຂາພັກແຂວງ ປະທານ ປກຊ - ປກສ ແຂວງ ໄດ້ຖືໂອກາດທີ່ມີຄວາມໝາຍສໍາຄັນ, ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານທີ່ຍາດມາໄດ້, ພ້ອມທັງເນັ້ນໜັກບັນດາສະຫາຍຄະນະພັກ - ຄະນະບັັນຊາແຕ່ລະຂັ້ນໃນທົ່ວກໍາລັງ , ຈົ່ງເພີມທະວີຄວາມສາມັກຄີເປັນເອກະພາບພາຍໃນໃຫ້ເປັນປຶກແຜ່ນ, ຕັ້ງໜ້າປັບປຸງກໍາລັງໃຫ້ໜັກແໜ້ນທາງດ້ານການເມືອງ - ແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ; ປັບປຸງແບບແຜນວິທີເຮັດວຽກ, ແບບແຜນວິທີການຊີ້ນໍາ - ບັນຊາໃຫ້ມີຄວາມຄ່ອງແຄ້ວ, ເປັນເຈົ້າການນໍາພາວຽກງານວິຊາສະເພາະສຸມໃສ່ສະກັດກັ້ນ, ແກ້ໄຂປະກົດການຫຍໍ້ທໍ້ໃນສັງຄົມໃຫ້ທັນເວລາ; ເພີ່ມທະວີຕິດຕາມ, ກໍາແໜ້ນສະພາບແນວຄິດ ແລະ ຫາງສຽງສັງຄົມໃນໄລຍະໃໝ່, ເດັດດ່ຽວແກ້ໄຂປະກົດການຫຍໍ້ທໍ້ພາຍໃນກໍາລັງໃຫ້ມີຄວາມປອດໃສ, ເຂັ້ມແຂງ ແລະໜັກແໜ້ນ ; ເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານ, ບໍລິການຮັບໃຊ້ປະຊາຊົນດ້ວຍຄວາມໂປ່ງໃສ່, ບໍລິສຸດຍຸດຕິທໍາ ແລະ ສອດຄ່ອງລະບຽບກົດໝາຍ. ໂດຍຮຽກຮ້ອງບັນດາສະຫຍາຍຄະນະພັກ - ຄະນະບັນຊາ, ພະນັກງານ ຫຼັກແຫຼ່ງ ຈົ່ງນໍາເອົາເນື້ອໃນຈິດໃຈກອງປະຊຸມຄັ້ງນີ້ໄປຄົ້ນຄວ້າ, ຜັນຂະຫຍາຍ ແລະ ຈັດຕັ້ງປະຕິບັດຢູ່ກົມກອງທ້ອງຖິ່ນຂອງຕົນໃຫ້ມີໜາກຜົນ ແລະປະສົບຜົນສໍາເລັດຕາມຄາດໝາຍ.

ສີເມືອງ ໄຊຍະເວດ  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ