ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 101  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນວັນທີ 22 ກຸມພານີ້ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍທີມງານການນໍາຂອງແຂວງ, ເມືອງ ໄຊຍະບູລີ ແລະ ເມືອງ ປາກລາຍ ໄດ້ລົງເຄື່ອນໄຫວ ແລະ ຊຸກຍູ້ປະຊາຊົນ 2 ບ້ານເຂດແຄມຂອງຄື: ບ້ານ ໂພນສີດາ ແລະ ບ້ານ ນາຂອນແກ່ນ ເມືອງ ໄຊຍະບູລີ ໃນການຫັນຈາກການເຮັດໄຮ່ປູກເຂົ້າມາປູກພືດອຸດສາຫະກໍາເປັນສິນຄ້າ. ກ່ອນອື່ນ ທ່ານ ເຈົ້າແຂວງ ພ້ອມທີມງານແມ່ນໄດ້ຮັບຟັງການລາຍງານສະພາບຈຸດພິເສດຂອງສອງບ້ານຈາກນາຍບ້ານທັງສອງບ້ານ, ບ້ານ ໂພນສີດາ ແລະ ບ້ານ ນາຂອນແກ່ນ ເປັນບ້ານທີ່ຢູ່ທາງທິດໃຕ້ຂອງ ເມືອງ ໄຊຍະບູລີ, ມີເຂດແດນຕິດກັບ ເມືອງປາກລາຍ, ບ້ານ ໂພນສີດາ, ມີຄອບຄົວທັງໝົດ 52 ຄອບຄົວ, ພົນລະເມືອງ 312 ຄົນ, ຍິງ 150 ຄົນ, ອາຊີບຕົ້ນຕໍແມ່ນເຮັດສວນປູກເຂົ້າ, ລ້ຽງສັດ ແລະ ຫາເຄື່ອງປ່າຂອງດົງຂາຍ, ບ້ານ ນາຂອນແກ່ນ ມີ 60 ຄອບຄົວ, ມີພົນລະເມືອງ 318 ຄົນ, 151 ຄົນ, ອາຊີບຕົ້ນຕໍແມ່ນເຮັດນາປູກເຂົ້າ, ລ້ຽງສັດ ແລະ ບໍລິການຄ້າຂາຍ, ສະເລ່ຍລາຍຮັບທັງສອງບ້ານ ໄດ້ 6,950,000 ກີບ ຫຼືເທົ່າກັບ 761 ໂດລາສະຫະລັດຕໍ່ຄົນຕໍ່ປີ, ຈາກນັ້ນທ່ານ ເຈົ້າແຂວງກໍ່ໄດ້ໃຫ້ກຽດໂອ້ລົມປະຊາຊົນທັງສອງບ້ານ, ກ່ອນອື່ນ ທ່ານ ເຈົ້າແຂວງ ໄດ້ສັກຖາມແນວຄວາມຄິດຂອງປະຊາຊົນ

ວ່າຢາກຂຶ້ນກັບເມືອງກັບ ເມືອ ປາກລາຍຫຼືບໍ່, ທັງນີ້ກໍ່ເພື່ອສະດວກໃນການພົວພັນວຽກງານຕ່າງຂອງປະຊາຊົນ ແລະ ເພື່ອສະດວກໃນການປົກຄອງບ້ານ ແມ່ນຢາກໃຫ້ສອງບ້ານນີ້ໂຮມເຂົ້າເປັນບ້ານດຽວກັນ, ພ້ອມທັງໄດ້ເນັ້ນໃຫ້ປະຊາຊົນຫັ້ນຈາກການເຮັດສວນປູກເຂົ້າມາປູກພືດເປັນສິນຄ້າທົດແທນເປັນຕົ້ນແມ່ນ: ປູກສາລີ, ໝາກເດືອຍ, ໝາກງາ, ພືດຕະກຸນຖົ່ວ ແລະ ປູກຫຍ້າລ້ຽງສັດ, ພ້ອມນີ້ກໍ່ຮັກສາມູນເຊື້ອອັນດີງາມໄວ້ເຊັ່ນ: ຄວາມສາມັກຄີ, ຮີດຄອງປະເພນີ ແລະ ຄວາມດຸໝັ່ນຂະຫຍັນພຽນ. ໂອກາດດັ່ງກ່າວກໍ່ໄດ້ນໍາເອົາເຄື່ອງກິລາ, ອຸປະກອນກິລາ, ອຸປະກອນການຮຽນ-ການສອນ ແລະ ເຄື່ອງສຽງ ມູນຄ່າ ເກືອບ 10 ລ້ານກີບ ມອບໃຫ້ໂຮງຮຽນທັງບ້ານຕື່ມອີກ.

ແຫຼ່ງຂ່າວ: ຫ້ອງວ່າການ ແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ