ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 90  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອຮັບປະກັນເຮັດໃຫ້ວຽກງານຈຸດສຸມຕ່າງໆ ຂອງອົງການປົກຄອງແຂວງ ບັນລຸຕາມຄາດໝາຍເສດຖະກິດທີ່ວາງໄວ້ ແລະ ເປັນການສືບຕໍ່ແກ້ໄຂຄວາມທຸກຍາກຂອງປະຊາຊົນ ຕາມທິດນໍາ 3 ສ້າງ ເພື່ອເຮັດໃຫ້ວຽກງານປົກຄອງທ້ອງຖິ່ນມີຄວາມເຂັ້ມແຂງ, ທັງເປັນເຈົ້າການໃນການຄຸ້ມຄອງລັດ, ຄຸ້ມຄອງເສດຖະກິດ ແລະ ເປັນການກະຕຸ້ນເສດຖະກິດຂອງແຂວງໃຫ້ຂະຫຍາຍຕົວຢ່າງຕໍ່ເນື່ອງ ຕາມທິດການພັດທະນາແບບຍືນຍົງ ແລະ ສີຂຽວ, ໂດຍການໃຊ້ທ່າແຮງການພັດທະນາ ທີ່ໄດ້ປຽບຢ່າງສົມເຫດສົມຜົນ, ມີຄວາມສົມດູນກັນ ລະຫວ່າງ ການພັດທະນາເສດຖະກິດ ກັບການພັດທະນາທາງດ້ານສັງຄົມ ແລະ ສິ່ງແວດລ້ອມ, ຊຸກຍູ້ສົ່ງເສີມການລົງທຶນຂອງພາກເອກະຊົນທັງພາຍໃນ ແລະ ຕ່າງປະເທດ ເຂົ້າໃນການປຸງແຕ່ງ, ການຜະລິດກະສິກຳສະອາດ ເພື່ອສົ່ງອອກ; ພັດທະນາຫົວໜ່ວຍທຸລະກິດຂະໜາດນ້ອຍ-ຂະໜາດກາງ ໃຫ້ມີຄວາມເຂັ້ມແຂງ, ໄປສົມຄູ່ກັບການ ເພີ່ມທະວີການສົ່ງເສີມການທ່ອງທ່ຽວທາງທຳມະຊາດ ຕິດພັນກັບເອກະລັກ ທີ່ເປັນມູນເຊື່ອຂອງທ້ອງຖິ່ນ.

 

ຕາມການລາຍງານຂອງ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ ໄດ້ໃຫ້ຮູ້ວ່າ: ເພື່ອສືບຕໍ່ຮັບ ປະກັນເຮັດໃຫ້ແຂວງ ໄຊຍະບູລີ ມີຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ ຢ່າງໜັກແໜ້ນ ແລະ ເປັນເສົາຄໍ້າໃຫ້ແກ່ການພັດທະນາເສດຖະ ກິດ-ສັງຄົມຂອງແຂວງ ໄປຕາມທິດສີຂຽວ ແລະ ຍືນຍົງນັ້ນ, ແຂວງ ໄຊຍະບູລີຈະສູ້ຊົນຈັດຕັ້ງແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດສົກປີ 2018 ທີ່ສະພາແຫ່ງຊາດ, ສະພາທ້ອງຖິ່ນຮັບຮອງ, ເພື່ອເຮັດໃຫ້ເສດຖະກິດພາຍໃນແຂວງ ຂະຫຍາຍຕົວບໍ່ໃຫ້ຫຼຸດ 8,7% ແລະ ສ້າງມູນຄ່າເພີ່ມລາຄາພາຍໃນປີ ໃຫ້ໄດ້ປະມານ 9.079 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 2.811 ໂດລາສະຫະລັດ, ສູ້ຊົນເກັບລາຍຮັບລວມໃຫ້ໄດ້ 862,04 ຕື້ກີບ, ພູດທ້ອງຖິ່ນໃຫ້ໄດ້ 263,52 ຕື້ກີບ, ລະດົມເງິນຝາກໃຫ້ບັນລຸ 1.245 ຕື້ກີບ, ປ່ອຍສິນເຊື່ອ 564,8 ຕື້ກີບ; ມູນຄ່າການສົ່ງອອກສິນຄ້າບັນລຸ 32 ລ້ານໂດລາສະຫະລັດ, ນໍາເຂົ້າຢູ່ໃນລະດັບ 18 ລ້ານໂດລາສະຫະລັດ, ສູ້ຊົນຜະລິດເຂົ້າໃຫ້ໄດ້ 200.000 ໂຕນ, ທ່ານຍັງໄດ້ກ່າວຕື່ມອີກວ່າ: ເພື່ອບັນລຸຄາດໝາຍດັ່ງກ່າວ ປີ 2018 ຄາດວ່າ ຈະມີແຫຼ່ງທຶນມາພັດທະນາເສດຖະ ກິດ-ສັງຄົມ ທັງໜົດ 73,66 ຕື້ກີບ, ປະຕິບັດ 338 ໂຄງການ, ທຶນຊ່ວຍເຫຼືອກູ້ຢືມ 34,2 ລ້ານໂດລາສະຫະລັດ, ການລົງທຶນຂອງເອກະຊົນພາຍໃນ ແລະ ຕ່າງປະເທດ 11,7 ລ້ານໂດລາສະຫະລັດ, ສິນເຊື່ອທະນາຄານ 500 ກວ່າຕື້ກີບ ແລະ ທຶນປະກອບສ່ວນຂອງປະຊາຊົນອີກຈໍານວນໜຶ່ງ, ພ້ອມດຽວກັນກໍ່ໄດ້ຊຸກຍູ້ຂະບວນການຜະລິດເປັນສິນຄ້າ ຂອງປະຊາຊົນ ຫັນມານໍາໃຊ້ເຕັກນິກທັນສະໄໝ ເຂົ້າໃນການຜະລິດໃຫ້ຫຼາຍຂຶ້ນ ແລະ ມີຄຸນນະພາບດີກວ່າເກົ່າສາມາດເຂົ້າເຖິງຕະຫຼາດເທື່ອລະກ້າວ; ແກ້ໄຂຄວາມທຸກຍາກຂອງປະຊາຊົນ ໃຫ້ໄດ້ໂດຍພື້ນຖານ; ໂດຍສະເພາະ, ອັດຕາຄອບຄົວທຸກຍາກໃຫ້ຍັງເຫຼືອ ບໍ່ເກີນ 1,4% ຂອງຄອບຄົວທັງໝົດ, ບ້ານທຸກຍາກຍັງເຫຼືອ 2% ຂອງບ້ານທັງໝົດ.

ໂດຍ: ອຸ່ນເຮືອນ ໂພທິລັກ ໂທ: 22126933

ແຜນທີ ແຂວງໄຊຍະບູລີ