ຈໍານວນຜູ້ເຂົ້າຊົມເວັບໄຊ

125888
ມື້ນີ້ມື້ນີ້286
ມື້ວານນີ້ມື້ວານນີ້314
ອາທິດນີ້ອາທິດນີ້1412
ເດືອນນີ້ເດືອນນີ້6023
ລວມທັງໝົດລວມທັງໝົດ125888

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 15 ມີນາ 2018 ນີ້, ຢູ່ທີ່ຫ້ອງປະຊຸມຫ້ອງວ່າການແຂວງໄຊຍະບູລີ ຈັດກອງປະຊຸມປືກສາຫາລືກ່ຽວກັບການກະກຽມຈັດກອງປະຊຸມຮ່ວມ ຂອງສອງສະມາຄົມ ລາວ - ໄທ ແລະ ໄທ - ລາວ ເພື່ອມິດຕະພາບ ປະຈໍາປີ 2018 ໂດຍມີທ່ານເລຂາທີການສະມາຄົມທັງສອງຝ່າຍ ພ້ອມດ້ວຍພະແນກການທີ່ກ່ຽວຂ້ອງຂອງແຂວງເຂົ້າຮ່ວມ.

ໃນພິທີທ່ານ ບຸນຍັງ ໄຊຊະນະວົງ ຫົວໜ້າກົມພົວພັນສາກົນອົງການຈັດຕັ້ງມະຫາຊົນ, ຄະນະພົວພັນຕ່າງປະເທດສູນກາງພັກ ໄດ້ລາຍງານຈຸດປະສົງກ່ຽວກັບການກະກຽມການຈັດກອງປະຊຸມຮ່ວມ ຂອງສອງສະມາຄົມ ລາວ - ໄທ ແລະ ໄທ - ລາວ ແມ່ນຈະໄດຈັດຂື້ນທຸກໆປີ, ແຕ່ລະປີຜັດປ່ຽນກັນເປັນເຈົ້າພາບ. ປີ 2017 ທີ່ຜ່ານມາ ແມ່ນຝ່າຍໄທເປັນເຈົ້າພາບ ຈັດຢູ່ຈັງຫວັດຫົວຫີນ ຣາຊະອານາຈັກໄທ, ສໍາລັບປະຈໍາປີ 2018 ນີ້, ແມ່ນຝ່າຍລາວເປັນເຈົ້າພາບ, ເຊີ່ງທັງສອງສະມາຄົມໄດ້ເຫັນດີເປັນເອກະພາບ ຈັດຢູ່ແຂວງໄຊຍະບູລີ ສປປລາວ ໃນເດືອນກັນຍາ 2018. ການຈັດກອງປະຊຸມແຕ່ລະຄັ້ງແມ່ນ ເພື່ອປະເມີນຜົນການຈັດຕັ້ງປະຕິບັດບັນດາກິດຈະກໍາຕ່າງໆ, ການຮ່ວມມືຕ່າງໆ ແລະ ວາງແຜນການໃນຕໍ່ໜ້າຂອງສອງສະມາຄົມ ລາວ - ໄທ ແລະ ໄທ - ລາວ ເພື່ອມິດຕະພາບ. ນອກຈາກນີ້, ກໍ່ມີທອດກະຖິນພະຣາຊະທານ ຂອງເຈົ້າຊີວິດແຫ່ງ ຣາຊະອານາຈັກໄທ ຄັ້ງນີ້ແມ່ນຄັ້ງທີ 2 ສໍາລັບລາດຊະການ ທີ 10 ການທອດກະຖິນແມ່ນມີຫຼາຍກິດຈະກໍາເຊັ່ນ: ພິທີຄົບງັນກະຖິນ, ງານຕະຫຼາດນັດ ສິນຄ້າ ລາວ - ໄທ ແລະ ຫວຽດນາມ, ສິລະປະສະແດງຄອນເສີດ

ນັກຮ້ອງທີ່ມີຊື່ສຽງ ຈາກ ສປປລາວ ແລະ ຣາຊະອານາຈັກໄທ, ຝືກອົບຮົມກິລາບານເຕະໃຫ້ແກ່ເຍົສວະຊົນ ແລະ ຊາວໜຸ່ມ ໂດຍຄູຝຶກມາຈາກຣາຊະອານາຈັກໄທ, ກວດກາເຕັກນິກສະພາບລົດໃຫຍ່ທຸກປະເພດໂດຍບໍ່ໄດ້ເສຍຄ່າ ແລະ ກວດສຸຂະພາບໃຫ້ແກ່ພໍ່ແມ່ປະຊາຊົນ ໂດຍທ່ານໝໍ ຈາກກົງເທບ ແລະ ຮັບຢາໂດຍບໍ່ເສຍຄ່າ. ຈາກນັ້ນຜູ້ເຂົ້າຮ່ວມກໍ່ໄດ້ປືກສາຫາລືກ່ຽວກັບການກະກຽມຈັດກອງປະຊຸມຮ່ວມ ຂອງສອງສະມາຄົມ ລາວ - ໄທ ແລະ ໄທ - ລາວ ເພື່ອມິດຕະພາບ ປະຈໍາປີ 2018, ການທອດກະຖິນພະຣາຊະທານ ຂອງເຈົ້າຊີວິດແຫ່ງຣາຊະອານາຈັກໄທ ແລະ ກິດຈະກໍາຕ່າງໆທີ່ປີ່ນອ້ອມໃນຊ່ວງໄລຍະທອດກະຖິນ. ພ້ອມດຽວກັນນັ້ນ ຝ່າຍໄທກໍຈະໃຫ້ການຊ່ວຍເຫຼືອກໍ່ສ້າງພື້ນຖານໂຄງລ່າງການສຶກສາ ກໍ່ຄືໂຮງຮຽນ ແລະ ກໍ່ສ້າງຫໍແຈກ ໃຫ້ວັດ ຢູ່ພາຍໃນແຂວງໄຊຍະບູລີ ແລະ ໄດ້ລົງກວດກາສະຖານທີ່ທີ່ຈະກໍ່ສ້າງດັ່ງກ່າວ.

ສາຄອນ ໄຊສົມຮັກສາ 56662037  

ແຜນທີ ແຂວງໄຊຍະບູລີ