ຈໍານວນຜູ້ເຂົ້າຊົມເວັບໄຊ

92493
ມື້ນີ້ມື້ນີ້38
ມື້ວານນີ້ມື້ວານນີ້253
ອາທິດນີ້ອາທິດນີ້920
ເດືອນນີ້ເດືອນນີ້4687
ລວມທັງໝົດລວມທັງໝົດ92493

ມີ 73  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມຫ້ອງວ່າການທົ່ວແຂວງ ໄຊຍະບູລີ ປະຈຳປີ 2017 ໄດ້ໄຂຂຶ້ນໃນຕອນເຊົ້າຂອງວັນທີ 22 ມີນາ 2018 ນີ້, ທີ່ສະໂມສອນຫ້ອງວ່າການແຂວງ, ໂດຍການເປັນປະທານຂອງ ທ່ານ ເພັດພິໄຊ ສູນວິໄລ ກຳມະການພັກແຂວງ, ຫົວໜ້າຫ້ອງວ່າການແຂວງ, ເຂົ້າຮ່ວມເປັນກຽດມີ ທ່ານ ຍັນຍົງ ສີປະເສີດ ຮອງເລຂາພັກແຂວງ, ຮອງເຈົ້າແຂວງ ໄຊຍະບູລີ, ມີຫົວໜ້າ, ຮອງຫົວໜ້າຫ້ອງວ່າການ 11 ເມືອງ, ມີຫົວໜ້າຫ້ອງການບໍລິຫານແຕ່ລະພະແນກການ, ກົມກອງອ້ອມຂ້າງແຂວງ, ຕະຫຼອດເຖິງພະນັກງານວິຊາການພາຍໃນຫ້ອງວ່າການແຂວງເຂົ້າຮ່ວມ 100 ກວ່າຄົນ.

ທ່ານ ຈັນເພັງ ຄໍາມຸນທາ ຮອງຫົວໜ້າຫ້ອງວ່າການແຂວງໄດ້ໃຫ້ກຽດຂຶ້ນຜ່ານຮ່າງບົດສະຫຼຸບວຽກງານຫ້ອງວ່າການແຂວງປະຈໍາປີ 2017 ແລະ ທິດທາງແຜນການປີ 2018, ທ່ານໄດ້ກ່າວວ່າ: ຜ່ານມາຄະນະຫ້ອງວ່າການແຂວງ ແມ່ນໄດ້ເປັນເຈົ້າການສຶກສາອົບຮົມການເມືອງ - ແນວຄິດ ໃຫ້ສະມາຊິກພັກ, ພະນັກງານເປັນບັນຫາກົກ ໂດຍສະເພາະໄດ້ເຊື່ອມຊຶມນະໂຍບາຍ, ມະຕິຄໍາສັ່ງ, ກົດລະບຽບນະໂຍບາຍຂອງພັກ ແລະ ຂໍ້ກໍານົດກົດໝາຍຂອງລັດ, ມູນເຊື້ອວັນສໍາຄັນຂອງຊາດໄດ້ປົກກະຕິ, ສາມາດຫັນເອົາແນວທາງນະໂຍບາຍຂອງພັກໝູນໃຊ້ເຂົ້າໃນວຽກງານຕົວຈິງຂອງພັກຂອງຕົນ, ມີຄວາມຈົງຮັກພັກດີຕໍ່ພັກຕໍ່ປະເທດຊາດ ແລະ ປະຊາຊົນ, ເດັດດ່ຽວຕອບຕ້ານກົນອຸບາຍຂອງສັດຕູ ແລະ ຕ້ານທຸກປະກົດການຫຍໍ້ທໍ້

ຕ່າງໆ, ຫ້ອງວ່າການແຂວງໄຊຍະບູລີ ປະກອບມີ ຫົວໜ້າຫ້ອງວ່າການ 1 ທ່ານ, ຮອງຫົວໜ້າຫ້ອງວ່າການ ຈໍານວນ 9 ທ່ານ, ປະກອບມີ 8 ຂະແໜງການຄື: ຂະແໜງຈັກຕັ້ງພັກ - ພະນັກງານ, ນະໂຍບາຍ ແລະ ຍ້ອງຍໍ, ຂະແໜງຄົ້ນຄວ້າ - ສັງລວມວຽກພັກ, ຂະແໜງຄົ້ນຄວ້າ - ສັງລວມວຽກລັດ, ຂະແໜງການນໍາ, ຂະແໜງຄຸ້ມຄອງເອກະສານ ແລະ ຂໍ້ມູນຂ່າວສານ, ຂະແໜງອານຸສາວະລີ ປະທານ ໄກສອນ ພົມວິຫານ, ຂະແໜງກໍ່ສ້າງຮາກຖານການເມືອງ ແລະ ຂະແໜງບໍລິຫານ - ການເງິນ, ຕະຫຼອດໄລຍະ 1 ປີຜ່ານມາ ຫ້ອງວ່າການແຂວງ ສາມາດຍາດໄດ້ຜົນງານແຕ່ລະດ້ານເຊັນ: ໄດ້ອໍານວຍຄວາມສະດວກໃຫ້ຄະນະແຂກຕ່າງປະເທດ 11 ຄັ້ງ, ແຂກສູນກາງ 22 ຄັ້ງ, ແຂກຂັ້ນແຂວງ 5 ຄັ້ງ, ໄດ້ຮ່າງຂໍ້ຕົກລົງໄດ້ທັງໝົດ 386 ສະບັບ, ຄໍາສັ່ງ 22 ສະບັບ, ບົດລາຍງານ 38 ສະບັບ 625 ສະບັບ, ໄດ້ຮັບເອກະສານຂາເຂົ້າຈາກສູນພັກ 47 ສະບັບ, ເອກະສານຂາເຂົ້າຈາກສູນກາງ 312 ສະບັບ, ຂາເຂົ້າອ້ອມຂ້າງແຂວງ 2,683 ສະບັບ, ບັນດາເມືອງ 605 ສະບັບ, ຂາອອກຄະນະປະຈໍາພັກແຂວງ 625 ສະບັບ, ເຈົ້າແຂວງ 1,483 ສະບັບ, ນອກນັ້ນຍັງໄດ້ເຄື່ອນໄຫວເກັບກໍາຂ່າວ, ຮູບພາບຂອງການນໍາແຂວງ, ຄະນະຫ້ອງວ່າການແຂວງ ສົ່ງໃຫ້ສະຖານີວິທະຍຸແຂວງ, ແຫ່ງຊາດ, ໂທລະພາບແຂວງ, ໂທລະພາບແຫ່ງຊາດ, ໂທລະພາບ ປກສ ແລະ ສົ່ງໃຫ້ໜັງສືພີມ, ວາລະສານຕ່າງ. ກອງປະຊຸມຍັງຈະໄດ້ມີການປະກອບຄໍາຄິດຄໍາເຫັນໃສ່ຮ່າງບົດສະຫຼຸບ ແລະ ປະກອບຄໍາຄິດຄໍາເຫັນກ່ຽວກັບການຍົກສູງຄຸນນະພາບການເປັນເສນາທິການ ແລະ ການປະສານງານ ເພື່ອຮັບປະກັນພາລະບົດບາດຂອງວຽກງານໃນແຕ່ລະຂົງເຂດ ແລະ ຈະໄດ້ດໍາເນີນໄປເປັນເວລາ 2 ວັນຈຶ່ງສໍາເລັດ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ