ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 87  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມວຽກງານກວດກາທົ່ວແຂວງ ໄຊຍະບູລິ ປະຈຳປີ 2017 ໄດ້ໄຂຂຶ້ນໃນຕອນເຊົ້າຂອງວັນທີ 27 ມີນາ ປີນີ້, ໂດຍການເປັນປະທານຂອງ ທ່ານ ດວງຕາ ໄຊວຸດ ກຳມະການປະຈຳພັກແຂວງ, ປະທານຄະນະກວດກາພັກແຂວງ, ເຂົ້າຮ່ວມເປັນກຽດມີ ທ່ານ ພົງສະຫວັນ ສິດທະວົງ, ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີບັນດາກຳມະການປະຈຳພັກແຂວງ, ກຳມະການພັກແຂວງ, ສະມາຊິກສະພາປະຊາຊົນແຂວງ, ມີເລຂາພັກເມືອງ 11 ເມືອງ, ມີເລຂາຄະນະພັກຮາກຖານ, ເລຂາໜ່ວຍພັກພະແນກກົມກອງ, ອົງການ, ຫ້ອງການ, ລັດວິສາຫະກິດອ້ອມຂ້າງແຂວງ, ເຂົ້າຮ່ວມເກືອບ 200 ຄົນ. ໃນກອງປະຊຸມ ທ່ານ ດວງຕາ ໄຊວຸດ ປະທານຄະນະກວດກາພັກແຂວງ ໄດ້ຂຶ້ນຜ່ານຮ່າງບົດສະຫຼຸບການເຄື່ອນໄຫວວຽກງານກວດກາ ປະຈຳປີ 2017 ແລະ ທິດທາງແຜນການປີ 2018, ທ່ານໄດ້ກ່າວ່າ: ຕະຫຼອດໄລຍະ 1 ປີຜ່ານມາ ຄະນະກວດກາແຂວງແມ່ນໄດ້ເປັນເຈົ້າການນຳພາດຳເນີນຊີວິດການເມືອງປັບປຸງ, ປົວແປງທົ່ວພັກ, ຄະນະປະຈໍາພັກແຂວງ, ຄະນະປະຈໍາພັກເມືອງ, ຄະນະພັກສໍານັກງານ, ກົມກອງອ້ອມຂ້າງແຂວງ ແລະ ອ້ອມຂ້າງເມືອງ, ເຊິ່ງລວມມີຄະນະພັກ, ສະມາຊິກພັກ 9.810 ສະຫາຍ, ຍິງ 3.154 ສະຫາຍ; ຍັງບໍ່ທັນໄດ້ດໍາເນີນຊີວິດການເມືອງປົວແປງພາຍໃນພັກມີຈຳນວນ 7.990 ສະຫາຍ, ຍິງ 1.494 ສະຫາຍ, ຜ່ານການດຳເນີນຊີວິດການເມືອງປັບປຸງ, ປົວແປງພາຍໃນພັກ

ສາມາດຕີລາຄາແບ່ງປະເພດຄະນະພັກ ແລະ ສະມາຊິກພັກຄື: ຄະນະພັກ 1.963 ສະຫາຍ, ຍິງ 273 ສະຫາຍ, ໃນນີ້ ໄດ້ປະເພດແຂງ 1.931 ສະຫາຍ, ຍິງ 270 ສະຫາຍ, ໄດ້ປະເພດກາງ 27 ສະຫາຍ,ຍິງ 2 ສະຫາຍ, ໄດ້ປະເພດອ່ອນ 3 ສະຫາຍ, ເສຍທາດ 2 ສະຫາຍ,ຍິງ 1 ສະຫາຍ; ສະມາຊິກພັກ ໄດ້ປະເພດແຂງ 7.525 ສະຫາຍ, ຍິງ 2.812 ສະຫາຍ, ໄດ້ປະເພດກາງ 222 ສະຫາຍ,ຍິງ 47 ສະຫາຍ, ໄດ້ປະເພດອ່ອນ 10 ສະຫາຍ,ຍິງ 2 ສະຫາຍ, ບໍ່ແບ່ງ 90 ສະຫາຍ, ຍິງ 20 ສະຫາຍ, ຜ່ານການດໍາເນີນຊີວິດການເມືອງປົວແປງພາຍໃນພັກ ພົບເຫັນກໍລະນີ ຂອງສະມາຊິກພັກມີ 15 ກໍລະນີ ມີ 135 ສະຫາຍ, ຍິງ 25 ສະຫາຍ, ກໍລະນີທີ່ຫຼາຍກ່ວາໝູ່ແມ່ນຢູ່ ປກສ ແຂວງ, ພະແນກກະສິກໍາ ແລະ ປ່າໄມ້ແຂວງ, ເມືອງປາກລາຍ, ເມືອງພຽງ, ເມືອງຄອບ, ເມືອງໄຊຍະບູລີ ແລະ ເມືອງໄຊສະຖານ ເຊັ່ນ: ປະລະໜ້າທີ່ບໍ່ປະຕິບັດຕາມຄໍາສັ່ງມີ 11 ສະຫາຍ, ຂາດຄວາມເປັນແບບຢ່າງ ແລະ ຂາດຄວາມຮັບຜິດຊອບມີ 37 ສະຫາຍ, ລະເມີດກົດໝາຍພະນັກງານ-ລັດຖະກອນມີ 6 ສະຫາຍ, ລະເມີດກົດລະບຽບຂອງພັກ-ກົດໝາຍຂອງລັດມີ 3 ສະຫາຍ, ພົວພັນສັງຄົມຊູ້ສາວມີ 9 ສະຫາຍ, ຄອບຄົວບໍ່ມີຄວາມສະຫງົບມີ 19 ສະຫາຍ, ຂາດຮ່ວມຊີວິດພັກກາຍ 6 ເດືອນມີ 1 ສະຫາຍ, ສຸຂະພາບອ່ອນເພຍ(ອາວຸໂສ)ມີ 2 ສະຫາຍ, ຫຼິ້ນກິນຟູມເຟືອຍ-ບັນຫາໜີ້ສິນຄຸມເຄື່ອມີ 10 ສະຫາຍ, ຖືກກຸ່ມຄົນບໍ່ດີຕົວະຢົວະມີ 6 ສະຫາຍ, ປອມແປງເອກະສານ, ສໍ້ໂກງ, ສໍ້ລາດບັງຫຼວງ, ຮັບສິນບົນ, ຟອກເງິນມີ 23 ສະຫາຍ, ເຮັດໃຫ້ສິ່ງຂອງສ່ວນລວມເສຍຫາຍ ແລະ ເຮັດໃຫ້ຄົນອື່ນເສຍຊີວິດມີ 3 ສະຫາຍ, ຄ້າຂາຍລົດເຖື່ອນມີ 2 ສະຫາຍ, ຖືກສວຍໃຊ້ການຂາຍໂຄງການໄຟຟ້າຊໍ້າຊ້ອນມີ 1 ສະຫາຍ ແລະ ການຄຸ້ມຄອງທຸລະກິດປ່ອຍເງິນຝາກເກັບບໍ່ໄດ້ 2 ສະຫາຍ, ນອກນີ້ຍັງໄດ້ເປັນເຈົ້າການຕິດຕາມ-ກວດກາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ, ລາຍຮັບ-ລາຍຈ່າຍ ໃນໄລຍະຜ່ານມາເຫັນວ່າການເຕີບໂຕທາງດ້ານເສດຖະກິດໄດ້ບັນລຸ 8,5 % ລວມຍອດຜະລິດຕະພັນພາຍໃນມູນຄ່າ 8.234 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 21,3 ລ້ານກີບຫຼືເທົ່າກັບ 2.596 ໂດລາສະຫະລັດຕໍ່ຄົນຕໍ່ປີ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ