ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 86  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ພາບຫຼັງທີ່ໄດ້ດຳເນີນກອງປະຊຸມວຽກງານກວດກາທົ່ວແຂວງ ໄຊຍະບູລິ ປະຈຳປີ 2017 ມາເປັນເວລາ 2ວັນຈຶ່ງໄດ້ສຳເລັດລົງໃນວັນທີ 28 ມີນາ ປີນີ້, ທີ່ສະໂມສອນໂຮງຮຽນການເມືອ-ການປົກຄອງແຂວງ, ໂດຍການເປັນປະທານຂອງ ທ່ານ ດວງຕາ ໄຊວຸດ ກຳມະການປະຈຳພັກແຂວງ, ປະທານຄະນະກວດກາພັກແຂວງ, ເຂົ້າຮ່ວມເປັນກຽດມີ ທ່ານ ພົງສະຫວັນ ສິດທະວົງ, ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີບັນດາກຳມະການປະຈຳພັກແຂວງ, ກຳມະການພັກແຂວງ, ສະມາຊິກສະພາປະຊາຊົນແຂວງ, ມີເລຂາພັກເມືອງ 11 ເມືອງ, ມີເລຂາຄະນະພັກຮາກຖານ, ເລຂາໜ່ວຍພັກພະແນກກົມກອງ, ອົງການ, ຫ້ອງການ, ລັດວິສາຫະກິດອ້ອມຂ້າງແຂວງ, ເຂົ້າຮ່ວມເກືອບ 200 ຄົນ.

ໃນວາລະດຳເນີນກອງປະຊຸມທີ່ຜ່ານມາ ຜູ້ແທນກອງປະຊຸມ ແມ່ນໄດ້ພ້ອມກັນເອົາໃຈໃສ່ຄົ້ນຄວ້າເນື້ອໃນເອກະສານທີ່ສຳຄັນ, ສະຫຼຸບຕີລາຄາຄືນຢ່າງເລິກເຊິ່ງ, ພາວະວິໄສຕໍ່ການເຄື່ອນໄຫວວຽກງານກວດກາ ໃນ 1 ປີ ທີຜ່ານມາ ອັນໄດ້ເປັນການປະກອບສ່ວນທີ່ສຳຄັນເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X

ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງ, ກໍ່ຄືບັນດາຂໍ້ກໍານົດ, ລະບຽບກົດໝາຍຕ່າງໆ ແລະ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ໂດຍໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ-ຂໍ້ຄົງຄ້າງ, ສາຍເຫດ ແລະ ບົດຮຽນທີ່ຖອດຖ້ອນໄດ້; ພ້ອມດຽວກັນ

ກອງປະຊຸມຍັງໄດ້ກຳນົດທິດທາງ, ໜ້າທີ່ການເຄື່ອນໄຫວຂອງວຽກງານກວດກາໃນປີ 2018, ໄດ້ເຊື່ອມຊືມເອກະສານຂໍ້ກໍານົດ ແລະ ບົດແນະນຳກ່ຽວກັບວຽກງານກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງຂອງຄະນະກວດກາສູນກາງພັກ, ຮັບຟັງການປະກອບຄໍາຄິດ-ຄຳເຫັນ ຈາກຄະນະພັກ, ຄະນະກວດກາຂອງບັນດາພະແນກການ, ອົງການ, ກົມກອງອ້ອມຂ້າງແຂວງ ແລະ ບັນດາເມືອງພາຍໃນແຂວງ ຢ່າງກົງໄປກົງມາ, ມີລັກສະນະສ້າງສັນຕໍ່ບັນດາເນື້ອໃນຂອງກອງປະຊຸມ ແລະ ບັນຫາຕ່າງໆ, ກອງປະຊຸມຍັງໄດ້ ຟັງການໂອ້ລົມຂອງສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ເຊິ່ງຄຳໂອ້ລົມດັ່ງກ່າວໄດ້ກາຍເປັນເຂັ້ມຊີ້ທິດເຍືອງທາງ ໃນການເຄື່ອນໄຫວວຽກງານກວດກາ ຂອງຄະນະພັກ, ອົງການປົກຄອງ ແລະ ຄະນະກວດກາແຕ່ລະຂັ້ນ ເຊິ່ງການໂອ້ລົມຂອງສະຫາຍ ໄດ້ເໜັ້ນໜັກຫຼາຍບັນຫາທີ່ສໍາຄັນ ແລະ ຈໍາເປັນສໍາລັບວຽກງານກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງເປັນຕົ້ນແມ່ນ ດ້ານອ່ອນ ແລະ ຂໍ້ຄົງຄ້າງ ຂອງຄະນະກວດກາແຕ່ລະຂັ້ນ ທີ່ຈະຕ້ອງໄດ້ເອົາໃຈໃສ່ແກ້ໄຂໃນຕໍ່ໜ້າ, ຄຳໂອ້ລົມດັ່ງກ່າວໄດ້ເປັນຄໍາເຫັນຊີ້ນໍາຂອງພັກຕໍ່ວຽກງານກວດກາໃນໄລຍະໃໝ່, ທັງເປັນການປຸກລະດົມກຳລັງໃຈອັນສູງສົ່ງໃຫ້ຄະນະພັກ, ຄະນະກວດກາແຕ່ລະຂັ້ນເປັນເຈົ້າການຍົກສູງຄວາມຮັບຜິດຊອບຂອງຕົນໃຫ້ສູງຂຶ້ນ ໃຫ້ສົມກັບຄວາມໄວ້ເນື້ອເຊື່ອໃຈ ຈາກຄະນະພັກຂັ້ນເທິງ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ