ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 24  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທ່ານ ເຈົ້າແຂວງ ໄຊຍະບູລີ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງ ບໍ່ແຕນ, ໃນລະຫວ່າງວັນທີ 29-30 ມີນາຜ່ານມານີ້, ໃຫ້ການຕ້ອນຮັບໂດຍ ທ່ານ ບຸນເສນ ຈັນຖະຜອງ ເຈົ້າເມືອງ-ເມືອງບໍ່ແຕນ, ໂອກາດດັ່ງກ່າວ ທ່ານເຈົ້າແຂວງໄດ້ໂອ້ລົມຕໍ່ປະຊາຊົນ ບ້ານ ນໍ້າພຽງ, ທ່ານໄດ້ເນັ້ນໃຫ້ປະຊາຊົນເອົາໃຈໃສ່ຮັກສາຄວາມສາມັກຄີໃຫ້ເປັນຈິດໜຶ່ງໃຈດຽວກັນ, ປັບປຸງກົງຈັກການປົກຄອງບ້ານໃຫ້ສອດຄ່ອງກັບສະພາບຕົວຈິງຂອງບ້ານ, ຊີ້ນຳ ແລະ ນຳພາລູກບ້ານທຳການຜະລິດກະສິກຳໃຫ້ຫຼາຍກາຍເປັນສິນຄ້າ ເພື່ອນຳພາຄອບຄົວໃຫ້ຮັ່ງມີເຂັ້ມແຂງ, ພ້ອມດຽວກັນກໍ່ຊ່ວຍເປັນຫູເປັນຕາໃນການປົກປັກຮັກສາເຂດຊາຍແດນຂອງບ້ານກໍ່ຄືຂອງເມືອງ ແລະ ຂອງແຂວງ ເພື່ອບໍ່ກຸ່ມຄົນບໍ່ດີເຂົ້າມາບຸກລຸກປ່າໄມ້ ແລະ ກໍ່ຄວາມບໍ່ສະຫງົບຢູ່ເຂດໝູ່ບ້ານ, ພ້ອມດຽວກັນທ່ານເຈົ້າແຂວງຍັງໄດ້ຮຽກຮ້ອງໃຫ້ພາກລັດ ແລະ ເອກະຊົນ ຈົ່ງເອົາໃຈໃສ່ໃຫ້ທິດຊີ້ນຳປະຊາຊົນດ້ານເຕັກນິກ, ວິທີການໃນການຜະລິດກະສິກຳ, ຊ່ວຍປະຊາຊົນໃນການກໍ່ສ້າງເຮືອນຢູ່,

ສ້ອມແປງລະບົບຊົນລະປະທານ ແລະ ບຸກເບີກເນື້ອທີ່ທຳການຜະລິດໃຫ້ສຳເລັດ ແລະ ທ່ວງທັນລະດູການຜະລິດລະດູຝົນປີນິ້, ບ້ານ ນໍ້າພຽງ ເປັນບ້ານທີ່ສ້າງຕັ້ງຂຶ້ນໃໝ່ໃນຕົ້ນປີ 2017, ປະຈຸບັນມີ 47 ຄອບຄົວ, ມີພົນລະເມືອງ 224 ຄົນ, ຍິງ 119 ຄົນ, ມີ 3 ເຜົ່າອາໄສຢູ່ຮ່ວມກັນເຊັ່ນ: ເຜົ່າລາວລຸ່ມ, ເຜົ່າກືມມຸ ແລະ ເຜົ່າ ພູນ້ອຍ, ອາຊີບຕົ້ນຕໍຂອງປະຊາຊົນແມ່ນເຮັດນາປູກເຂົ້າ, ປູກພືດອຸດສາຫະກຳ ແລະ ລ້ຽງສັດ, ທົ່ວບ້ານມີເນື້ອທີ່ດິນກະສິກຳທັງໝົງ 324,30 ເຮັກຕາ, ປະຈຸບັນປະຊາຊົນແມ່ນໄດ້ຮັບການອົບຮົມກ່ຽວກັບການປູກ ແລະ ການລ້ຽງ ຈາກພະນັກງານວິຊາການຂັ້ນແຂວງ ແລະ ຂັ້ນເມືອງເຊັ່ນ: ວິທີປູກເຂົ້ານາ, ການປູກໄມ້ໃຫ້ໝາກ, ການປູກພືດຜັກ, ວິທີການລ້ຽງສັດໃຫຍ່ ຕິດພັນກັບການປູກຫຍ້າ ແລະ ວິທີການຮັກສາສຸຂະພາຍຂອງສັດ, ຈາກນັ້ນ ທ່ານເຈົ້າແຂວງ ພ້ອມດ້ວຍທີມງານກໍ່ໄດ້ຢ້ຽມຢາມການກໍ່ສ້າງເຮືອນຢູ່ຂອງປະຊາຊົນ, ລະບົບຊົນລະປະທານ ແລະ ໄດ້ຢ້ຽມຢາມໂຄງການກໍ່້ສງຕ້ານເຈື່ອມແມ່ນໍ້າເຫືອງເຂດບ້ານນາຄ່າ ເມືອງ ບໍ່ແຕນຕື່ມອີກ.

ແຫຼ່ງຂ່າວ:ຫ້ອງວ່າການແຂວງ ໄຊຍະບູລີ

ໂດຍ:ອຸ່ນເຮືອນ ໂພທິລັກ

ໂທ:22126933  

ແຜນທີ ແຂວງໄຊຍະບູລີ