ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 83  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 4 ເມສາ 2018 ນີ້ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ໄຊຍະບູລີ ໄດ້ຈັດກອງປະຊຸມສະຫຼຸບວຽກງານ ຖວທ ທົ່ວແຂວງປະຈຳປີ 2017 ແລະ ວາງທິດທາງປີ 2018 ທີ່ສະໂມສອນຫ້ອງວ່າການແຂວງ, ໂດຍການເປັນປະທານຂອງ ທ່ານ ຈັນທີ ສີມະນີຈັນ ຫົວໜ້າພະແນກ ຖວທ, ເຂົ້າຮ່ວມມີ ທ່ານ ອຸ່ນທ່ວງ ຂາວພັນ ຮອງລັດຖະມົນຕີ ກະຊວງ ຖວທ, ມີ ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງ ໄຊຍະບູລີ, ຜູ້ຊີ້ນຳຂົງເຂດວັດທະນະທຳ-ສັງຄົມ, ມີບັນດາ ທ່ານ ຫົວໜ້າກົມ, ຮອງກົມ, ຫົວໜ້າ, ຮອງຫົວໜ້າພະແນກການ, ອົງການອ້ອມຂ້າງແຂວງ, ມີທ່ານຮອງເຈົ້າເມືອງ ແລະ ຫົວໜ້າຫ້ອງການ ຖ ວ ທ ເມືອງໃນທົ່ວແຂວງ, ຕະຫຼອດເຖິງພະນັກງານວິຊາການພາຍໃນພະແນກ ຖວທ ເຂົ້າຮ່ວມ 100 ກວ່າຄົນ. ໃນກອງປະຊຸມ ທ່ານ ຈັນທີ ສີມະນີຈັນ ໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານ ຖວທ ປະຈຳປີ 2017 ແລະ ທິດທາງແຜນການປີ 2018, ເຊິ່ງທ່ານ ໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ຈາກການຈັດຕັ້ງປະຕິບັດວຽກງານໃນໄລຍະຜ່ານມາ,

ເວົ້າລວມແລ້ວ ຕະຫຼອດ 1 ປີ ພະແນກ ຖວທ ແມ່ນມີຜົນງານອັນພົ້ນເດັ່ນ, ເຊິ່ງສະແດງອອກແຕ່ລະດ້ານເຊັ່ນ: ສຳເລັດການສ້າງວິໄສທັດ 2030, ຍຸດທະສາດ 2025 ແລະ ແຜນພັດທະນາວຽກງານ ຖວທ ປີ 2016-2020, ສໍາເລັດການສ້າງ ນິຕິກໍາລຸ່ມກົດໝາຍ, ຂໍ້ຕົກລົງວ່າດ້ວຍການຄຸ້ມຄອງວຽກງານວັດທະນະທຳ ແລະ ທຸລະກິດການທ່ອງທ່ຽວ, ໄດ້ຮັບການປັບປຸງ, ຂະຫຍາຍຕົວ ທາງດ້ານປະລິມານ ແລະ ຄຸນນະພາບ ຂອງວຽກງານສື່ມວນຊົນ, ສາມາດຕອບສະໜອງຂໍ້ມູນຂ່າວສານໃຫ້ແກ່ສັງຄົມໄດ້ຢ່າງກວ້າງຂວາງ ແລະ ປຸກລະດົມໂຄສະນາຂະບວນການຕ່າງໆ, ທົ່ວແຂວງ ມີນັກຂ່າວ-ສື່ມວນຊົນທັງໝົດ 64 ຄົນ, ຍິງ 17 ຄົນ, ສະຖານີວິທະຍຸ FM ຈໍານວນ 4 ແຫ່ງ, ໃນນີ້ວິທະຍຸຂອງແຂວງ 1 ແຫ່ງກຳລັງສົ່ງ 2.000 w, ວິທະຍຸຂອງເມືອງ 3 ແຫ່ງ, ສະຖານີໂທລະພາບແຂວງ 1 ແຫ່ງ, ເຄເບິນທີວີ 1 ແຫ່ງ, ມີໂທລະໂຄ່ງທັງໝົດ 444 ຊຸດ, ໃນນີ້ໂທລະໂຄ່ງຂອງ ຖວທ 11 ເມືອງ ມີ 13 ຊຸດ, ໂທລະໂຄ່ງຂອງບ້ານມີ 431 ຊຸດ, ເຄື່ອນໄຫວເກັບກຳຂ່າວເຫດການສຳຄັນຕ່າງໆ ແລະ ສໍາພາດຂ່າວທີ່ເກີດຂຶ້ນຢູ່ພາຍໃນແຂວງໄດ້ 307 ຄັ້ງ, ຜະລິດໃບຂ່າວປະຈໍາອາທິດໄດ້ຈຳນວນ 988 ສະບັບ, ສົ່ງຂ່າວທາງອິນເຕີແນັດໃຫ້ໜັງສືພີມສະບັບຕ່າງໆ ຂອງສູນກາງໄດ້ 249 ຂ່າວ, ຮັບຂ່າວຈາກນັກຂ່າວເມືອງ ແລະ ພະແນກການ ຈຳນວນ 776 ຂ່າວ, ໃນນີ້ເດັ່ນກວ່າໝູ່ແມ່ນຫ້ອງວ່າການແຂວງໄຊຍະບູລີ ຈໍານວນ 130 ຂ່າວ, ປກສ ແຂວງ 128 ຂ່າວ, ເມືອງໄຊຍະບູລີ 119 ຂ່າວ, ສາມາດສ້າງບ້ານວັດທະນະທໍາ ໄດ້ 16 ບ້ານ ເທົ່າກັບ 66,6%, ຂອງແຜນການປີ ລວມເປັນ 347 ບ້ານ ກວມ 80,69% ຂອງບ້ານທັງໝົດ, ສ້າງຄອບຄົວວັດທະນະທໍາ ໄດ້ 1.627 ຄອບຄົວ ກວມ 54,23% ຂອງແຜນການປີ ລວມເປັນ 61.795 ຄອບຄົວ ກວມເອົາ 83,54% ຂອງຄອບຄົວທັງໝົດໃນທົ່ວແຂວງ, ໃນປີ 2017 ມີນັກທ່ອງທ່ຽວເຂົ້າ ແລະ ຜ່ານແຂວງໄຊຍະບູລີ ທັງໝົດ 109,007 ຄົນ, ນັກທ່ອງທ່ຽວທີ່ໃຊ້ພາດສະປອດ 88,232 ຄົນ, ບໍເດີພາດ 20,775 ຄົນ, ສາມາດສ້າງລາຍຮັບຈາກການທ່ອງທ່ຽວໄດ້ທັງໝົດ 6 ລ້ານກວ່າໂດລາສະຫະລັດ, ທຽບໃສ່ປີຜ່ານມາເພີ່ມຂຶ້ນ 11,5%, ມີແຫຼ່ງທ່ອງທ່ຽວທີ່ໄດ້ຮັບການສຳຫຼວດ ແລະ ຂຶ້ນບັນຊີໃນເບື້ອງຕົ້ນແລ້ວ ຈຳນວນ 47 ແຫ່ງ, ໃນນັ້ນ ເປັນແຫຼ່ງທ່ອງທ່ຽວທຳມະຊາດ 29 ແຫ່ງ, ປະຫວັດສາດ 6 ແຫ່ງ ແລະ ວັດທະນະທຳ 12 ແຫ່ງ ແລະ ເປີດບໍລິການແລ້ວ 7 ແຫ່ງ, ທົ່ວແຂວງ ມີໂຮງແຮມ 8 ແຫ່ງ, ເຮືອນພັກ 157 ແຫ່ງ, ລີສອດ 6 ແຫ່ງ, ມີ 111 ຫ້ອງ, ມີ 142 ຕຽງ, ຮ້ານອາຫານ 58 ແຫ່ງ, ຮ້ານບັນເທີງ 18 ແຫ່ງ ແລະ ບໍລິສັດທ່ອງທ່ຽວ 9 ບໍລິສັດ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ