ຈໍານວນຜູ້ເຂົ້າຊົມເວັບໄຊ

125738
ມື້ນີ້ມື້ນີ້136
ມື້ວານນີ້ມື້ວານນີ້314
ອາທິດນີ້ອາທິດນີ້1262
ເດືອນນີ້ເດືອນນີ້5873
ລວມທັງໝົດລວມທັງໝົດ125738

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕາມການລາຍງານຂອງພະແນກ ແຮງງານ ແລະ ສະຫວັດດີການ-ສັງຄົມ ແຂວງ ໄຊຍະບູລີ ໃນນາມເປັນກອງເລຂາຄະນະກຳມະການປ້ອງກັນ ແລະ ຄອບຄຸມໄພພິບັດຂັ້ນແຂວງ ໄດ້ໃຫ້ຮູ້ວ່າ: ໃນລະຫວ່າງວັນທີ 30 ມີນາ ຫາ ວັນທີ 1 ເມສາ 2018 ນີ້ ໄດ້ເກີດມີລົມພະຍຸລະດູຮ້ອນພັດເຂົ້າເຂດທີ່ຢູ່ອາໄສ ແລະ ເກີດໄຟໄໝ້ເຮືອນຂອງປະຊາຊົນ ຢູ່ແຂວງ ໄຊຍະບູລີ ລວມມີ 4 ເມືອງຄື: ລົມພະຍຸພັດເຂົ້າເຂດທີ່ຢູ່ອາໄສຂອງປະຊາຊົນ ມີ 3 ເມືອງ, ໄດ້ຮັບຜົນກະທົບ 5 ບ້ານ, ມີເຮືອນຖືກລົມພະຍຸພັດເປ່ເພ 307 ຫຼັງ, ໂຮງຮຽນ 2 ຫຼັງ, ຫ້ອງປະຊຸມບ້ານ 2 ຫຼັງ ແລະ ໂຮງສີເຂົ້າ 1 ຫຼັງ, ມີຈຳນວນພົນທີ່ໄດ້ຮັບຜົນກະທົບ 1.712ຄົນ, ຍິງ 807 ຄົນ, ໃນນີ້ເມືອງ ພຽງ ໄດ້ຮັບຜົນກະທົບ 3 ບ້ານຄື: ບ້ານ ນາໂສມໃຫຍ່, ບ້ານ ນາຊິງ ແລະ ບ້ານ ນາຕານ, ເຮືອນເປ່ເພ 303 ຫຼັງ, ໂຮງຮຽນ 2 ຫຼັງ, ຫ້ອງປະຊຸມບ້ານ 2 ຫຼັງ ແລະ ໂຮງສີເຂົ້າ 1 ຫຼັງ, ມີຄົນຖືກບາດເຈັບນຳສົ່ງໂຮງໝໍ 1 ຄົນ, ມູນຄ່າເສຍຫາຍ 1,74 ຕື້ກີບ, ເມືອງ ທົ່ງມີໄຊ ໄດ້ຮັບຜົນກະທົບ 1 ບ້ານ ຄື ບ້ານ ນາມ່ວງ, ມີເຮືອນເປ່ເພ 2 ຫຼັງ, ມູນຄ່າເສຍຫາຍ 4 ລ້ານກວ່າກີບ, ເມືອງ ບໍ່ແຕນ ໄດ້ຮັບຜົນກະທົບ 1 ບ້ານຄື: ບ້ານ ເມືອງຮຳ, ເຮືອນເປ່ເພ 2 ຫຼັງ, ມູນຄ່າເສຍຫາຍ 28 ລ້ານກວ່າກີບ, ເກີດອັກຄີໄພໄຟໄໝ້ເຮືອນຂອງປະຊາຊົນ ບ້ານ ທ່ານາ ເມືອງ ໄຊຍະບູລີ ຈຳນວນ 1 ຫຼັງ, ມູນຄ່າເສຍຫາຍ 334 ລ້ານກວ່າກີບ, ລວມມູນຄ່າຜົນເສຍຫາຍທັງໝົດ 2,6 ຕື້ກວ່າກີບ,

ຕໍ່ກັບເຫດການດັ່ງກ່າວການນຳຂອງແຂວງກໍ່ຄືເມືອງທີ່ໄດ້ຮັບຜົນກະທົບ ແມ່ນໄດ້ໃຫ້ການຊ່ວຍເຫຼືອບັນເທົາທຸກເບື້ອງຕົ້ນ, ໂດຍສະເພາະແມ່ນເຄາະຮ້າຍຈາກອັກຄີໄພຢູ່ ເມືອງ ໄຊຍະບູລີ ລວມມີ ເຂົ້າກິນ, ເຄື່ອງນຸ່ງຮົ່ມ ແລະ ເຄື່ອງໃຊ້ໃນເຮືອນຄົວຈຳນວນໜຶ່ງ, ສ່ວນຜູ້ປະສົບເຄາະຮ້າຍຈາກລົມພະຍຸພັດເຮືອນເປ່ເພ ແມ່ນກຳລັງຄົ້ນຄົ້ວສັງລວມຈຳນວນຄອບຄົວທີ່ຈຳເປັນຖືກເສຍຫາຍໜັກ ເພື່ອຈະຊ່ວຍເຫຼືອບັນເທົາທຸກເບື້ອງຕົ້ນ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ