ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 3  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 4 ເມສາ 2018 ນີ້ ທີ່ຫ້ອງປະຊຸມໃຫ່ຍຂອງເມືອງ ໄດ້ຈັດກອງປະຊຸມປຶກສາຫາລື ກ່ຽວກັບການສະເຫຼີມສະຫຼອງຫຼີ້ນບຸນປີໃໝ່ລາວ ພສ 2561 ທີ່ເມືອງໄຊຍະບູລີ ແຂວງໄຊຍະບູລີ. ໂດຍພາຍໃຕ້ການເປັນປະທານຂອງທ່ານ ຄໍາຜາຍ ແກ້ວບົວ ຮອງເລຂາພັກເມືອງ ປະທານແນວລາວສ້າງຊາດເມືອງ ຜູ້ຊີ້ນໍາວຽກງານການເມືອງ-ແນວຄິດ ແລະ ອົງການຈັດຕັ້ງມະຫາຊົນ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ, ພະນັກງານ, ເລຂາຄະນະພັກຮາກຖານ ແລະ ອໍານາດການປົກຄອງບ້ານທີ່ກ່ຽວຂ້ອງເຂົ້າຮ່ວມ 60 ກ່ວາຄົນ.

ໃນກອງປະຊຸມຄັ້ງນີ້ ໄດ້ຮັບຟັງການຜ່ານແຈ້ງການຂອງຫົວໜ້າກອງບັນຊາການ ປກສ ເມືອງໄຊຍະບູລີ ກ່ຽວກັບການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ການສັນຈອນ,ການນໍາໃຊ້ພາຫະນະ ແລະ ມາດຕະການຕໍ່ຜູ້ລະເມີດ ແລະ ຮັບຟັງຜ່ານແຈ້ງການຂອງປະທານແນວລາວສ້າງຊາດ ເມືອງໄຊຍະບູລີ

ໂດຍອີງຕາມຮີດຄອງປະເພນີ ແລະ ວັດທະນະທໍາອັນດີງາມຂອງຊາດລາວ ທີ່ເຄີຍສຶບທອດ ແລະ ປະຕິບັດກັນມາແຕ່ບູຮານນະການ ທີ່ໄດ້ໝູນວຽນມາຄົບຮອບອີກວາລະໜື່ງ. ເຊິ່ງການຫຼີ້ນບຸນປີໃໝ່ລາວ ພສ 2561 ແມ່ນຈະໄດ້ຈັດຂື້ນໃນລະຫ່ວາງວັນທີ 14-16 ເມສາ 2018 ຄື: ວັນສັງຂາຣລ່ວງ ວັນເສົາແຮມ 14 ຄໍ່າເດືອນ 5 ພສ 2560 ກົງກັບວັນທີ 14 ເມສາ 2018, ວັນສັງຂາຣເນົາ ວັນທິດຂື້ນ 1 ຄໍ່າເດືອນ 6 ພສ 2560 ກົງກັບວັນທີ 15 ເມສາ 2018 ແລະ ວັນສັງຂາຣຂື້ນ ວັນຈັນຂື້ນ 2 ຄໍ່າເດືອນ 6 ພສ 2560 ກົງກັບວັນທີ 16 ເມສາ 2018.

ໃນຕອນທ້າຍກອງປະຊຸມທ່ານ ຄໍາຜາຍ ແກ້ວບົວ ຮອງເລຂາພັກເມືອງ ປະທານແນວລາວສ້າງຊາດເມືອງ ກໍ່ໄດ້ໃຫ້ກຽດມີຄໍາເຫັນໂອ້ລົມ ເຊິງທ່ານໄດ້ເນັ້ນໜັກໃຫ້ພະແນກການ, ຫ້ອງການ, ສໍານັກງານ, ອົງການ, ກົມກອງ, ໂຮງຮຽນ, ໂຮງໝໍ, ບໍລິສັດ, ໂຄງການ, ຫົວໜ່ວຍທຸລະກິດພາກລັດ-ເອກະຊົນ, ພະນັກງານ, ທະຫານ-ຕໍາຫຼວດ ຕະຫຼອດຮອດພໍ່ແມ່ປະຊາຊົນພາຍໃນເມືອງໄຊຍະບູລີ ຈົ່ງເອົາໃຈໃສ່ເປັນເຈົ້າການ ແລະ ຮັບປະກັນໃນການຫຼີ້ນບຸນປີໃໝ່ລາວ ພສ 2561 (2018) ທີ່ເມືອງໄຊຍະບູລີ ປີນີ້ມີຄວາມໝາຍສໍາຄັນ ເຕັມໄປດ້ວຍບັນຍາກາດຄຶກຄື້ນເບີກບານມ່ວຍຊື່ນ ທັງຮັກສາວັດທະນະທໍາ ແລະ ຮີດຄອງປະເພນີອັນດີງາມຂອງຊາດຂອງຊາວເມືອງ ກໍ່ຄືແຂວງໄຊຍະບູລີ ແລະ ຮັບປະກັນຄວາມເປັນລະບຽບຮຽບຮ້ອຍ, ສະຫງົບປອດໄພໂດຍພື້ນຖານ.

ຂ່າວ: ບຸນຈັນ ທ່າວ 0305752303  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ