ຈໍານວນຜູ້ເຂົ້າຊົມເວັບໄຊ

92495
ມື້ນີ້ມື້ນີ້40
ມື້ວານນີ້ມື້ວານນີ້253
ອາທິດນີ້ອາທິດນີ້922
ເດືອນນີ້ເດືອນນີ້4689
ລວມທັງໝົດລວມທັງໝົດ92495

ມີ 83  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນບ່າຍວັນທີ 05 ເມສາ 2018 ນີື້, ຕາງໜ້າຈາກບັນດາພະແນກການ, ອົງການ, ກົມກອງ, ລັດວິສາຫະກິດ, ນັກທຸລະກິດ, ອໍານາດການປົກຄອງເມືອງໄຊຍະບູລີ ແລະ ຕາງໜ້າອໍານາດການປົກຄອງບ້ານເທດສະບານເມືອງໄຊຍະບູລີ ແຂວງໄຊຍະບູລີ ໄດ້ນໍາກະຕ່າຂອງຂວັນ, ພ້ອມດ້ວຍວັດຖຸປັດໄຈ ເຂົ້າອວຍພອນກໍາລັງປ້ອງກັນຄວາມສະຫງົບແຂວງ ຢູ່ທີ່ກອງບັນຊາການ ປກສ ແຂວງ ໄຊວຍະບູລີ ເນື່ອງໃນໂອກາດສະເຫຼີມ - ສະຫຼອງ ວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນລາວຄົບຮອບ 57 ປີ ( 5 ເມສາ 1961 – 5 ເມສາ 2018 ) ວັນສ້າງຕັ້ງກໍາລັງປ້ອງກັນຄວາມສະຫງົບ ແຂວງໄຊຍະບູລີ ຄົບຮອບ 45 ປີ ( 25 ເມສາ 1973 – 25 ເມສາ 2018 ) ໂດຍມີ ພັທ ບຸນໂທ ພອນມະນີ ຮອງຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ.

 

ທ່ານ ຊຊ ບຸນທຽນ ນັນທະກອນ ຮອງປະທານສະພາປະຊາຊົນແຂວງຕາງໜ້າພາກສ່ວນຕ່າງໆ ຂື້ນກ່າວອວຍພອນໄຊອັນປະເສີດ, ຄວາມສາມັກຄີຮັກແພງອັນສະໜິດສະໜົມ, ຄວາມເປັນຫ່ວງເປັນໄຍ ມາຍັງບັນດາສະຫາຍຄະນະພັກ - ຄະນະບັນຊາ, ນາຍ ແລະ ພົນຕໍາຫຼວດ ໃນທົ່ວກໍາລັງ, ພ້ອມທັງຝາກຄວາມຢື້ຢາມຖາມຂ່າວອັນອົບອຸ່ນ, ຄວາມເປັນຫ່ວງເປັນໄຍ ໄປຍັງບັນດາສະຫາຍພະນັກງານ - ນັກຮົບ ທີ່ພວມປະຕິບັດໜ້າທີ່ຢູ່ບັນດາກົມກອງເຫຼົ່າຮົບວິຊາສະເພາະເຂດທຸລະກັນດານ, ຫ່າງໄກສອກຫຼີກ; ຕະຫຼອດຮອດຜູ້ເຈັບເປັນທີ່ກໍາລັງປິ່ນປົວ ແລະ ຄອບຄົວພະນັກງານ - ນັກຮົບ ທຸກຄົນຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດ. ພ້ອມນີ້ ທ່ານຍັງໄດ້ສະແດງຄວາມພາກພູມໃຈ ແລະ ມີຄວາມເອກອ້າງທະນົງໃຈ ຕໍ່ມູນເຊື້ອແຫ່ງການກໍາເນີດ, ເຕີບໃຫ່ຍຂະຫຍາຍຕົວ ແລະ ຜົນງານອັນໃຫ່ຍຫຼວງ ທີ່ກໍາລັງປ້ອງກັນຄວາມສະຫງົບແຂວງຍາດມາໄດ້ຕະຫຼອດໄລຍະຜ່ານມາ. ເຊິ່ງຜົນງານໄຊຊະນະດັ່ງກ່າວໄດ້ປະກອບສ່ວນອັນສໍາຄັນ ເຮັດໃຫ້ສະພາບໂດຍລວມໃນທົ່ວແຂວງ ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມ ເປັນລະບຽບຮຽບຮ້ອຍໂດຍພື້ນຖານ; ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການປັບປຸງດີຂື້ນເປັນກ້າວໆ. ນອກຈາກນີ້, ຍັງມີກໍາລັງຊາວໜຸ່ມ ຕາງໜ້າອົງການຈັດຕັ້ງມະຫາຊົນ ຂື້ນກ່າວອວຍພອນດ້ວຍບົດກອນ ທີ່ສ່ອງແສງໃຫ້ເຫັນທາດແທ້, ມູນເຊື້ອອັນສະຫງ່າງາມຂອງກໍາລັງປ້ອງກັນຄວາມສະຫງົບ. ໂອກາດນີ້, ພັທ ບຸນໂທ ພອນມະນີ ຮອງຫົວໜ້າກອງບັນຊາການ ປກສ ແຂວງໄຊຍະບູລີ ຕາງໜ້າໃຫ້ຄະນະພັກ - ຄະນະບັນຊາ, ພະນັກງານ - ນັກຮົບໃນທົ່ວກໍາລັງ ໄດ້ສະແດງຄວາມຄອບອົກ - ຄອບໃຈ ແລະ ຮູ້ບຸນຄຸນອັນລົ້ນເຫຼືອຕໍ່ທຸກພາກສ່ວນ ທີ່ນໍາເອົາຄວາມເປັນຫ່ວງເປັນໄຍ ແລະ ວັດຖຸປັດໃຈເຂົ້າອວຍພອນ ເນື່ອງໃນໂອກາດວັນສໍາຄັນ ອັນເປັນປະຫວັດສາດ ຂອງກໍາລັງປ້ອງກັນຄວາມສະຫງົບ. ພ້ອມທັງກ່າວອວຍພອນໄຊອັນປະເສີດໃຫ້ບັນດາທ່ານຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວຄອບຄົວ ແລະ ປະສົບຜົນສໍາເລັດໃນໜ້າທີ່ວຽກງານທຸກປະການ ແລະ ຖືໂອກາດທີ່ມີຄວາມໝາຍສໍາຄັນນີ້ຮຽກຮ້ອງທຸກພາກສ່ວນຈົ່ງຄຽງບ່າຄຽງໄຫຼ່ກັບກໍາລັງປ້ອງກັນຄວາມສະຫງົບແຂວງ ສືບຕໍ່ໃຫ້ການເບິ່ງແຍງ ຊ່ວຍເຫຼືອໃນທຸກດ້ານ, ເຮັດທຸກສິ່ງທຸກຢ່າງເພື່ອຄວາມຢູ່ດີກິນດີ ແລະ ຄວາມສະຫງົບສຸກຂອງປະຊາຊົນ.

ສີເມືອງ ໄຊຍະເວດ  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ