ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 81  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດບຸນປີໃໝ່ ລາວ ປະຈໍາປີ 2018 ທີ່ໝູນວຽກມາອີກວາລະໜຶ່ງ, ທ່ານ ພົນຈັດຕະວາ ຟົງສີເຕິງ ຜູ້ບັນຊາການທະຫານເຂດ 2 ສສ ຫວຽດນາມ ພ້ອມດ້ວຍຄະນະໄດ້ເຂົ້າອວຍພອນ ການນໍາຂອງແຂວງ ໄຊຍະບູລີ, ໃນວັນທີ 9 ເມສາ ປີນີ້. ທີ່ຫ້ອງຮັບແຂກຫ້ອງວ່າການແຂວງ, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ພ້ອມດ້ວຍພະນັກງານຫຼັກແຫຼ່ງຂອງແຂວງໃຫ້ການຕ້ອນຮັບຢ່າງອົບອຸ່ນ.

ກ່ອນອື່ນ ທ່ານ ພົນຈັດຕະວາ ຟົງສີເຕິງ ຜູ້ບັນຊາການທະຫານເຂດ 2 ສສ ຫວຽດນາມ ເຊິ່ງຕາງໜ້າໃຫ້ການນໍາ ແລະ ປະຊາຊົນ ຊາວຫວຽດນາມ ໄດ້ອວຍພອນໄຊອັນປະເສີດມາຍັງການນໍາ ພ້ອມດ້ວຍພະນັກງານຫຼັກແຫຼ່ງຂອງແຂວງ ແລະ ປະຊາຊົນຊາວ ແຂວງ ໄຊຍະບູລີ ຕະຫຼອດປີໃໝ່ນີ້ຈົ່ງມີແຕ່ຄວາມຜາສຸກໃນຊີວິດສ່ວນຕົວ ແລະ ຄອບຄົວ, ພ້ອມທັງໄດ້ລາຍງານຈຸດພິເສດ,ພາລະບົດບາດຂອງທະຫານເຂດ 2, ເຊິ່ງໄລຍະຜ່ານມາທະຫານເຂດ 2 ແມ່ນໄດ້ມີການພົວພັນ ແລະ ຮ່ວມມືຮອບດ້ານ ແລະ ໃຫ້ການຊ່ວຍເຫຼືອເຊິ່ງກັນ ແລະ ກັນ ກັບກອງບັນຊາການທະຫານແຂວງ

ໄຊຍະບູລີ, ທັງນີ້ກໍ່ເພື່ອເປັນການສືບຕໍ່ຫັດແໜ້ນຄວາມສາມັກຄີແບບພິເສດ ລາວ-ຫວຽດນາມ ແລະ ຫວຽດນາມ-ລາວ ທີ່ມີມາແຕ່ດຶກດໍາບັນໃຫ້ຍືນນານຕະຫຼອດຊົ່ວກາລະນານ, ໂອກາດດຽວກັນ ທ່ານ ເຈົ້າແຂວງ ໄຊຍະບູລີ ເຊິ່ງຕາງໜ້າໃຫ້ການນໍາ ແລະ ປະຊາຊົນ ທົ່ວແຂວງ ໄຊຍະບູລີ ກໍ່ໄດ້ກ່າວຄໍາຂອບໃຈຕໍ່ການນໍາພັກ-ລັດ ສສຫວຽດນາມ, ເວົ້າລວມ, ເວົ້າສະເພາະແມ່ນ ກອງບັນຊາການທະຫານເຂດ 2 ສສຫວຽກນາມ ທີ່ຍາມໃດກໍ່ໄດ້ໃຫ້ການຊ່ວຍເຫຼືອຮອບດ້ານຕໍ່ ແຂວງ ໄຊຍະບູລີ, ໂດຍສະເພາະແມ່ນ ກອງບັນຊາການທະຫານແຂວງ ໄຊຍະບູລີ ດ້ວຍດີຕະຫຼອດມາ, ອັນເຮັດໃຫ້ ແຂວງ ໄຊຍະບູລີ ມີການພັດທະນາດີຂຶ້ນຕໍ່ເນື່ອງ, ໂອກາດດັ່ງກ່າວ ທ່ານ ພົນຈັດຕະວາ ຟົງສີເຕິງ ຜູ້ບັນຊາການທະຫານເຂດ 2 ສສ ຫວຽດນາມ ເຊິ່ງຕາງໜ້າໃຫ້ການນໍາ ແລະ ປະຊາຊົນ ຊາວຫວຽດນາມກໍ່ໄດ້ມອບກະຕ່າຂອງຂວັນ ແລະ ຂອງທີ່ລະນຶກໃຫ້ການນໍາຂອງແຂວງຕື່ມອີກ.

ແຫຼ່ງຂ່າວ: ຫ້ອງວ່າການແຂວງ

ໂດຍ:ອຸ່ ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ