ຈໍານວນຜູ້ເຂົ້າຊົມເວັບໄຊ

117754
ມື້ນີ້ມື້ນີ້294
ມື້ວານນີ້ມື້ວານນີ້352
ອາທິດນີ້ອາທິດນີ້1906
ເດືອນນີ້ເດືອນນີ້6891
ລວມທັງໝົດລວມທັງໝົດ117754

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍຂອງວັນທີ 24 ເມສາ 2018 ນີ້, ສະໂມສອນຫ້ອງວ່າການແຂວງ ໄຊຍະບູລີ ໄດ້ຈັດພິທີສອບເສັງເອົາລັດຖະກອນໃໝ່, ເຂົ້າຮ່ວມມີ ທ່ານ ເພັດພິໄຊ ສູນວິໄລ ຫົວໜ້າຫ້ອງວ່າການແຂວງ, ມີຕາງໜ້າພະແນກພາຍໃນແຂວງ, ມີຄະນະຫ້ອງວ່າການ, ມີອານຸກໍາມະການສອບເສັງ ແລະ ພະນັກງານອາສາສະມັກພາຍໃນຫ້ອງວ່າການເຂົ້າຮ່ວມ 50 ກວ່າຄົນ.

ການຈັດພິທີສອບເສັງຄັດເລືອກເອົາລັດຖະກອນໃໝ່ຄັ້ງນີ້ໂດຍມີຈຸດປະສົງເພື່ອຍົກສູງຄຸນນະພາບຂອງໜ້າທີ່ວຽກງານ, ເພື່ອໃຫ້ຖືກຕ້ອງ ແລະ ສອດຄ່ອງຕາມລະບຽບຫຼັກການ, ເພື່ອຄັດເລືອກເອົາລັດຖະກອນໃໝ່ ຜູ້ທີ່ມີຄວາມຮູ້, ຄວາມສາມາດ ແລະ ປະສົບການ ໃນການຈັດຕັ້ງປະຕິບັດວຽກງານວິຊາສະເພາະ ແລະ ເຄື່ອນໄຫວວຽກງານໃຫ້ມີປະສິດທິພາບ ແລະ ປະສິດທິຜົນສູງ, ສາມາດຕອບສະໜອງໄດ້ກັບ

ຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລະໃໝ່, ຈາກນັ້ນ ທ່ານ ເພັດພິໄຊ ສູນວິໄລ ຫົວໜ້າຫ້ອງວ່າການແຂວງກໍ່ໄດ້ຜ່ານຂໍ້ຕົກລົງຂອງ ທ່ານ ເຈົ້າແຂວງ ໄຊຍະບູລີ, ສະບັບເລກທີ 256/ຈຂ.ຊຍ ລົງວັນທີ 20 ມີນາ 2018, ວ່າດ້ວຍການແບ່ງປັນຕົວເລກລັດຖະກອນ, ພ້ອມດຽກັນກໍ່ໄດ້ຮຽກຮ້ອງໃຫ້ພະນັກງານອາສາສະມັກທີ່ເຂົ້າຮ່ວມສອບເສັງຄັ້ງນີ້ຈົ່ງເອົາໃຈໃສ່ສຸມສະຕິປັນຍາເຂົ້າໃນການຄົ້ນຄົ້ວໃນຫົວບົວສອບເສັງເພື່ອຕອບໃຫ້ຖືກເປົ້າໝາຍຂອງຄໍາຖາມ, ທັງນີ້ກໍ່ເພື່ອເຮັດໃຫ້ນັກສອບເສັງປະສົບຜົນສໍາເລັດໃນການສອບເສັງ ແລະ ໄດ້ບັນຈຸເຂົ້າໃນລັດຖະກອນຂອງລັດຢ່າງສົມບູນ, ການສອບເສັງຄັ້ງນີ້ປະກອບມີ 3 ພາກຄື: ພາກກົດໝາຍວ່າດ້ວຍພະນັກງານ-ລັດຖະກອນ ( ເລທ່ 74/ສພຊ ) ມີ 10 ຂໍ້, 32 ຄະແນນ, ພາກຄວາມຮູ້ທົ່ວໄປ ມີ 32 ຂໍ້, 64 ຄະແນນ ແລະ ພາກປະຕິບັດ ມີ 1 ຂໍ້ 4 ຄະແນນ, ມີນັກສອບເສັງທັງໝົດ 30 ຄົນ, ເລືອກເອົາ 1 ຄົນ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ