ຈໍານວນຜູ້ເຂົ້າຊົມເວັບໄຊ

97939
ມື້ນີ້ມື້ນີ້61
ມື້ວານນີ້ມື້ວານນີ້261
ອາທິດນີ້ອາທິດນີ້1892
ເດືອນນີ້ເດືອນນີ້3627
ລວມທັງໝົດລວມທັງໝົດ97939

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ພິທີເຊັນບົດບັນທືກຊ່ວຍຈໍາລະຫວ່າງອົງການປົກຄອງ ເມືອງ ໄຊຍະບູລີ, ເມືອງ ພຽງ, ເມືອງ ປາກລາຍ ແລະ ເມືອງ ທົ່ງມີໄຊ ແຂວງ ໄຊຍະບູລີ ກັບ ກຸ່ມບໍລິສັດຫົງເຢັ້ຍ ຈາກ ສປປຈີນ,ໄດ້ຈັດຂຶ້ນໃນຕອນເຊົ້າຂອງວັນທີ 25 ເມສາ 2018 ນີ້, ທີ່ຫ້ອງປະຊຸມ ຮ້ານອາຫານສາຍນໍ້າຮຸ່ງ ແຂວງໄຊຍະບູລີ; ເຂົ້າຮ່ວມໃນພິທີມີ ທ່ານ ສົມສະຫວາດ ເລັ່ງສະຫວັດ ທີ່ປຶກສາກົມການເມືອງສູນກາງພັກ, ມີທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ, ມີເຈົ້າເມືອງ 4 ເມືອງ, ມີຫົວໜ້າ, ຮອງຫົວໜ້າພະແນກການທີ່ກ່ຽວຂ້ອງ ແລະ ພະນັກງານວິຊາກາານບໍລິສັດດັ່ງກ່າວເຂົ້າຮ່ວມ.

ເພື່ອປະຕິບັດຕາມແຜນພັດທະນາເສດຖະກິດ-ສັງຄົມຂອງ ແຂວງໄຊຍະບູລີ ໂດຍສະເພາະວຽກງານສົ່ງເສີມການຜະລິດເປັນສິນຄ້າ ເຊິ່ງປັດຈຸບັນແມ່ນເປັນວຽກວາລະແຫ່ງຊາດ ທັງເປັນບັນຫາທີ່ມີລັກສະນະຍຸດທະສາດ ທີ່ແຂວງໄຊຍະບູລີ ພວກເຮົາຕ້ອງໄດ້ເພີ່ມທະວີຄວາມເອົາໃຈໃສ່ຊີ້ນຳ-ນຳພາໃຫ້ມີຄວາມເຕີບໃຫຍ່ຂະຫຍາຍຕົວ

ແລະ ເຂັ້ມແຂງຂື້ນຢ່າງໜັກແໜ້ນ. ເພື່ອຮັບປະກັນໃຫ້ແກ່ການພັດທະນາເສດຖະກິດ ຕິດພັນກັບການນໍາເອົາຜົນປະໂຫຍດມາສູ່ປະຊາຊົນ ແລະ ຮັບປະກັນໃຫ້ປະຊາຊົນມີອາຊີບທີ່ໝັ້ນຄົງ, ມີວຽກເຮັດງານທຳທີ່ໝັ້ນທ່ຽງ ແລະ ລາຍໄດ້ສູງຂື້ນ ໂດຍການສົ່ງເສີມວິສາຫະກິດໃນຂົງເຂດການຜະລິດກະສິກຳຢູ່ເຂດຊົນນະບົດ ໂດຍຜ່ານການຄົ້ນຄວ້າ ແລະ ວາງເງື່ອນໄຂໃຫ້ແທດເໝາະກັບຕົວຈິງ ແນໃສ່ຍົກສູງການຜະລິດ ແລະ ຈຳໜ່າຍ, ດັ່ງນັ້ນທາງອໍານາດການປົກຄອງ 4 ເມືອງ ຂອງແຂວງ ໄຊຍະບູລີຈຶ່ງໄດ້ເຊັນບົດບັນທຶກ ກັບ ກຸ່ມບໍລິສັດ ຫົງເຢັ້ຍ ໂດຍເຫັນດີເປັນເອກະພາບ ຮ່ວມກັນຄົ້ນຄວ້າ ແລະ ຈັດຕັ້ງປະຕິບັດຕາມຂັ້ນຕອນ ເຊັ່ນ: ບໍລິສັດຈະສົ່ງຄະນະວິຊາການດ້ານໃບຊາ ມາສົມທົບກັບ 4 ເມືອງ ເພື່ອລົງເກັບກຳຂໍ້ມູນລາຍລະອຽດ ວ່າແຕ່ລະເມືອງມີເທົ່າໃດ, ຕົ້ນຊາທີ່ຢູ່ໃນເຂດປ່າຄຸ້ມຄອງຂອງລັດ ແລະ ຂອງປະຊາຊົນມີເທົ່າໃດ; ກຳນົດຮູບແບບການລົງທຶນ, ຄວາມຮັບຜິດຊອບ ແລະ ການແບ່ງປັນລາຍໄດ້; ທີການດຳເນີນງານ; ການປະສານງານ ແລະ ກຳນົດຄວາມຮັບຜິດຊອບຂອງແຕ່ລະຝ່າຍ; ກຳນົດເຂດໂຄງການ; ການອຳນວຍຄວາມສະດວກໃນການນຳເຂົ້າ ແລະ ສົ່ງອອກ; ພາສີ, ອາກອນ ແລະ ພັນທະດ້ານການເງິນຂອງບໍລິສັດ; ການກຳນົດລາຄາ; ການປົກປັກຮັກສາ ແລະ ຄຸ້ມຄອງສິ່ງແວດລ້ອມ; ໄລຍະເວລາ ແລະ ມູນຄ່າການລົງທຶນ ແລະ ຂໍ້ກຳນົດອື່ນໆ, ຈາກນັ້ນຕາງໜ້າໃຫ້ທັງສອງຝ່າຍກໍ່ໄດ້ເຊັນບົດບັນທຶກຊ່ວຍຈໍາ ລະຫວ່າງ 4 ເມືອງ ກັບບໍລິສັດ ໂດຍຊ້ອງໜ້າ ທ່ານ ສົມສະຫວາດ ເລັ່ງສະຫວັດ ທີ່ປຶກສາກົມການເມືອງສູນກາງພັກ, ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ແລະ ບັນດາແຂກທີ່ເຂົ້າຮ່ວມ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ