ຈໍານວນຜູ້ເຂົ້າຊົມເວັບໄຊ

117740
ມື້ນີ້ມື້ນີ້280
ມື້ວານນີ້ມື້ວານນີ້352
ອາທິດນີ້ອາທິດນີ້1892
ເດືອນນີ້ເດືອນນີ້6877
ລວມທັງໝົດລວມທັງໝົດ117740

ມີ 39  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

 ໃນຕອນເຊົ້າຂອງວັນທີ 28 ເມສາ ປີນີ້, ທີ່ຫ້ອງປະຊຸມ ເມືອງ ປາກລາຍ ແຂວງ ໄຊຍະບູລີ ໄດ້ຈັດພິທີ ຜັນຂະຫຍາຍສ້າງຕົວແບບກໍ່ສ້າງຮາກຖາກການເມືອງ, ພັດທະນາຊົນນະບົດ ແລະ ລືບລ້າງຄວາມທຸກຍາກ ທີ່ຕິດພັນກັບວຽກງານ 3 ສ້າງ, ເຂົ້າຮ່ວມເປັນກຽດມີ ທ່ານ ປອ ລຽນທີແກ້ວ ກໍາມະການສູນກາງພັກ, ລັດຖະມົນຕີ ກະຊວງກະສິກໍາ ແລະ ປ່າໄມ້, ມີ ທ່ານ ພົງສະຫວັນ ສິທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີບັນດາຫົວໜ້າກົມ, ຫົວໜ້າພະແນກການອ້ອມຂ້າງແຂວງ, ມີເຈົ້າເມືອງ 11 ເມືອງ, ຕະຫຼອດເຖິງລັດວິສາຫະກິດ ແລະ ທະນາຄານເຂົ້າຮ່ວມ 100 ກວ່າຄົນ.

ໃນວາລະດໍາເນີນກອງປະຊຸມ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີໄດ້ລາຍງານໂດຍສັງເຂບວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລືບລ້າງຄວາມທຸກຍາກ ຕິດພັນກັບວຽກງານ 3 ສ້າງຢູ່ ແຂວງ ໄຊຍະບູລີ, ທ່ານໄດ້ໃຫ້ຮູ້ວ່າ: ໂດຍສືບຕໍ່ມູນເຊື້ອ ການຫັນລົງກໍ່ສ້າງຮາກຖານການເມືອງ

ພັດທະນາຊົນນະບົດຮອບດ້ານ ຢ່າງເປັນລະບົບຕໍ່ເນື່ອງ, ຄະນະບໍລິຫານງານພັກແຂວງ ແຕ່ລະສະໄໝກໍໄດ້ຖືວຽກງານດັ່ງກ່າວ ເປັນວຽກຍຸດທະສາດສໍາຄັນ ແລະ ເປັນແບບແຜນນໍາພາ, ແບບແຜນວິທີເຮັດວຽກຂອງຄະນະພັກແຕ່ລະຂັ້ນ, ໄດ້ກໍານົດ 2/3 ຂອງແຕ່ລະເດືອນ ແມ່ນເຮັດຢູ່ຮາກຖານ ແນ່ໃສ່ກໍ່ສ້າງ, ປັບປຸງລະບົບການເມືອງຢູ່ຮາກຖານ, ສໍານັກງານອົງການບ້ານ ໂດຍສຸມໃສ່ປະຕິບັດ 4 ເນື້ອໃນ 4 ຄາດໝາຍໃຫ້ມີຄວາມໜັກແໜ້ນເຂັ້ມແຂງ ເປັນກ້າວໆມາ, ເພື່ອບັນລຸຄາດໝາຍ ມະຕິ X ຂອງພັກ, ມະຕິ VI ຂອງຄະນະບໍລິຫານງານພັກແຂວງວາງອອກ, ຜ່ານມາແຂວງແມ່ນໄດ້ກໍານົດຄາດໝາຍສູ້ຊົນແຕ່ລະດ້ານ ຮອດປີ 2020 ຄື: ສູ້ຊົນລືບລ້າງຄວາມທຸກຍາກຂອງປະຊາຊົນໃຫ້ເຫຼືອບໍ່ເກີນ 1,5% ຂອງຄອບຄົວທັງໝົດ, ບ້ານທຸກຍາກບໍ່ເກີນ 1% ຂອງຈໍານວນບ້ານທັງໝົດ, ບໍ່ໃຫ້ມີເມືອງທຸກຍາກ, ສ້າງຄອບຄົວພັດທະນາໃຫ້ໄດ້ 90%, ບ້ານພັດທະນາໃຫ້ໄດ້ຫຼາຍກວ່າ 80%, ສ້າງບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດໃຫ້ບັນລຸ 18 ແຫ່ງ, ເພື່ອຮັບປະກັນບັນລຸຄາດໝາຍດັ່ງກ່າວໂດຍຕ້ອງສ້າງຫົວໜ້າ 15 ຕໍາແໜ່ງງານຂອງບ້ານ ແລະ ຫົວໜ້າໜ່ວຍຄຸ້ມຄອງພົນລະເມືອງ ໃຫ້ກາຍເປັນສະມາຊິກພັກຫຼາຍກວ່າ 60% ຂຶ້ນໄປ. ເພື່ອນໍາພາບໍລິຫານວຽກງານຢູ່ຮາກຖານບ້ານ ໃຫ້ມີຄວາມເຂັ້ມແຂງ ສ້າງເງື່ອນໄຂແກ່ການຍຸບກຸ່ມບ້ານ 34 ກຸ່ມບ້ານ, ຈຸດສຸມແກ້ໄຂຄວາມທຸກຍາກ 14 ບ້ານທີ່ຍັງທຸກຍາກ, ຈຸດສຸມຈັດສັນພູມລໍາເນົາຄົງທີ່ 13 ຈຸດ, 13 ບ້ານ, ໃນນັ້ນໄດ້ເພີ່ມບ້ານນໍ້າພຽງ ຊຶ່ງເປັນບ້ານຈຸດສຸມຂອງລັດຖະບານ, ຈຸດສຸມປ້ອງກັນຊາດ-ປ້ອງກັນຄວາມສະຫງົບ 7 ຈຸດ, ເມືອງເຂັ້ມແຂງຮອບດ້ານ ປີ 2017 ມີ 3 ເມືອງ, ຮອດປີ 2020 ໃຫ້ໄດ້ 7 ເມືອງ, ເພື່ອບັນລຸຄາດໝາຍທີ່ວາງໄວ້ ຄະນະພັກແມ່ນໄດ້ເອົາໃຈໃສ່ປະຕິບັດບາງວຽກງານຕົ້ນຕໍເຊັ່ນ: ໄດ້ແບ່ງຄວາມຮັບຜິດຊອບໃຫ້ຄະນະປະຈໍາພັກແຂວງ ຊີ້ນໍາແຕ່ລະຂົງເຂດ ແລະ ຊີ້ນໍາຊ່ວຍເມືອງ, ແຕ່ລະເມືອງກໍໄດ້ເລືອກເຝັ້ນພະນັກງານ ຫຼັກແຫຼ່ງຂອງຕົນ ໂດຍແມ່ນສະຫາຍຄະນະປະຈໍາ, ກໍາມະການພັກເມືອງເປັນຫົວໜ້າປະຈໍາຢູ່ຈຸດສຸມ, ກຸ່ມບ້ານ ແລະ ບ້ານພັດທະນາ ເພື່ອນໍາພາ ແລະ ຊ່ວຍບ້ານໃນການຈັດຕັ້ງປະຕິບັດ, ສໍາຫຼັບບ້ານຈຸດສຸມປ້ອງກັນຊາດ-ປ້ອງກັນຄວາມສະຫງົບ ບ້ານຊາຍແດນໄທທີ່ມີຄວາມຫຼໍ່ແຫຼມໄດ້ມອບໃຫ້ກໍາລັງປະກອບອາວຸດ ກອງພົນທີ II, ກອງພັນໃຫຍ່ 301, ກອງພັນ 418, ກອງກໍ່ສ້າງຮາກຖານຂອງກອງພົນທີ III; ທະຫານແຂວງ, ຕໍາຫລວດແຂວງ ລົງປະຈໍາ ເພື່ອຊ່ວຍສ້າງຄວາມເຂັ້ມແຂງໃຫ້ແກ່ອໍານາດການປົກຄອງ ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ທັງນໍາພາປະຊາຊົນ ຜະລິດແກ້ໄຂຊີວິດການເປັນຢູ່ ແລະ ແກ້ໄຂຄວາມທຸກຍາກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933

ແຜນທີ ແຂວງໄຊຍະບູລີ