ຈໍານວນຜູ້ເຂົ້າຊົມເວັບໄຊ

87010
ມື້ນີ້ມື້ນີ້162
ມື້ວານນີ້ມື້ວານນີ້168
ອາທິດນີ້ອາທິດນີ້806
ເດືອນນີ້ເດືອນນີ້3970
ລວມທັງໝົດລວມທັງໝົດ87010

ມີ 34  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 4 ພຶດສະພາ 2018 ນີ້, ຢູ່ທີ່ສະໂມສອນຫ້ອງວ່າການແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມວຽກງານອະໄພຍະໂທດ ປະຈໍາປີ 2018 ໃຫ້ກຽດເປັນປະທານຂອງທ່ານ ຍັນຍົງ ສີປະເສິດ ຮອງເຈົ້າແຂວງ ປະທານອະໄພຍະໂທດແຂວງໄຊຍະບູລີ, ມີຄະນະກໍາມະການອະໄພຍະໂທດ, ພະແນກການທີ່ກ່ຽວຂ້ອງ, ພ້ອມດ້ວຍພະນັກງານໄອຍະການເຂົ້າຮ່ວມ.

ທ່ານ ພຸດທະວົງ ພັນທະລາດ ຮອງຫົວໜ້າອົງການໄອຍະການປະຊາຊົນແຂວງ ຫົວໜ້າກອງເລຂາຊ່ວຍວຽກຂອງຄະນະກໍາມະການອະໄພຍະໂທດແຂວງ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງຄະນະກໍາມະການອະໄພຍະໂທດ ແຂວງໄຊຍະບູລີ ເລກທີ 380/ຈຂ.ຊຍ ລົງວັນທີ 27 ເມສາ 2018 ແລະ ຂໍ້ຕົກລົງປະທານຄະນະກໍາມະການອະໄພຍະໂທດແຂວງໄຊຍະບູລີ

ວ່າດ້ວຍການແຕ່ງຕັ້ງກອງເລຂາ ຊ່ວຍວຽກຂອງຄະນະກໍາມະການອະໄພຍະໂທດ ແຂວງໄຊຍະບູລີ ເລກທີ 392/ຈຂ.ຊຍ ລົງວັນທີ 4 ພຶດສະພາ 2018. ເພື່ອຄົ້ນຄວ້າ, ກວດກາຂື້ນບັນຊີນັກໂທດຜູ້ທີ່ໄດ້ມາດຖານເງື່ອນໄຂໃຫ້ຖືກຕ້ອງ ຕາມລັດຖະບັນຍັດຂອງປະທານປະເທດ ສະບັບເລກທີ 001/ປປທ ນະຄອນຫຼວງວຽງຈັນ ລົງວັນທີ 20 ມີນາ 2018 ວ່າດ້ວຍການໃຫ້ອະໄພຍະໂທດ, ພົວພັນ ແລະ ປະສານສົມທົບກັບພະແນກການກ່ຽວຂ້ອງເພື່ອເກັບກໍາຂໍ້ມູນປະກອບເອກະສານຢັ້ງຢືນຄວາມຖືກຕ້ອງ, ຄົວຖ້ວນ, ຊັດເຈນ ແລະ ຍຸຕິທໍາ. ຈາກນັ້ນຜູ້ເຂົ້າຮ່ວມກໍ່ໄດ້ເຊື່ອມຊືມລັດຖະບັນຍັດສະບັບເລກທີ 001/ ປປທ ລົງວັນທີ 20 ເມສາ 2018 ວ່າດ້ວຍການໃຫ້ອະໄພຍະໂທດ ແລະ ນິຕິກໍາກ່ຽວກັບການອະໄພຍະໂທດຈໍານວນໜື່ງ. ຈຸດປະສົງເພື່ອກໍານົດຫຼັກການ, ລະບຽບການ ແລະ ມາດຕະການ ກ່ຽວກັບການຈັດຕັ້ງ ແລະ ການເຄື່ອນໄຫວວຽກງານໃຫ້ອະໄພຍະໂທດມີປະສິດທິພາບ, ຮັບປະກັບນະໂຍບາຍມະນຸດສະທໍາ, ເພື່ອສຶກສາອົບຮົມນັກໂທດ ໃຫ້ເຫັນໄດ້ແນວທາງນະໂຍບາຍອັນຖືກຕ້ອງເປັນທໍາຂອງລັດ ແຫ່ງ ສປປ ລາວ ກໍ່ສ້າງຕົນເອງໃຫ້ກາຍເປັນພົນລະເມືອງດີຂອງຊາດ ແນໃສ່ເຮັດໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃຫ້ມີການປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ.

ສາຄອນ ໄຊສົມຮັກສາ 56662037  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ