ຈໍານວນຜູ້ເຂົ້າຊົມເວັບໄຊ

117739
ມື້ນີ້ມື້ນີ້279
ມື້ວານນີ້ມື້ວານນີ້352
ອາທິດນີ້ອາທິດນີ້1891
ເດືອນນີ້ເດືອນນີ້6876
ລວມທັງໝົດລວມທັງໝົດ117739

ມີ 32  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍວັນທີ 9 ພຶດສະພາ 2018 ນີ້, ແຂວງໄຊຍະບູລີ ໄດ້ຈັດກອງປະຊຸມປຶກສາຫາລືກ່ຽວກັບການບໍລິຫານພັດທະນາຟື້ນຟູພື້ນທີ່ພິເສດ ເພື່ອການທ່ອງທ່ຽວແບບຢື່ນຍົງ ລະຫວ່າງແຂວງໄຊຍະບູລີ ສປປປ ລາວ ກັບ ແຂວງເລີຍ ຣາຊະອານາຈັກໄທ ຢູ່ທີ່ສະໂມສອນຫ້ອງວ່າການແຂວງ, ໂດຍການເປັນປະທານຂອງທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງໄຊຍະບູລີ ຜູ້ຊີ້ນໍາວຽກງານວັດທະນະທໍາ - ສັງຄົມ, ມີທ່ານ ທໍາມະນູນ ພາດຖູບ ຜູ້ຈັດການສໍານັກງານພື້ນທີ່ພິເສດ 5 , ມີຮອງເຈົ້າເມືອງໄຊຍະບູລີ, ຜູ້ຈັດການສໍານັກງານທ່ອງທ່ຽວ ແລະ ກິລາ 5 ແຂວງພາກໃຕ້ຂອງຣາຊະອານາຈັກໄທ, ຫົວໜ້າ, ຮອງຫົວໜ້າພະແນກການທີ່ກ່ຽວຂ້ອງ ແລະ ພະນັກງານຂະແໜງທ່ອງທ່ຽວເຂົ້າຮ່ວມ.

 

ກອງປະຊຸມປຶກສາຫາລືກ່ຽວກັບການບໍລິຫານພັດທະນາຟື້ນຟູພື້ນທີ່ພິເສດ ເພື່ອການທ່ອງທ່ຽວແບບຢືນຍົງ ໃນພິທີ ທ່ານນາງ ບຸນພັກ ອິນທະປັນຍາ ໄດ້ລາຍງານສະພາບໂດຍຫຍໍ້ຕໍ່ຄະນະທີມງານໄດ້ຮັບຊາບ ທ່ານໄດ້ກ່າວວ່າ: ໃນປີ 2017 ມີນັກທ່ອງທ່ຽວເຂົ້າ ແລະ ຜ່ານແຂວງໄຊຍະບູລີ ທັງໝົດ 109.000 ກວ່າຄົນ, ສາມາດສ້າງລາຍຮັບຈາກການທ່ອງທ່ຽວໄດ້ 6 ລ້ານກວ່າໂດລາສະຫະລັດ, ທຽບໃສ່ປີຜ່ານມາເພີ່ມຂື້ນ 11,5%. ປັດຈຸບັນທົ່ວແຂວງ ມີແຫ່ງທ່ອງທ່ຽວໄດ້ຮັບການສໍາຫຼວດເບື້ອງຕົ້ນ ແລະ ຂື້ນບັນຊີແລ້ວ 47 ແຫ່ງ; ແຫຼ່ງທ່ອງທ່ຽວທໍາມະຊາດ 29 ແຫ່ງ, ວັດທະນະທໍາ 12 ແຫ່ງ ແລະ ປະຫວັດສາດ 6 ແຫຼ່ງ. ສໍາເລັດການສໍາຫຼວດຈັດສັນ ແລະ ກໍານົດເຂດທ່ອງທ່ຽວ 2 ແຫຼ່ງ, ພັດທະນາພື້ນຖານໂຄງລ່າງ ແລະ ສີ່ງອໍານວຍຄວາມສະດວກດ້ານການທ່ອງທ່ຽວຄື: ອ່າງນໍ້າຕຽນ ແລະ ເຂດພັນຖໍ້ານໍ້າທັງ, ກໍ່ສ້າງຫ້ອງຂໍ້ມູນຂ່າວສານການທ່ອງທ່ຽວຢູ່ດ່ານກົນນໍ້າເຫືອງ ເມືອງແກ່ນທ້າວ ແລະ ດ່ານສາກົນນໍ້າເງິນ ເມືອງເງິນ, ກໍ່ສ້າງຫ້ອງນໍ້າສາທາລະນະ 3 ແຫ່ງ, ປັບປຸງສະຖານທີ່ຈອດລົດ 1 ແຫ່ງ. ມີຜະລິດຕະພັນການທ່ອງທ່ຽວແບບປະຊາຊົນມີສ່ວນຮ່ວມ 3 ວົງຈອນ ວົງຈອນການທ່ອງທ່ຽວເຂດພັນຖໍ້ານໍ້າທັ່ງ, ວົງຈອນການທ່ອງທ່ຽວຕາມແມ່ນໍ້າຂອງ ຕິດພັນກັບເຂື່ອນໄຟຟ້ານໍ້າຂອງໄຊຍະບູລີ ແລະ ວົງຈອນການທ່ອງທ່ຽວຊົມທິວທັດທໍາມະຊາດ ແລະ ວິທີຊີວິດຂອງຊົນເຜົ່າໄປຼ ຢູ່ເມືອງໄຊສະຖານ, ສົ່ງເສີມເຄື່ອຄ່າຍສະໜອງຜະລິດຕະພັນການທ່ອງທ່ຽວ ໂດຍສະເພາະບ້ານທີ່ຜະລິດຫັດຖະກໍາ 4 ບ້ານຄື: ບ້ານວຽງແກ້ວ ເມືອງຫົງສາ, ບ້ານຫ້ວຍດົກ ເມືອງໄຊຍະບູລີ, ບ້ານວຽງຄໍາ ແລະ ບ້ານສົມສະຫວັນ ເມືອງພຽງ. ເປີດເປັນບ້ານພັກແຮມນໍາປະຊາຊົນ ( ໂຮມສະເຕ ) 4 ບ້ານຄື: ບ້ານແກ້ວ, ບ້ານປາກຮຸ່ງ ເມືອງໄຊຍະບູລີ; ບ້ານແສງຈະເລີນ, ບ້ານສົມສະຫວັນ ເມືອງພຽງ. ນອກຈາກນັ້ນ, ຍັງໄດ້ຍົກລະດັບ ແລະ ສົ່ງເສີມການຈັດງານບຸນປະເພນີຂອງທ້ອງຖິ່ນ ເພື່ອຮັບໃຊ້ວຽກງານທ່ອງທ່ຽວ ໂດຍສະເພາະການສະເຫຼີມສະຫຼອງປີທ່ອງທ່ຽວລາວປີ 2018 ເຊັ່ນ: ງານມະຫາກໍາບຸນຊ້າງ, ບຸນຊ່ວງເຮືອ ເມືອງໄຊຍະບູລີ, ເທດສະການກອງເຂົ້າໃຫຍ່ ເມືອງພຽງ, ເທດສະການຜີໂຂນ ເມືອງປາກລາຍ, ເທດສະການເຂົ້າຈີ່ໃຫຍ່ ເມືອງບໍ່ແຕນ ແລະ ງານບຸນປະເພນີອື່ນໆ. ບັນດາເມືອງກໍ່ໄດ້ປັບປຸງພັດທະນາ ແລະ ເປີດບໍລິການແຫຼ່ງທ່ອງທ່ຽວ ພາຍໃນເມືອງຂອງຕົນໄດ້ 24 ແຫ່ງ, ເພື່ອຮອງຮັບໃຫ້ແກ່ການທ່ອງທ່ຽວປີ 2018 ເປັນຢ່າງດີ. ນອກຈາກນີ້, ທ່ານຮອງເຈົ້າແຂວງຍັງຮຽກຮ້ອງໃຫ້ທ່ານ ທໍາມະນູນ ພາດຖູບ ພ້ອມດ້ວຍຄະນະ ຈົ່ງຊ່ວຍດຶງດູດບໍລິສັດມາລົງທຶນ, ຍົກລະດັບດ້ານວິຊາສະເພາະໃຫ້ພະນັກງານທີ່ເຮັດວຽກດ້ານການທ່ອງທ່ຽວ, ໂຄສະນາການທ່ອງທ່ຽວຂອງແຂວງ ໃຫ້ເປັນທີ່ຮູ້ຈັກຂອງນັກທຸລະກິດ ມາທ່ອງທ່ຽວແຂວງໄຊຍະບູລີ ຫຼາຍຂື້ນ.

ສາຄອນ ໄຊສົມຮັກສາ 56662037  

ແຜນທີ ແຂວງໄຊຍະບູລີ