ຈໍານວນຜູ້ເຂົ້າຊົມເວັບໄຊ

97939
ມື້ນີ້ມື້ນີ້61
ມື້ວານນີ້ມື້ວານນີ້261
ອາທິດນີ້ອາທິດນີ້1892
ເດືອນນີ້ເດືອນນີ້3627
ລວມທັງໝົດລວມທັງໝົດ97939

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທີເຊັນສັນຍາຮັບເໝົາກໍ່ສ້າງ ໂຄງການກໍ່ສ້າງອ່າງເກັບນໍ້າ ຫ້ວຍຄວາ ເມືອງ ໄຊຊະຖານ ແຂວງ ໄຊຍະບູລີ ໄດ້ຈັດຂຶ້ນ ໃນຕອນບ່າຍຂອງວັນທີ 10 ພືດສະພາ 2018 ນີ້ທີ່ຫ້ອງປະຊຸມ ຣີສອດສາມເອື້ອຍນ້ອງ, ເຂົ້າຮ່ວມເປັນກຽດມີ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ, ມີຫົວໜ້າ, ຮອງຫົວໜ້າພະແນກການທີ່ກ່ຽວຂ້ອງ, ມີພະນັກງານວິຊາການຈາພະແນກກະສິກຳ ແລະ ປ່າໄມ້ ແຂວງ ແລະ ບໍລິສັດພົມເທວາກໍ່ສ້າງເຂົ້າຮ່ວມ 30 ກວ່າຄົນ.

ເພື່ອປະຕິບັດຕາມຂໍ້ຕົກລົງຂອງທ່ານເຈົ້າແຂວງ ໄຊຍະບູລີ ສະບັບເລກທີ 378/ຈຂ.ຊຍ, ລົງວັນທີ 26 ເມສາ 2018 ວ່າດ້ວຍການຮັບຮອງເອົາບໍລິສັດຊະນະການປະມູນ ແລະ ມູນຄ່າລວມຂອງໂຄງການກໍ່ສ້າງອ່າງເກັບນໍ້າຫ້ວຍຄວາ ເມືອງໄຊຊະຖານ ແຂວງ ໄຊຍະບູລີ, ໂຄງການກໍ່ສ້າງອ່າງເກັບນໍ້າຫ້ວຍຄວາ ຕັ້ງຢູ່ບ້ານດວຍກາວ ເມືອງ ໄຊຊະຖານ,

ເປັນໂຄງການປະເພດ V, ຂັ້ນແຂວງຄຸ້ມຄອງ,ເປັນໂຄງການລົງທືນຂອງລັດທີ່ໄດ້ຮັບອານຸມັດງົບປະມານໃນປີ 2018 ບ້ວງພັດທະນາ ເມືອງ ໄຊຊະຖານ, ໃນມູນຄ່າ 13,486 ຕື້ກີບ ເພື່ອຈັດຕັ້ງປະຕິບັດ 4 ໜ້າວຽກຕົ້ນຕໍເຊັ່ນ: ກໍ່ສ້າງເຂື່ອນດິນໃສ່ແກນເບຕົງເສີມເຫຼັກ ສູງ 17 ແມັດ, ຍາວ 64,76 ແມັດ,, ສັນເຂື່ອນກວ້າງ 8 ແມັດ, ເກັບນໍ້າໄວ້ໃຊ້ໄດ້ 32. 496 ແມັດ

ກ້ອນ, ກໍ່ສ້າງທາງລະບາຍນໍ້ານອງ ກວ້າງ 3 ແມັດ, ຍາວ 76 ແມັດ, ກໍ່ສ້າທໍ່ເອົານໍ້າຂະໜາດ 15 ຊັງຕີແມັດ, ຍາວ 1,118 ແມັດ, ແລະ ອ່າງພັກນໍ້າ ຂະໜາດ 150 ແມັດກ້ອນ, ກໍ່ສ້າງເສັ້ນທາງໄປຕາມສັນເຂື່ອນ ຍາວ 220 ແມັດ, ໂດຍແມ່ນບໍລິສັດພົມເທວາກໍ່ສ້າງຈຳກັດຜູ້ດຽວເປັນຜູ້ຮັບເໝົາກໍ່ສ້າງ, ໃນມູນຄ່າ 13,486 ຕື້ກີບ, ໂຄງການດັ່ງກ່າວພາຍຫຼັງທີ່ກໍ່ສ້າງສຳເລັດຈະມີປະຊາຊົນ 1 ບ້ານຄື ບ້ານ ດວຍກາວ ທີ່ຈະໄດ້ຮັບຜົນປະໂຫຍດຈາກການຊົມໃຊ້ນໍ້າ ຈຳນວນ 230 ຄອບຄົວ, ພົນລະເມືອງ 1.000 ຄົນ, ຍິງ 457 ຄົນ, ເຊິ່ງຈະເຮັດໃຫ້ປະຊາຊົນມີນໍ້າກິນ-ນໍ້າໃຊ້ ແລະ ທຳການຜະລິດກະສິກໍາຈຳນວນໜຶ່ງ, ເພື່ອແກ້ໄຂໄດ້ຄວາມທຸກຍາກຂອງປະຊາຊົນ, ຈາກນັ້ນທັງສອງຝ່າຍກໍ່ໄດ້ເຊັນສັນຍາ, ຝ່າຍເຈົ້າຂອງໂຄງການໂດຍ ແມ່ນ ທ່ານ ຄຳຫຼ້າ ຜີວວັນນາ ຫົວໜ້າພະແນກ ກະສິກຳ ແລະ ປ່າໄມ້ແຂວງ ແລະ ຝ່າຍບໍລິສັດໂດຍ ແມ່ນ ທ່ານເລດີນາ ທຳມະເທວາ ຫົວໜ້າບໍລິສັດພົມເທວາກໍ່ສ້າງຈຳກັດຜູ້ດຽວ, ໂດຍຊ້ອງໜ້າ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ແລະ ບັນດາແຂກທີ່ເຂົ້າຮ່ວມ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ