ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 40  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

 ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ສົມບັດ ສຸດທິວົງ ຫົວໜ້າທີມງານຂອງທະນາຄານໂລກ ພ້ອມດ້ວຍຄະນະ, ໃນຕອນບ່າຍຂອງວັນທີ 15 ພືດສະພາ 2018 ທີ່ຫ້ອງຮັບແຂກຫ້ອງວ່າການແຂວງໄຊຍະບູລີ. ກ່ອນອື່ນ ທ່ານ ສົມບັດ ສຸດທິວົງ ຫົວໜ້າທີມງານຂອງທະນາຄານໂລກ ໄດ້ສະແດງຄວາມຂອບໃຈຕໍ່ການນຳຂອງແຂວງ ໄຊຍະບູລີ ທີ່ໃຫ້ການຕ້ອນຮັບທີມງານຢ່າງອົບອຸ່ນ, ພ້ອມດຽວກັນກໍ່ໄດ້ລາຍງານຈຸດປະສົງຂອງທີມງານທີ່ໄດ້ລົງມາເຮັດວຽກຢູ່ແຂວງ ໄຊຍະບູລີຄັ້ງນີ້, ເປັນຕົ້ນແມ່ນ: ລົງເກັບກໍາຂໍ້ມູນຂອງເສັ້ນທາງ, ວິເຄາະ ແລະ ຈັດເປັນບຸລິມະສິດ, ເພື່ອຈະໄດ້ຈັດຕັ້ງປະຕິບັດຕົວຈິງ ໃນໂຄງການຂົວທາງລາວໄລຍະ 2, ໂຄງການດັ່ງກ່າວເຊິ່ງໄດ້ຮັບທືນຈາກທະນາຄານໂລກ ມູນຄ່າ 70 ລ້ານກວ່າໂດລາສະຫະລັດ, ຈັດຕັ້ງຢູ່ໃນ 6 ແຂວງຄື: ແຂວງ ຜົ້ງສາລີ, ແຂວງ ອຸດົມໄຊ, ແຂວງ ຫົວພັນ, ແຂວງ ໄຊຍະບູລີ, ແຂວງ ຊຽງຂວາງ ແລະ ແຂວງ ບໍລິຄໍາໄຊ, ຜ່ານການເກັບກໍາຂໍ້ມູນຕົວຈິງຢູ່ ແຂວງ ໄຊຍະບູລີ ແມ່ນຈະໄດ້ສ້າງ ແລະ ສ້ອມແປງເສັ້ນທາງຫຼັກຈໍານວນ 8 ເສັ້ນ, ນອກຈາກສ້າງ ແລະ ສ້ອມແປງທາງແລ້ວ, ໂຄງການດັ່ງກ່າວຍັງມີທືນອີກຈໍານວນໜຶ່ງເພື່ອຊ່ວຍສ້າງຄວາມເຂັ້ມແຂງໃຫ້ພະນັກງານທີ່ກ່ຽວຂ້ອງເພື່ອປົກປັກຮັກສາເສັ້ນທາງ ແລະ ຈະເລີ່ມຈັດຕັ້ງປະຕິບັດໂຄງການແຕ່ປີ 2018-2022, ຈາກນັ້ນ ທ່ານ ເຈົ້າແຂວງ ກໍ່ໄດ້ສະແດງຄວາມຂອບໃຈຕໍ່ທີມງານກໍ່ຄືທະນາຄານໂລກທີ່ໄດ້ໃຫ້ທືນຊ່ວຍສ້າງ ແລະ ສ້ອມແປງເສັ້ນທາງຢູ່ແຂວງ ໄຊຍະບູລີ ແລະ ໄດ້ປຶກສາຫາລືກັນກ່ຽວກັບການຈັດຕັ້ງປະຕິບັດໂຄງການເຊັ່ນ: ບັນຫາສິ່ງແວດລ້ອມ, ຄວາມປອດໄພຂອງຄົນງານ ແລະ ຜົນກະທົບຂອງປະຊາຊົນຈາກການກໍ່ສ້າງ ແລະ ສ້ອມແປງເສັ້ນທາງດັ່ງກ່າວ.

ແຫຼ່ງຂ່າວ:ຫ້ອງວ່າການປົກຄອງແຂວງ

ໂດຍ:ອຸ່ນເຮືອນ ໂພທິລັກ

ໂທ:22126933

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ