ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 7  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອຈັດຕັ້ງປະຕິບັດຄາດໝາຍແຜນການ ປະຈໍາປີ 2018 ທີ່ໄດ້ວາງໄວ້ ໃຫ້ບັນລຸຕາມຄາດໝາຍ, ແຂວງ ໄຊຍະບູລີ ຈະໄດ້ສືບຕໍ່ອອກແຮງຊຸກຍູ້ສົ່ງເສີມຊາວກະສິກອນ, ຫົວໜ່ວຍທຸລະກິດ, ຜູ້ປະກອບການ ແລະ ພາກສ່ວນທີ່ກ່ຽວຂ້ອງ ໃຫ້ມີສ່ວນຮ່ວມໃນການຈັດຕັ້ງປະຕິບັດແຜນການຜະລິດລະດູຝົນ ໂດຍສະເພາະແມ່ນ ໃນການຜະລິດ ເພື່ອຮັບປະກັນຄວາມໝັ້ນຄົງທາງດ້ານສະບຽງອາຫານ ແລະ ການຜະລິດເປັນສິນຄ້າ ທີ່ມີທ່າແຮງຂອງແຕ່ລະທ້ອງຖິ່ນ ໃຫ້ໄດ້ຕາມຄາດໝາຍເຊັ່ນ: ສູ້ຊົນຜະລິດເຂົ້າໃຫ້ໄດ້: 186.555 ໂຕນ, ໃນເນື້ອທີ່ 44.876 ເຮັກຕາ, ໃນນີ້: ແຜນປູກເຂົ້ານາປີ 34,126 ເຮັກຕາ ແລະ ແຜນປູກເຂົ້າໄຮ່ໃນລະດັບ 10.750 ເຮັກຕາ, ສູ້ຊົນປູກພືດຜັກ, ໝາກໄມ້ ແລະ ພືດທາດແປ້ງຕ່າງໆໃຫ້ໄດ້ 97.000 ໂຕນ, ສູ້ຊົນເຮັດໃຫ້ຜົນຜະລິດພືດເປັນສິນຄ້າ ປ້ອນໂຮງງານປຸງແຕ່ງອຸດສາຫະກໍາ ແລະ ສົ່ງອອກ ໃຫ້ໄດ້: 1.100.000 ໂຕນ, ໃນເນື້ອທີ່ 94.130 ກວ່າເຮັກຕາ, ໃນນັ້ນ: ປູກສາລີແຂງ ໃຫ້ບັນລຸເນື້ອທີ 40.000 ເຮັກຕາ, ຜົນຜະລິດໃຫ້ໄດ້ 211.000ໂຕນ, ໝາກເດືອຍບັນລຸເນື້ອທີ 27.815 ເຮັກຕາ, ຜົນຜະລິດໃຫ້ໄດ້ 87.267 ໂຕນ ແລະ ມັນຕົ້ນບັນລຸເນື້ອທີ 26.315 ເຮັກຕາ, ຜົນຜະລິດໃຫ້ໄດ້ 871.625 ໂຕນ ແລະ ພືດອື່ນໆ.

 

ທ່ານ ຄໍາຫຼ້າ ຜີວວັນນາ ຫົວໜ້າພະແນກ ກະສິກໍາ ແລະ ປ່າໄມ້ ແຂວງ ໄຊຍະບູລີ ໄດ້ໃຫ້ຮູ້ວ່າ: ເພື່ອເຮັດໃຫ້ບັນດາຄາດໝາຍດັ່ງກ່າວບັນລຸໄດ້ຕາມແຜນການ ພວກເຮົາຈະຕ້ອງໄດ້ສຸມໃສ່ໜ້າວຽກຕົ້ນຕໍດັ່ງນີ້: ອອກແຈ້ງການໃຫ້ຫ້ອງການກະສິກໍາ ແລະ ປ່າໄມ້ເມືອງ 11 ເມືອງໃນທົ່ວແຂວງ ເພື່ອຜັນຂະຫຍາຍທິດທາງແຜນການດັ່ງກ່າວລົງສູ່ບ້ານ ແລະ ກຸ່ມຜະລິດ ພ້ອມທັງກໍານົດເຂດການຜະລິດໃຫ້ລະອຽດຈະແຈ້ງ, ອອກຂໍ້ຕົກລົງ ແບ່ງຄວາມຮັບຜິດຊອບໃຫ້ຄະນະພະແນກ ພ້ອມກັບທີມງານວິຊາການໃນການລົງຕິດຕາມ ແລະ ຊຸກຍູ້ການຜະລິດຢູ່ແຕ່ລະເຂດ ໂດຍໄດ້ ແບ່ງເປັນ 3 ເຂດເຊັ່ນ: ເຂດ 4 ເມືອງໃຕ້, 4 ເມືອງເໜືອ ແລະ 3 ເມືອງກາງ ເພື່ອລົງກະຕຸກຊຸກຍູ້ ຊາວກະສິກອນ ວາງແຜນການຜະລິດ ໃຫ້ທ່ວງທັນກັບລະດູການ ຕິດພັນກັບການນໍາໃຊ້ເຕັກນິກວິຊາການ ເຂົ້າໃສ່ການຜະລິດ, ນໍາໃຊ້ແນວພັນປັບປຸງທີ່ມີຄຸນນະພາບ ແລະ ໃຫ້ຜົນຜະລິດສູງ, ກ້ຽມພ້ອມຮັບມືກັບບັນຫາສະພາບໄພພິບັດທາງທໍາມະຊາດທີ່ອາດຈະເກີດຂຶ້ນເປັນຕົ້ນ, ໄພແລ້ງ, ໄພນໍ້າຖ້ວມ, ບັນຫາການລະບາດຂອງສັດຕູພືດ ແລະ ການລະບາດຂອງພະຍາດສັດລ້ຽງ, ກະກຽມອຸປະກອນທີ່ຮັບໃຊ້ເຂົ້າໃນການຜະລິດເຊັ່ນ: ຈັກສູບນ້ຳຂະໜາດໃຫຍ່ເຄື່ອນທີ່ 65 ແຮງມ້າຈຳນວນ 1 ເຄື່ອງ, ນອກນີ້ ຍັງມີປໍ້ານໍ້າຂະໜາດກາງ, ຂະໜາດນ້ອຍ ລວມທັງຂອງລັດ ແລະ ຂອງຊາວນາເອງ ເພື່ອແຮໄວ້ເວລາສຸກເສີນ, ພ້ອມດຽວກັນກໍ່ໄດ້ ຊຸກຍູ້ໃຫ້ຊາວກະສິກອນອານາໄມ, ຂຸດລອກຕະກອນ ຕາມຄອງເໝືອງ, ປັບປຸງ ແລະ ສ້ອມແປງບ່ອນທີ່ເປເພ, ຂຶ້ນແຜນສະເໜີງົບປະມານສ້ອມແປງລະບົບຊົນລະປະທານ ເພື່ອສະໜອງນໍ້າໃຫ້ແກ່ການຜະ ລິດລະດູຝົນປີ 2018 ເຊັ່ນ: ແຜນສ້ອມແປງເລັ່ງດ່ວນປີ 2018 ມີ 11 ໂຄງການ, ມີມູນຄ່າ 3,2 ຕື້ກວ່າກີບ, ແຜນສ້ອມແປງປົກກະຕິປີ 2018 ຕາມລະດູການ ມີ 27 ໂຄງການ, ມີມູນຄ່າ 4 ຕື້ກວ່າກີບ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ : 22126933

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ