ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 22 ພຶດສະພາ 2018 ທີ່ຫ້ອງປະຊຸມຫ້ອງວ່າການປົກຄອງເມືອງໄຊຍະບູລີ ໄດ້ຈັດພິທີປະກາດການຈັດຕັ້ງຫົວໜ້າຫ້ອງການໄປຮັບໜ້າທີ່ໃໝ່ຢູ່ຂັ້ນແຂວງ. ໂດຍພາຍໃຕ້ການເປັນປະທານຂອງທ່ານ ປະລິນຍາເອກ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງໄຊຍະບູລີ, ມີເຈົ້າເມືອງ, ຮອງເຈົ້າເມືອງ, ຄະນະປະຈໍາພັກເມືອງ, ຫົວໜ້າ, ຮອງຫົວໜ້າພະແນກການ, ຫ້ອງການ, ອົງການ, ກົມກອງ, ພະນັກງານ, ແຂກຖືກເຊີນ ແລະ ອໍານາດການປົກຄອງບ້ານເທດສະບານເຂົ້າຮ່ວມ.

ໃນພິທີທ່ານ ຄໍາພຽນ ປັນຍາວົງ ຮອງຫົວໜ້າຄະນະຈັດຕັ້ງ ແຂວງໄຊຍະບູລີ ໄດ້ຜ່ານຂໍ້ຕົກລົງຂອງທ່ານເຈົ້າແຂວງໄຊຍະບູລີ ເລກທີ 476/ຈຂ.ຊຍ ວ່າດ້ວຍການໂຍກຍ້າຍພະນັກງານໄປຮັບໜ້າທີ່ໃໝ່ຢູ່ຂະແໜງການອື່ນ ແລະ ຂໍ້ຕົກລົງຂອງທ່ານເຈົ້າແຂວງ ເລກທີ 463/ຈຂ.ຊຍ ວ່າດ້ວຍການໂຍກຍ້າຍພະນັກງານໄປຮັບໜ້າທີ່ໃໝ່ຢູ່ຂັ້ນແຂວງ.

ໂດຍອີງຕາມກົດໝາຍວ່າດ້ວຍການປົກຄອງທ້ອງຖິ່ນ(ສະບັບປັບປຸງ) ເລກທີ 68/ສພຊ ລົງວັນທີ 14 ທັນວາ 2015 ພາກທີ 3 ໝວດທີ 4 ມາດຕາ 20 ວ່າດ້ວຍສິດ ແລະ ໜ້າທີ່ຂອງເຈົ້າແຂວງ, ເຈົ້າຄອງນະຄອນ ແລະ ອີງຕາມການຄົ້ນຄ້ວາເຫັນດີເປັນເອກະພາບຂອງຄະນະປະຈໍາພັກ ແຂວງໄຊຍະບູລີ ເຊິ່ງເຈົ້າແຂວງໄຊຍະບູລີ ຕົກລົງໂຍກຍ້າຍທ່ານ ຄອນປະສິດ ສຸນາເຄນ ຄະນະປະຈໍາພັກເມືອງ ປະທານກວດກາພັກ ຫົວໜ້າອົງການກວດກາລັດ ແລະ ຕ້ານການສໍ້ລາດບັງຫຼວງ ເມືອງໄຊຍະບູລີ ໄປຮັບໜ້າທີ່ໃໝ່ ຢູ່ຄະນະກວດກາພັກແຂວງໄຊຍະບູລີ ແລະ ທ່ານ ສົມລິດ ພົມມະແກ້ວ ກໍາມະການພັກເມືອງ ຫົວໜ້າຄະນະຈັດຕັ້ງ ເມືອງໄຊຍະບູລີ ໄປຮັບໜ້າທີ່ໃໝ່ ຢູ່ຄະນະໂຄສະນາອົບຮົມ ແຂວງໄຊຍະບູລີ. ໃນໂອກາດທີ່ມີຄວາມໝາຍສໍາຄັນນີ້ ທ່ານ ປະລິນຍາເອກ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ ກໍ່ໄດ້ໃຫ້ກຽດໂອ້ລົມຕໍ່ພິທີດັ່ງກ່າວ ເຊິ່ງທ່ານໄດ້ເນັ້ນໜັກຮຽກຮ້ອງ ໃຫ້ຜູ້ທີ່ໄດ້ຮັບການແຕ່ງຕັ້ງໄປຮັບໜ້າທີ່ຕໍາແໜ່ງໃໝ່ ຈົ່ງເອົາໃຈໃສ່ເພີ່ມທະວີໃນການສຶກສາອົບຮົມການເມືອງ-ແນວຄິດ, ເຝິກຝົນຫຼໍ່ຕົນເອງ ໃຫ້ມີຄວາມໜັກແໜ້ນ, ເຂັ້ມແຂງ ຂື້ນກ່ວາເກົ່າ ແລະ ສຸມທຸກສະຕິປັນຍາ ເຂົ້າໃນໜ້າທີ່ວຽກງານວິຊາສະເພາະ ທີ່ໄດ້ຮັບການມອບໝາຍຈາກພັກ-ລັດ ໃຫ້ໄດ້ຮັບຜົນສໍາເລັດສູງ.

ຂ່າວ ບຸນຈັນ ທ່າວ 0305752303  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ