ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VI ອົງຄະນະພັກແຂວງ ໄຊຍະບູລີ ເຂົ້າສູ່ຊີວິດຕົວຈິງ, ໂດຍໄດ້ສຸມໃສ່ຄາດໝາຍຈຸດສຸມ ແລະ ມາດຕະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະ ບັນດານະໂຍບາຍ, ມາດຕະການທາງດ້ານເສດຖະກິດມະຫາພາກຂອງລັດຖະບານ ແລະ ກະຊວງສາຍຕັ້ງວາງອອກ, ຜ່ານການຈັດຕັ້ງປະຕິບັດບັນດາມາດຕະການຕາມນະໂຍບາຍທີ່ກ່າວມາຂ້າງເທິງນັ້ນ ເຫັນວ່າສະພາບເສດຖະກິດໂດຍລວມຂອງແຂວງແມ່ນມີຄວາມໝັ້ນທ່ຽງ ແລະ ສືບຕໍ່ຂະຫຍາຍຕົວ, ປີ 2016 ໄດ້ 8,2%, ປີ 2017 ໄດ້ 8,5% ລວມຍອດຜະລິດຕະພັນພາຍໃນໄດ້ 8.234 ຕື້ກີບ, ສະເລ່ຍໃສ່ຫົນຄົນໄດ້ 2.596 ໂດລາສະຫະລັດ, ໂຄງປະກອບເສດຖະກິດໄດ້ຫັນປ່ຽນຕາມທິດທີ່ຕັ້ງໜ້າ, ໃນໄລຍະ 2 ປີຜ່ານມາເຮັດໃຫ້ການຜະລິດກະສິກຳເປັນສິນຄ້າເພື່ອສົ່ງອອກ ແລະ ຕິດພັນກັບການປຸງແຕ່ງຂັ້ນຕົ້ນໄດ້ເພີ່ມຂຶ້ນທາງດ້ານປະລິມານ ແລະ ຄຸນນະພາບ, ສ້າງມູນຄ່າເພີ່ມໃຫ້ແກ່ໂຄງປະກອບເສດຖະກິດໄປຕາມທິດທີ່ກຳນົດໄວ້.

 

ທ່ານ ບຸນແທນ ທີແກ້ວ ຫົວໜ້າພະແນກ ການເງິນ ແຂວງ ໄຊຍະບູລີ ໄດ້ມີຄຳເຫັນຕໍ່ກອງປະຊຸມຄົບຄະນະບໍລິຫານງານພັກແຂວງຄັ້ງ ທີ 10 ສະໄໝທີ VI ລະຫວ່າງວັນທີ 23-25 ພຶດສະພາ 2018 ນີ້ວ່າ: ການຈັດຕັ້ງປະຕິບັດແຜນງົບປະມານໃນແຕ່ລະປີ ມີລັກສະນະເພີ່ມຂຶ້ນ, ສົກປີ 2015-2016 ປະຕິບັດໄດ້ 554,78 ຕື້ກີບ, ບວກໃສ່ 3 ເດືອນຂ້າມຜ່ານ ເທົ່າກັບ 714,87 ຕຶ້ກີບ, ເທົ່າກັບ 92,2 % ຂອງແຜນການປີ, ປີ 2017 ປະຕິບັດໄດ້ 767,94 ຕື້ກີບ, ເທົ່າກັບ 112% ຂອງແຜນການປີ, ການຈັດເກັບລາຍຮັບງົບປະມານໃນ 2 ປີໄດ້ທັງໝົດ 1.482,81 ຕຶື້ກີບ, ເທົ່າກັບ 69% ຂອງແຜນການ 5 ປີ, ສະເພາະລາຍຮັບພາຍໃນປະຕິບັດໄດ້ 478,05 ຕື້ກີບ, ການປະຕິບັດລາຍຈ່າຍໄດ້ທັງໝົດ 1.107,33 ຕື້ກີບ, ເທົ່າກັບ 32,07% ຂອງແຜນການ 5 ປີ, ສຳລັບ 3 ເດືອນຕົ້ນປີ 2018 ປະຕິບັດລາຍຮັບໄດ້ 226,05 ຕື້ກີບ, ເທົ່າກັບ 21,03% ຂອງແຜນການປີ ແລະ ຮັບປະກັນການເບີກຈ່າຍເງິນບໍລິຫານ, ເງິນເດືອນ, ເງິນອູດໜູນນະໂຍບາຍໃຫ້ພະນັກງານ, ທະຫານ, ຕຳຫຼວດ, ພະນັກງານອາວຸໂສບຳນານ ໄດ້ປົກກະຕິ ແລະ ທັນຕາມກຳນົດເວລາ, ເຖິງແມ່ນວ່າການຈັດເກັບລາຍຮັບງົບປະມານແຫ່ງລັດຢູ່ໃນຈັ່ງວະທີ່ເພີ່ມຂຶ້ນໃນລະດັບດີໃນສອງປີຜ່າມາ, ແຕ່ລາຍຮັບພາຍໃນດັ່ງກ່າວຍັງບໍ່ສາມາດກຸ້ມລາຍຈ່າຍພາຍໃນໄດ້, ຍັງເປັນແຜນລາຍຮັບທີ່ຂາດດູນສູງເກີນກວ່າ 50%, ( ສະເພາະລາຍຮັບພາຍໃນແຂວງ ), ຜ່ານການວິເຄາະວິໄຈທຽບໃສ່ການຄິດໄລ່ຕາມແຜນເບີກຈ່າຍເງິນເດືອນ, ເງິນອູດໜູນນະໂຍບາຍ ສາມາດກຸ້ມພຽງແຕ່ 7,5 ເດືອນ, ສ່ວນທີ່ເຫຼືອຕ້ອງໄດ້ຮັບການດຸ່ນຈາກສູນກາງ, ທ່ານ ບຸນແທນ ທີແກ້ວ ໄດ້ກ່າວຕື່ມອີກວ່າ: ສາເຫດພື້ນຖານທີ່ພາໃຫ້ເກີດຄວາມຫຍຸ້ງຍາກແມ່ນຍ້ອນພື້ນຖານເສດຖະກິດໂດຍລວມຍັງ ອ່ອນນ້ອຍ, ທ່າແຮງການຂະຫຍາຍຕົວທາງດ້ານເສດຖະກິດຍັງອີງໃສ່ການຜະລິດກະສິກຳເປັນຫຼັກ, ຂາດການປຸງແຕ່ງເປັນຜະລິດຕະພັນ ເພື່ອເພີ່ມມູນຄ່າສົ່ງອອກ, ມີຄວາມສ່ຽງດ້ານລາຄາ ແລະ ຕະຫຼາດ, ຜົນຜະລິດສິນຄ້າສົ່ງອອກຕ່າງປະເທດຍັງມີຈຳນວນນ້ອຍ, ສ່ວນໃຫຍ່ເປັນສິນຄ້າພື້ນຖານມີມູນຄ່າເພີ່ມຕໍ່າ, ບໍ່ມີຄວາມຫຼາກຫຼາຍ ແລະ ບໍ່ໄດ້ນຳໃຊ້ນະວັດຕະກຳໃໝ່ເຂົ້າໃນການຜະລິດ.

ແຫຼ່ງຂ່າວ: ຫ້ອງວ່າການ ແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ