ຈໍານວນຜູ້ເຂົ້າຊົມເວັບໄຊ

92491
ມື້ນີ້ມື້ນີ້36
ມື້ວານນີ້ມື້ວານນີ້253
ອາທິດນີ້ອາທິດນີ້918
ເດືອນນີ້ເດືອນນີ້4685
ລວມທັງໝົດລວມທັງໝົດ92491

ມີ 20  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດທີ່ ທ່ານ ພັນຄໍາ ວິພາວັນ ຮອງປະທານປະເທດແຫ່ງ ສປປ ລາວ ຢ້ຽມຢາມ ແລະ ເຮັດວຽກຢູ່ ແຂວງ ໄຊຍະບູລີ ລະຫວ່າງວັນທີ 24-26 ພຶດສະພາ ປີນີ້, ທ່ານໄດ້ໃຫ້ກຽດໂອ້ລົມຕໍ່ພະນັກງານການນໍາຂອງແຂວງ, ເຊິ່ງກ່ອນອື່ນ ທ່ານໄດ້ຢືນຢັນຄືນຕໍ່ຜົນງານທີ່ ແຂວງ ໄຊຍະບູລີຍາດມາໄດ້ ໂດຍສະເພາະແມ່ນຮັກສາໄດ້ຄວາມສະຫງົບຮອບດ້ານໃນສັງຄົມ, ການພັດທະນາເສດຖະກິດແມ່ນຢູ່ໃນລະດັບດີ 8,5 %, ລະບົບໂຄງລ່າງແມ່ນໄດ້ຮັບການພັດທະນາເປັນລໍາດັບ, ຄວາມທຸກຍາກຂອງປະຊາຊົນຍັງເຫຼືອ 1,6 %, ສະເລ່ຍໃສ່ຫົວຄົນໄດ້ 2.596 ໂດລາສະຫະລັດ, ພ້ອມດຽວກັນ ທ່ານຍັງໄດ້ເນັ້ນໜັກໃຫ້ອໍານາດການປົກຄອງ ແຂວງ ໄຊຍະບູລີ ເອົາໃຈໃສ່ 5 ບັນຫາທີ່ຈະພ້ອມກັນແກ້ໄຂເປັນຕົ້ນແມ່ນ: ພ້ອມກັນສ້າງການຫັນປ່ຽນຢ່າງຕໍ່ເນື່ອງ, ເລີກເຊິ່ງ, ຮອບດ້ານ, ນັບທັງເນື້ອໃນ ແລະ ແບບແຜນນໍາພາຂອງຄະນະພັກແຕ່ລະຂັ້ນ, ຕິດພັນກັບການສືບຕໍ່ເສີມຂະຫຍາຍຜົນສໍາເລັດຂອງບັ້ນດໍາເນີນຊີວິດການເມືອງ, ຕ້ອງຍຶດໝັ້ນເສີມຂະຫຍາຍບົດບາດນໍາພາຂອງພັກໃນທົ່ວສັງຄົມ,

ຍຶດໝັ້ນອຸດົມການສັງຄົມນິຍົມ, ເພີ່ມທະວີຄວາມສາມັກຄີພາຍໃນພັກ ແລະ ປະຊາຊົນບັນດາເຜົ່າ, ພ້ອມກັນຜ່ານຜ່າທຸກຄວາມຫຍຸ້ງຍາກ, ພ້ອມກັນເຮັດສໍາເລັດຕາມແຜນການທີ່ກອງປະຊຸມຄັ້ງທີ 6 ຂອງແຂວງວາງໄວ້, ສືບຕໍ່ຮັກສາສະຖຽນລະພາບດ້ານການເມືອງ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົງໃຫ້ໜັກແໜ້ນ, ເສີມຂະຫຍາຍປະຊາທິປະໄຕໃຫ້ມີຄວາມຍຸຕິທໍາໃນສັງຄົມ, ພ້ອມກັນສູ້ຊົນບຸກບືນແກ້ໄຂຄວາມຫຍຸ້ງຍາກທາງດ້ານການເງິນ-ງົບປະມານ, ດ້ວຍບັນດາມາດຕະການໃນໄລຍະສັ້ນ ແລະ ໄລຍະຍາວ, ສ້າງບັນດາປັດໃຈເພື່ອພ້ອມກັນຜ່ານຜ່າຄວາມຫຍຸ້ງຍາກເຮັດໃຫ້ການພັດທະນາປະເທດຊາດກໍ່ຄື ແຂວງ ໄຊຍະບູລີໄປຕາມທິດຍືນຍົງ, ພ້ອມກັນຮັກສາຮີດຄອງປະເພນີ, ເສີມຂະຫຍາຍມູນເຊື້ອວັດທະນະທຳ, ເອົາໃຈໃສ່ເນັ້ນປະຕິຮູບການສຶກສາໃຫ້ໄດ້ປະລິມານ ແລະ ຄຸນນະພາບ, ເອົາໃຈໃສ່ໃນການພັດທະນາຊັບພະຍາກອນມະນຸດໃຫ້ມີປະສິດທິຜົນ, ຊັບຊ້ອນນັກຮຽນໃຫ້ເຂົ້າຮຽນວິຊາສະເພາະທີ່ສາມາດນໍາໃຊ້ເຂົ້າໃນວຽກງານຕົວຈິງໄດ້ ແລະ ພ້ອມກັນຍົກສູງປະສິດທິພາບຂອງການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ, ແນໃສ່ເຮັດໃຫ້ສັງຄົມມີຄວາມສາມັກຄີປອງດອງ ແລະ ຍຸຕິທໍາ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ