ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 70  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 1 ມິຖຸນາ ປີນີ້, ທີ່ເດີ່ນກິລາໃນຮົ່ມຂອງແຂວງ ໄຊຍະບູລີ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນຂຶ້ນ, ເຂົ້າຮ່ວມເປັດກຽດ ມີທ່ານ ພົງ ສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍພັນລະຍາ, ມີບັນດາການນໍາຂອງແຂວງ, ເມືອງ, ມີບໍລິສັດ, ລັດວິສາຫະກິດຜູ້ປະກອບການ, ພໍ່ຄ້າຊາວຂາຍ, ອຳນາດການປົກຄອງບ້ານ, ສະມາຄົມພໍ່ແມ່ນັກຮຽນແຕ່ລະບ້ານ, ມີຄູ-ອາຈານ, ນ້ອງນັກຮຽນ ແລະ ຜູ້ປົກຄອງເດັກເຂົ້າຮ່ວມຢ່າງຄັບຄາໜາແໜ້ນ.

ກ່ອນອື່ນຜູ້ເຂົ້າຮ່ວມແມ່ນໄດ້ຮັບຊົມການສະແດງສິລະປະວັນນະຄະດີຂອງນ້ອງນັກຮຽນແຕ່ລະໂຮງຮຽນອ້ອມຂ້າງເມືອງໄຊຍະບູລີ, ຈາກນັ້ນ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ໄດ້ກ່າວວ່າ: ການຈັດພິທີດັ່ງກ່າວ ໄດ້ສະແດງເຖິງຄວາມເອົາໃຈໃສ່,

ຄວາມເປັນຫ່ວງເປັນໄຍຂອງການຈັດຕັ້ງພັກ-ລັດ, ຄູ-ອາຈານ, ພໍ່ແມ່,ອາວອາ ປ້າລຸງ ທີ່ມີຕໍ່ອະນາຄົດຂອງລູກຫຼານເດັກເຍົາວະຊົນ ຜູ້ເປັນໜໍ່ແໜງສືບທອດພາລະກິດປະຕິວັດຂອງຊາດ ຍາມໃດກໍຖືສຳຄັນວ່າ“ເດັກໃນວັນນີ້ຄືຜູ້ໃຫຍ່ໃນວັນໜ້າ, ເດັກຄືອະນາຄົດຂອງປະເທດຊາດ”, ວັນທີ 1 ມິຖຸນາ 1925 ກອງປະຊຸມໂລກເພື່ອ

ຄວາມເປັນຢູ່ທີ່ດີຂອງເດັກ ຄັ້ງທໍາອິດ ເຊິ່ງຈັດຂຶ້ນຢູ່ເຊີແນວ ປະເທດສະວິດເຊີແລນ ໄດ້ປະກາດເອົາວັນທີ 1 ມິຖຸນາ ເປັນວັນເດັກສາກົນເລີ່ມແຕ່ເວລານັ້ນເປັນຕົ້ນມາ ຫຼາຍປະເທດໃນທົ່ວໂລກ ກໍໄດ້ຈັດຕັ້ງການສະເຫຼີມສະຫຼອງວັນດັ່ງກ່າວ ນັບທັງ ສປປ.ລາວ ກໍຖືສໍາຄັນ ຕໍ່ວັນດັ່ງກ່າວ, ພ້ອມກັນນັ້ນ ວັນທີ 12 ມິຖຸນາ ຂອງທຸກໆປີ ກໍແມ່ນວັນຕ້ານການໃຊ້ແຮງງານເດັກສາກົນເຊິ່ງອົງການແຮງງານສາກົນເປັນອົງກອນເຄືອຂ່າຍ ອົງການສະຫະປະຊາຊາດ ໄດ້ປະກາດໃນປີ 2002 ໃຫ້ຖືເອົາວັນທີ 12 ມິຖຸນາ ແຕ່ລະປີເປັນວັນຕ້ານການໃຊ້ແຮງງານເດັກແນໃສ່ ກະຕຸ້ນໃຫ້ປະຊາຄົມໂລກ ພ້ອມກັນຕ້ານ ແລະ ລຶບລ້າງການໃຊ້ແຮງງານເດັກໃນທຸກຮູບແບບ. ທ່ານ ເຈົ້າແຂວງ ຍັງໄດ້ກ່າວຕື່ມອີກວ່າ: ໃນໂອກາດວັນທີ 1 ມິຖຸນາ 2018, ຂໍຮຽກຮ້ອງ ທຸກການ ຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ບັນດາຂະແໜງການ, ຄູອາຈານ ພໍ່ແມ່ຜູ້ປົກຄອງເດັກ ແລະ ທຸກພາກ ສ່ວນໃນສັງຄົມທົ່ວແຂວງ ຈົ່ງສືບຕໍ່ເອົາໃຈໃສ່ບາງບັນຫາເຊັ່ນ: ເພີ່ມທະວີ ການຊີ້ນໍາຕໍ່ບັນດາຂະແໜງການກ່ຽວຂ້ອງທີ່ມີໜ້າທີ່ຮັບຜິດຊອບຕໍ່ການກໍ່ສ້າງ ພັດທະນາເດັກເພື່ອສ້າງທຸກເງື່ອນໄຂໃຫ້ເດັກທຸກຄົນໄດ້ຮັບການສຶກສາຮໍ່າຮຽນທີ່ດີ, ມີສຸຂະພາບແຂງແຮງ, ຫຼຸດຜ່ອນການເສຍຊີວິດຂອງເດັກຮັບປະກັນໃຫ້ເດັກທຸກຄົນຕ້ອງໄດ້ຮັບການສັກຢາ,ຢອດຢາ ເປັນປົກກະຕິ, ເອົາໃຈໃສ່ສະກັດກັ້ນ ຕ້ານທຸກຮູບແບບທີ່ເປັນອັນຕະລາຍກະທົບຕໍ່ການໃຊ້ແຮງງານເດັກທີ່ບໍ່ຖືກຕ້ອງ, ໃນພິທີຍັງໄດ້ມອບທຶນການສືກສາໃຫ້ກັບນັກຮຽນທີ່ຮຽນເກັ່ງ, ຈາກນັ້ນກໍ່ໄດ້ຮ່ວມກັນຕັດແຖບຜ້າປ່ອຍປຸມເປົ້າ, ຢອດຢາວິຕາມິນໃຫ້ເດັກ ແລະ ແຈກເຂົ້າໜົມໃຫ້ນ້ອງໆນັກຮຽນຕື່ມອີກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ