ຈໍານວນຜູ້ເຂົ້າຊົມເວັບໄຊ

117739
ມື້ນີ້ມື້ນີ້279
ມື້ວານນີ້ມື້ວານນີ້352
ອາທິດນີ້ອາທິດນີ້1891
ເດືອນນີ້ເດືອນນີ້6876
ລວມທັງໝົດລວມທັງໝົດ117739

ມີ 28  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 14 ມີຖຸນາ 2018 ນີ້, ສະພາປະຊາຊົນ ແຂວງໄຊຍະບູລີ ໄດ້ຈັດກອງປະຊຸມກວດກາ, ຊຸກຍູ້ການສ້າງຮ່າງນິຕິກໍາໃຕ້ກົດໝາຍ ຢູ່ທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງທ່ານ ຊຊ ບຸນທຽມ ນັນທະກອນ ຮອງປະທານສະພາປະຊາຊົນແຂວງ, ສະມາຊິກສະພາປະຊາຊົນແຂວງ, ມີຫົວໜ້າ, ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ, ພະແນກວິທະຍາສາດເຕັກໂນໂລຊີ, ອົງການພັດທະນາ ແລະ ບໍລິຫານຕົວເມືອງ, ມີພະນັກງານ ແລະ ວິຊາການທີ່ກ່ຽວຂ້ອງເຂົ້າຮ່ວມ.

ໃນພິທີຜູ້ເຂົ້າຮ່ວມໄດ້ຮັບຟັງຮ່າງຂໍ້ຕົກລົງ ວ່າດ້ວຍການຈັດຕັ້ງ ແລະ ຄຸ້ມຄອງ ກອງທຶນພັດທະນາຂັ້ນບ້ານ, ຮ່າງຂໍ້ຕົກລົງ ວ່າດ້ວຍການຄຸ້ມຄອງ, ພັດທະນາ, ອານຸລັກ ແລະ ປົກປັກຮັກສາ ສວນອຸທິຍານພຶກສາສາດຜາຊ້າງ - ຜາຂີ້ໝິ້ນ ແຂວງໄຊຍະບູລີ ແລະ ຮ່າງຂໍ້ຕົກລົງ ວ່າດ້ວຍການຄຸ້ມຄອງຕົວເມືອງ, ການເກັບລາຍຮັບ ແລະ ການນໍາໃຊ້ທຶນ ຂອງອົງການພັດທະນາ ແລະ ບໍລິຫານຕົວເມືອງ ໄຊຍະບູລີ.

ຈຸດປະສົງເພື່ອກະກຽມການຊຸກຍູ້ການສ້າງນິຕິກໍາໃຕ້ກົດໝາຍຂອງບັນດາພະແນກການ, ອົງການ ທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນແຂວງໄຊຍະບູລີ ຊຸດທີ I ກ່ຽວກັບການກໍານົດຫຼັກການ, ລະບຽບການ ແລະ ມາດຕະການ, ການຈັດຕັ້ງ ແລະ ການ

ຄຸ້ມຄອງກອງທຶນພັດທະນາຂັ້ນບ້ານ, ການຄຸ້ມຄອງການຄຸ້ມຄອງ, ພັດທະນາ, ອານຸລັກ ແລະ ປົກປັກຮັກສາ ສວນອຸທິຍານພຶກສາສາດຜາຊ້າງ - ຜາຂີ້ໝິ້ນ ແລະ ການຄຸ້ມຄອງຕົວເມືອງ, ການເກັບລາຍຮັບ ແລະ ການນໍາໃຊ້ທຶນ ຂອງອົງການພັດທະນາ ແລະ ບໍລິຫານຕົວເມືອງ ໄຊຍະບູລີ. ພ້ອມດຽວກັນນີ້, ກອງປະຊຸມຍັງໄດ້ພ້ອມກັນຄົ້ນຄວ້າ, ປຶກສາຫາລື ແລະ ແລກປ່ຽນຄວາມຄິດເຫັນໃສ່ຮ່າງນິຕິກໍາໃຕ້ກົດໝາຍຕື່ມອີກ. ທ່ານ ຮອງປະທານສະພາປະຊາຊົນແຂວງ ໄດ້ສະແດງຄວາມຍ້ອງຍໍ້ຊົມເຊີຍຕໍ່ຄະນະຮັບຜິດຊອບຂຽນຮ່າງນິຕິກໍາໃຕ້ກົດໝາຍ ພ້ອມທັງເນັ້ນໜັກໃຫ້ຄະນະຮັບຜິດຊອບຈົ່ງຮີບຮ້ອນນໍາເອົາຮ່າງນິຕິກໍາໃຕ້ກົດໝາຍ ລົງທາບທາມຢູ່ພະແນກການ, ກົມກອງ ແລະ ຂັ້ນບ້ານ ເພື່ອນຳມາປັບປຸງຮ່າງກົດໝາຍໃຫ້ມີເນື້ອໃນລະອຽດ, ຈະແຈ້ງ, ຄົບຖ້ວນ, ປະສິດທິພາບ ແລະ ປະສິດທິຜົນສູງກວ່າເກົ່າ.

ສາຄອນ ໄຊສົມຮັກສາ 56662037  

ແຜນທີ ແຂວງໄຊຍະບູລີ