ຈໍານວນຜູ້ເຂົ້າຊົມເວັບໄຊ

117743
ມື້ນີ້ມື້ນີ້283
ມື້ວານນີ້ມື້ວານນີ້352
ອາທິດນີ້ອາທິດນີ້1895
ເດືອນນີ້ເດືອນນີ້6880
ລວມທັງໝົດລວມທັງໝົດ117743

ມີ 24  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ສະພາປະຊາຊົນແຂວງໄຊຍະບູລີ ນໍາໂດຍທ່ານ ສົມມະນາ ປິ່ນທິບ ຮອງປະທານຄະນະກໍາມະການຍຸຕິທໍາ ແລະ ປ້ອງກັນຊາດ - ປ້ອງກັນຄວາມສະຫງົບ ພ້ອມດ້ວຍຄະນະ ໄດ້ລົງຕິດຕາມຊຸກຍູ້ການຈັດຕັ້ງປະຕິບັດມະຕິກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງໄດ້ຮັບຮອງ ໃນລະຫວ່າງວັນທີ 14 – 18 ມິຖຸນາ 2018 ນີ້, ຢູ່ທີ່ອົງການໄອຍະການປະຊາຊົນແຂວງ, ສານປະຊາຊົນແຂວງ ແລະ ພະແນກຍຸຕິທໍາແຂວງ ມີຫົວໜ້າ, ຮອງຫົວໜ້າ ແລະ ພະນັກງານ - ລັດຖະກອນ ແຕ່ລະພາກສ່ວນເຂົ້າຮ່ວມ.

ໃນພິທີ, ທ່ານ ສົມມະນາ ປິ່ນທິບ ຮອງປະທານຄະນະກໍາມະການຍຸຕິທໍາ ແລະ ປ້ອງກັນຊາດ - ປ້ອງກັນຄວາມສະຫງົບ ໄດ້ຮັບຟັງການລາຍງານຫຍໍ້ກ່ຽວກັບການເຄື່ອນໄຫວປະຕິບັດໜ້າທີ່ວຽກງານໃນໄລຍະຜ່ານມາຈາກພາກສ່ວນທີ່ກ່ຽວຂ້ອງ ເປັນຕົ້ນແມ່ນຮັບຟັງການລາຍງາຍຫຍໍ້ຈາກຫົວໜ້າອົງການໄອຍະການປະຊາຊົນແຂວງ, ປະທານສານປະຊາຊົນແຂວງ ແລະ ຮອງຫົວໜ້າພະແນກຍຸຕິທໍາ ກ່ຽວກັບການຈັດຕັ້ງຜັນຂະຫຍາຍເນື້ອໃນ ມະຕິກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງໄຊຍະບູລີ;

ສະພາບກົງຈັກການຈັດຕັ້ງ ແລະ ບຸກຄະລາກອນ. ທັງນີ້ກໍ່ເພື່ອເຮັດໃຫ້ການປະສານງານລະຫວ່າງສະພາປະຊາຊົນແຂວງ ກັບ ອົງການໄອຍະການປະຊາຊົນແຂວງ, ສານປະຊາຊົນແຂວງ ແລະ ພະແນກຍຸຕິທໍາແຂວງໄດ້ດີ. ພ້ອມກັນນັ້ນ, ຍັງໄດ້ຮັບຟັງການເຈາະຈີ້ມຈາກຮອງປະທານຄະນະກໍາມະການຍຸຕິທໍາ ແລະ ປ້ອງກັນຊາດ - ປ້ອງກັນຄວາມສະຫງົບ ຕໍ່ກັບບົດລາຍງານຫຍໍ້ທີ່ອົງການກ່ຽວຂ້ອງລາຍງານຕໍ່ກອງປະຊຸມ ແລະ ພາກສ່ວນທີ່ກ່ຽວຂ້ອງໄດ້ອະທິບາຍ, ຊີ້ແຈງ, ຕໍ່ກັບຄໍາເຈາະຈີ້ມດັ່ງກ່າວ ຢ່າງກົງໄປກົງມາ ແລະ ພາກສ່ວນທີ່ກ່ຽວຂ້ອງຍັງມີຂໍ້ສະເໜີ ແລະ ຄໍາຊັກຖາມຕ່າງໆ ທີ່ກ່ຽວຂ້ອງກັບສິດ ແລະ ໜ້າທີ່ຮັບຜິດຊອບຂອງຕົນຕໍ່ກັບຮອງປະທານຄະນະກໍາມະການຍຸຕິທໍາ ແລະ ປ້ອງກັນຊາດ - ປ້ອງກັນຄວາມສະຫງົບ ເພື່ອນໍາໄປພິຈາລະນາແກ້ໄຂ ທັງນີ້ກໍ່ເພື່ອເຮັດໃຫ້ການຈັດຕັ້ງຜັນຂະຫຍາຍກອງປະຊຸມສາມັນເທື່ອທີ 4 ທີ່ສະພາປະຊົນຊົນໄດ້ຮັບຮອງປະກົດຜົນເປັນຈິງ. ຈາກນັ້ນ, ທ່ານຮອງປະທານຄະນະກໍາມະການຍຸຕິທໍາ ແລະ ປ້ອງກັນຊາດ - ປ້ອງກັນຄວາມສະຫງົບ ກໍ່ໄດ້ສະແດງຄວາມຍ້ອງຍໍ້ຊົມເຊີມຕໍ່ການເຄື່ອນໄຫວປະຕິບັດໜ້າທີ່ວຽກງານໃນໄລຍະຜ່ານມາຂອງອົງການໄອຍະການປະຊາຊົນແຂວງ, ສານປະຊາຊົນແຂວງ ແລະ ພະແນກຍຸຕິທໍາແຂວງ; ທ່ານຍັງໄດ້ເນັ້ນໜັກໃຫ້ພະແນກງານທີ່ກ່ຽວຂ້ອງ ຈົ່ງສືບຕໍ່ເຄື່ອນໄຫວວຽກງານຂອງຕົນຕາມພາລະບົດບາດ, ສິດ ແລະ ໜ້າທີ່ ທີ່ໄດ້ຮັບຮອງໄດ້ຮັບປິສິດທິຜົນ ແລະ ຍຸຕິທໍາ.

ສາຄອນ ໄຊສົມຮັກສາ 56662037  

ແຜນທີ ແຂວງໄຊຍະບູລີ