ຈໍານວນຜູ້ເຂົ້າຊົມເວັບໄຊ

117739
ມື້ນີ້ມື້ນີ້279
ມື້ວານນີ້ມື້ວານນີ້352
ອາທິດນີ້ອາທິດນີ້1891
ເດືອນນີ້ເດືອນນີ້6876
ລວມທັງໝົດລວມທັງໝົດ117739

ມີ 31  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຄະນະພັກຮາກຖານ ຫ້ອງວ່າການແຂວງໄຊຍະບູລີ ໄດ້ຈັດພິທີເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນຂຶ້ນ, ໃນວັນທີ 25 ມີຖຸນາ 2018, ຢູ່ທີ່ສະໂມສອນຫ້ອງວ່າການແຂວງ ໃຫ້ກຽດເປັນປະທານໂດຍ ສະຫາຍ ເພັດພິໄຊ ສູນວິໄລ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ, ມີເລຂາ, ຮອງເລຂາໜ່ວຍພັກ, ສະມາຊິກພັກສົມບູນ 3 ໜ່ວຍພັກ ທີ່ຂຶ້ນກັບຄະນະພັກຮາກຖານຫ້ອງວ່າການແຂວງເຂົ້າຮ່ວມ.

ພິທີດັ່ງກ່າວ, ພາຍຫຼັງທີ່ສະມາຊິກພັກສໍາຮອງ ໄດ້ຂື້ນຜ່ານໃບຄໍາຮອງຂໍ້ເລື່ອນສະມາຊິກພັກສໍາຮອງຂື້ນເປັນສະມາຊິກພັກສົມບູນແລ້ວ, ສະຫາຍທີ່ຕິດຕາມກໍ່ໄດຂື້ນຢັ່ງຢືນຮັບເອົາສະຫາຍ ສະມາຊິກພັກໃໝ່ ເຊີ່ງແຕ່ລະສະຫາຍແມ່ນມີແນວຄິດການເມືອງໜັກແໜ້ນ, ອຸ່ນອ່ຽນທຸ່ນທ່ຽງ, ບໍ່ມີແນວຄິດຄອນແຄນ, ເຊື້ອໝັ້ນຕໍ່ການນໍາພາຂອງພັກ, ມີຄວາມເຂັ້ມງວດໃນການປະຕິບັດລະບຽບວິໄນ ກໍ່ຄືລະບຽບກົດໝາຍຂອງພັກ - ລັດ, ມີຄວາມຫ້າວຫັນໃນການປະຕິບັດໜ້າທີ່ວຽກງານວິຊາສະເພາະ ໃນນີ້ເລື່ອນສະມາຊິກພັກສໍາຮອງ ຂື້ນສົມບູນ 7 ສະຫາຍ.

ຈາກນັ້ນ, ສະຫາຍ ນາງ ວົງພັນ ສັນຕິສຸກ ຫົວໜ້າຂະແໜງຈັດຕັ້ງນະໂຍບາຍ ແລະ ຍ້ອງຍໍ ຫ້ອງວ່າການແຂວງ ໄດ້ຂື້ນຜ່ານມະຕິຕົກລົງຂອງຄະນະປະຈໍາພັກແຂວງ ເລກທີ 019 – 020 /ຄພຂ ລົງວັນທີ 15 ມັງກອນ 2018 ແລະ ເລກທີ 281-285/ຄພຂ ລົງວັນທີ 29 ພຶດສະພາ 2018 ວ່າດ້ວຍການອານຸມັດເລື່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນ.

ໂອກາດດຽວກັນນີ້, ສະຫາຍ ເພັດພິໄຊ ສູນວິໄລ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ ໄດ້ໃຫ້ກຽດໂອ້ລົມ ຊຶ່ງສະຫາຍໄດ້ສະແດງຄວາມຊົມເຊີຍຕໍ່ 3 ໜ່ວຍພັກ ທີ່ສາມາດສ້າງສະມາຊິກໃໝ່ ແລະ ສະແດງຄວາມຍິນດີຮັບເອົາສະຫາຍເຂົ້າ ເປັນສະມາຊິກພັກສົມບູນຂອງພັກປະຊາຊົນປະຕິວັດລາວ. ພ້ອມກັນນັ້ນ, ຍັງຮຽກຮ້ອງໃຫ້ສະມາຊິກພັກທຸກສະຫາຍ ຈົ່ງເພີ່ມທະວີການສຶກສາອົບຮົມທາງດ້ານການເມືອງແນວຄິດ, ເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດຢ່າງເລິກເຊິ່ງ ແລະ ປະຕິບັດໜ້າທີ່ຂອງຕົນໃຫ້ບັນລຸຜົນສໍາເລັດ.

ສາຄອນ ໄຊສົມຮັກສາ 56662037  

ແຜນທີ ແຂວງໄຊຍະບູລີ