ຈໍານວນຜູ້ເຂົ້າຊົມເວັບໄຊ

97939
ມື້ນີ້ມື້ນີ້61
ມື້ວານນີ້ມື້ວານນີ້261
ອາທິດນີ້ອາທິດນີ້1892
ເດືອນນີ້ເດືອນນີ້3627
ລວມທັງໝົດລວມທັງໝົດ97939

ມີ 18  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 29 ມິຖຸນາ ປີນີ້, ທີ່ສະໂມສອນຫ້ອງວ່າການແຂວງ ໄຊຍະບູລີ, ໄດ້ຈັດກອງປະຊຸມສະຫຼຸບວຽກງານປ້ອງກັນ ແລະ ຄວບຄຸມໄພພິບັດທົ່ວແຂວງ ປະຈໍາປີ 2017 ຂຶ້ນ, ໂດຍການເປັນປະທານຂອງ ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງ ໄຊຍະບູລີ, ປະທານຄະນະປ້ອງກັນ ແລະ ຄວບຄຸມໄພພິບັດຂັ້ນແຂວງ, ເຂົ້າຮ່ວມມີບັນດາຄະນະປ້ອງກັນ ແລະ ຄວບຄຸມໄພພິບັດຂັ້ນແຂວງ, ຮອງເຈົ້າເມືອງ ແລະ ຄະນະປ້ອງກັນ ແລະ ຄວບຄຸມໄພພິບັດຂັ້ນເມືອງ 11 ເມືອງເຂົ້າຮ່ວມຢ່າງພ້ອມພຽງ.

ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງ ໄຊຍະບູລີ, ປະທານຄະນະປ້ອງກັນ ແລະ ຄວບຄຸມໄພພິບັດຂັ້ນແຂວງ ໄດ້ກ່າວວ່າ: ຄວາມຮ້າຍແຮງຂອງໄພພິບັດ ທາງທໍາມະຊາດ ແລະ ການກະທໍາຂອງມະນຸດສ້າງຂື້ນ ແມ່ນຍັງສືບຕໍ່ເພີ່ມຂື້ນ ແລະ ຖີ່ເຂົ້າທຸກໆປີ, ຈາກສາເຫດ ການປ່ຽນແປງຂອງສະພາບດິນຟ້າອາກາດ, ການເພີ່ມຂື້ນຂອງປະຊາກອນ, ການເຊື່ອມໂຊມຂອງສະພາບແວດລ້ອມ ແລະ ບັນຫາໂລກຮ້ອນຂື້ນ, ຈຶ່ງເຮັດໃຫ້ບັນດາປະເທດໃນໂລກຕ້ອງປະເຊີນກັບບັນຫາໄພພິບັດທໍາມະຊາດຕ່າງໆ ເປັນຕົ້ນ ນໍ້າຖ້ວມ, ແຜ່ນດິນໄຫວ, ພູເຂົາໄຟລະເບີດ, ລົມພະຍຸ ແລະ ອື່ນໆ, ອັນສົ່ງຜົນກະທົບໂດຍກົງຕໍ່ຊີວິດ

ແລະ ຊັບສິນ ທັງຂອງລັດ ແລະ ຂອງປະຊາຊົນ, ເປັນການທ່ວງດຶງຕໍ່ການພັດທະນາປະເທດຊາດ, ເວົ້າລວມ, ເວົ້າສະເພາະ ຢູ່ແຂວງໄຊຍະບູລີ ໃນປີ 2017 ທີ່ຜ່ານມາ ກໍ່ໄດ້ມີຫຼາຍເຫດການໄພພິບັດເກີດຂື້ນ ເປັນຕົ້ນ ນໍ້າຖ້ວມຊຸ, ລົມພາຍຸ, ໄຟໄໝ້, ສະເພາະແຕ່ເຫດການໄພພິບັດນໍ້າຖ້ວມ ໃນຊ່ວງເດືອນ ກໍລະກົດ ຫາ ເດືອນ ຕຸລາ ສົ່ງຜົນກະທົບໂດຍກົງຕໍ່ປະຊາຊົນ ຈໍານວນ 96 ບ້ານ, ມີ 2,368 ຄອບຄົວ, ມີ 12,918 ຄົນ, ຍີງ 6,450 ຄົນ ເສຍຊີວິດ 02 ຄົນ, ມີເຮືອນທີ່ຢຸ່ອາໄສ, ພື້ນຖານໂຄງລ່າງດ້ານກະສິກຳ, ການຄົມມະນາຄົມຂົນສົ່ງ, ໂຮງຮຽນ, ສຸກສາລາ, ລະບົບໄຟຟ້າ ແລະ ອື່ນໆ ລວມມູນຄ່າເສຍຫາຍຫຼາຍກວ່າ 98 ຕື້ກີບ, ຕໍ່ກັບຜົນກະທົບ ແລະ ຄວາມເສຍຫາຍດັ່ງກ່າວ ການນໍາຂອງແຂວງ, ເມືອງ ກໍ່ຄື ບັນດາຂະ ແໜງການທີ່ກ່ຽວຂ້ອງຢູ່ໃນຄະນະກໍາມະການປ້ອງກັນ ແລະ ຄວບຄຸມໄພພິບັດ ກໍ່ໄດ້ສົມທົບກັນ ໂດຍນໍາໃຊ້ທ່າແຮງທີ່ມີ ປະຕິບັດໃຫ້ການຊ່ວຍເຫຼືອບັນເທົາທຸກ ທັງໄລຍະສຸກເສີນ ແລະ ການຟຶ້ນຟູຫຼັງໄພພິບັດ. ກອງປະຊຸມດັ່ງກ່າວບັນດາຜູ້ເຂົ້າຮ່ວມຍັງຈະໄດ້ຮັບຟັງດໍາລັດ ຂອງນາຍົກສະບັບເລກທີ 75/ນຍ, ລົງວັນທີ 28 ກຸມພາ 2018, ຂໍ້ຕົກລົງຂອງລັດຖະມົນຕີກະຊວງ ຮສສ ວ່າດ້ວຍກອງທຶນສົງເຄາະ, ຜ່ານຂໍ້ຕົກລົງວ່າດ້ວຍຄວາມຮັບຜິດຊອບໃຫ້ຄະນະຄຸ້ມຄອງໄພພິບັດຂັ້ນແຂວງ ແລະ ການແຕ່ງຕັ້ງຝຽນປະຈໍາການຂອງຄະນະຄຸ້ມຄອງໄພພິບັດຂັ້ນແຂວງ, ຮັບຟັງບົດສະຫຼຸບວຽກງານປ້ອງກັນ ແລະ ຄວບຄຸມໄພພິບັດ ປະຈໍາປີ 2017 ແລະ ຮ່າງແຜນດໍາເນີນງານການເຊື່ອມສານວຽກງານຫຼຸດຜ່ອນຄວາມສ່ຽງໄພພິບັດ ແລະ ການປ່ຽນແປງຂອງດິນຟ້າອາກາດ ເຂົ້າໃນແຜນພັດທະນາເສດຖະກິດ-ສັງຄົມ, ເຊິ່ງສະເໜີໂດຍ ທ່ານ ນາງແພງຈັນ ແກ້ວມະນີວົງ ຫົວໜ້າພະແນກ ຮສສ ແຂວງ ໄຊຍະບູລີ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ