ຈໍານວນຜູ້ເຂົ້າຊົມເວັບໄຊ

135601
ມື້ນີ້ມື້ນີ້337
ມື້ວານນີ້ມື້ວານນີ້439
ອາທິດນີ້ອາທິດນີ້2622
ເດືອນນີ້ເດືອນນີ້6003
ລວມທັງໝົດລວມທັງໝົດ135601

ມີ 28  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ແຂວງໄຊຍະບູລີ ໄດ້ຈັດກອງປະຊຸມປຶກສາຫາລື ກະກຽມການສະເຫຼີມສະຫຼອງວັນສ້າງຕັ້ງກອງທັບ ປະຊາຊົນລາວ ຄົບຮອບ 70 ວັນທີ 20 ມັງກອນ 2019 ໃຫ້ມີບັນຍາກາດເບີກບານມ່ວນຊື່ນ ໃນຕອນເຊົ້າວັນທີ 4 ກໍລະກົດ 2018 ນີ້, ໂດຍການເປັນປະທານຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ, ມີຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າສາມກອງບັນຊາການ ແລະ ຄະນະຮັບຜິດຊອບເຂົ້າຮ່ວມ.

ກອງປະຊຸມໄດ້ຜ່ານຂໍ້ຕົກລົງຂອງທ່ານເຈົ້າແຂວງ ເລກທີ 659/ຈຂ.ຊຍ ລົງວັນທີ 26 ມີຖຸນາ 2018 ວ່າດ້ວຍການແຕ່ງຄະນະຮັບຜິດຊອບກະກຽມການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ແລະ ຄໍາສັ່ງແນະນໍາຂອງກະຊວງປ້ອງກັນປະເທດ ເລກທີ 1520/ກປທ ລົງວັນທີ 04 ເມສາ 2018 ວ່າດ້ວຍການຈັດຕັ້ງສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ.

ຈຸດປະສົງເພື່ອເຮັດໃຫ້ທຸກຄົນຮັບຮູ້ແຈ້ງ ແລະ ເຂົ້າໃຈຢ່າງເລິກເຊິ່ງມູນເຊື້ອຮັກຊາດ, ນໍ້າໃຈຕໍ່ສູ້ພິລະອາດຫານ, ກໍ່ຄືຜົນງານ ແລະ ໄຊຊະນະອັນໃຫຍ່ຫຼວງຂອງກອງທັບປະຊາຊົນລາວ ທີ່ຍາດມາໄດ້ຕະຫຼອດໄລຍະ 70 ປີຜ່ານມາ, ເປັນການຍູ້ຂະບວນການວຽກງານຮອບດ້ານໃນທົ່ວກອງທັບ ໃຫ້ຟົດຟື້ນແຂງແຮງ, ສຶກສາອົບຮົມນາຍ ແລະ ພົນທະຫານ ຍົກສູງຈິດໃຈຮັກຊາດ, ຮັກລະບອບປະຊາທິປະໄຕ ປະຊາຊົນ, ມີສະຕິລະວັງຕົວ ກຽມພ້ອມສະກັດກັ້ນ ແລະ ຕອບຕ້ານທຸກກົນອຸບາຍທໍາລາຍມ້າງເພຂອງສັດຕູ ແລະ ພວກຄົນບໍ່ຫວັງດີທີ່ຈະກໍ່ຂື້ນ, ເຮັດໃຫ້ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ດໍາເນີນໄປດ້ວຍບັນຍາກາດເບີກບານມ່ວນຊື່ນ ເປັນລະບຽບຮຽບຮ້ອຍ ແລະ ມີຄວາມສະຫງົບປອດໄພ, ສືບຕໍ່ປັບປຸງກໍ່ສ້າງກອງທັບປະຊາຊົນລາວ ໃຫ້ກາຍເປັນກອງທັບປະຕິວັດຕາມທິດ, ທັນສະໄໝ, ປຸກລະດົມທຸກກໍາລັງສຸມໃສ່ຈັດຕັ້ງປະຕິບັດບັນດາໜ້າທີ່ວຽກງານທີ່ພັກ - ລັດ ແລະ ປະຊາຊົນມອບໝາຍໃຫ້ ເປັນຕົ້ນແມ່ນ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃຫ້ມີຜົນສໍາເລັດ. ຈາກນັ້ນ, ຄະນະຮັບຜິດຊອບກໍ່ໄດ້ປະກອບຄິດເຫັນ ເພື່ອປັບປຸງຂໍ້ຕົກລົງ ວ່າດ້ວຍການແຕ່ງຄະນະຮັບຜິດຊອບກະກຽມການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີຕື່ມອີກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ສາຄອນ ໄຊສົມຮັກສາ

ໂທ: 020 56662037  

ແຜນທີ ແຂວງໄຊຍະບູລີ