ຈໍານວນຜູ້ເຂົ້າຊົມເວັບໄຊ

117749
ມື້ນີ້ມື້ນີ້289
ມື້ວານນີ້ມື້ວານນີ້352
ອາທິດນີ້ອາທິດນີ້1901
ເດືອນນີ້ເດືອນນີ້6886
ລວມທັງໝົດລວມທັງໝົດ117749

ມີ 26  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຊຸດຝຶກອົບຮົມ ວຽກງານສັງລວມ-ຫາງສຽງສັງຄົມ ໄດ້ຈັດຂຶ້ນໃນຕອນເຊົ້າຂອງວັນທີ 4 ກໍລະກົດປີນີ້, ເຂົ້າຮ່ວມເປັນກຽດມີ ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ໄຊຍະບູລີ, ມີ ວິທະຍາກອນ ແລະ ນັກສໍາມະນາກອນ ຊຶ່ງເປັນພະນັກງານຫຼັກແຫຼ່ງ ຂອງແຂວງ, ເມືອງ, ຜູ້ຊີ້ນໍາຈັດຕັ້ງປະຕິບັດວຽກງານຕົວຈິງຢູ່ບັນດາພະແນກການ, ກົມກອງ, ອົງການ, ລັດວິສະຫະກິດຕ່າງໆອ້ອມຂ້າງແຂວງ ແລະ 11 ເມືອງທົ່ວແຂວງທີ່ໄດ້ເຂົ້າຮ່ວມ.

ຊຸດຝຶກອົບຮົມດັ່ງກ່າວເພື່ອເຮັດໃຫ້ບັນດານັກສໍາມະນາກອນໄດ້ຄົ້ນຄວ້າເຊື່ອມຊຶມ ແລະ ຍົກລະດັບຄວາມຮູ້ພື້ນຖານການເມືອງ-ແນວຄິດ ເວົ້າລວມ, ເວົ້າສະເພາະ ແມ່ນວຽກງານເກັບກໍາຫາງສຽງສັງຄົມ, ສາມາດຕອບສະໜອງຄວາມຮຽກຮ້ອງຕອ້ງການ ຂອງໜ້າທີ່ການເມືອງໃນໄຍະໃໝ່, ຊຸດອົບຮົມຄັ້ງນີ້ຈະໄດ້ຄົ້ນຄວ້າ, ເຊື່ອມຊຶມບາງບັນຫາເຊັ່ນ: ຄົ້ນຄວ້າເຊື່ອມຊຶມ ບັນຫາພຶ້ນຖານ ກ່ຽວກັບວຽກງານຫາງສຽງສັງຄົມ ເພື່ອກໍາແໜ້ນຫຼັກການ ແລະ ທິດນໍາໃນການຈັດຕັ້ງປະຕິບັດວຽກງານດັ່ງກ່າວ, ວິທີເກັບກໍາ ແລະ ນໍາໃຊ້ຫາງສຽງສັງຄົມ ເຂົ້າໃນການເຄື່ອນໄຫວວຽກງານການເມືອງ-ແນວຄິດໃນໄລຍະໃໝ່, ຄົ້ນຄວ້າ, ເຊື່ອມຊຶມກ່ຽວກັບແບບແຜນວິທີເຮັດວຽກ, ກົນໄກ ລະ ບຽບຂອງຕາໜ່າງເພື່ອນຮ່ວມງານ

ວຽກງານຫາງສຽງສັງຄົມ ຢູ່ບັນດາພະແນກການຕ່າງໆອ້ອມຂ້າງແຂວງ ແລະ ບັນດາເມືອງ, ຄົ້ນຄວ້າ, ເຊື່ອມຊຶມກ່ຽວກັບຄວາມໝາຍ, ຄວາມສໍາຄັນ, ພາລະບົດບາດ ແລະ ໜ້າທີ່ຂອງວຽກງານຄົ້ນຄວ້າສັງລວມ ແລະ ຈະໄດ້ດໍາເນີນໄປເປັນເວລາ 3 ວັນຈຶ່ງຈະສໍາເລັດ. ໂອກາດດັ່ງກ່າວ ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ໄຊຍະບູລີ, ໄດ້ຮຽກຮ້ອງມາຍັງບັນດານັກສໍາມະນາກອນ ແລະ ວິທະຍາກອນ ຈົ່ງຍົກສູງຄວາມຮັບຜິດຊອບ, ຕັ້ງໜ້າຄົ້ນຄວ້າ ປະກອບຄໍາເຫັນແລກປ່ຽນບົດຮຽນເຊິ່ງກັນ ແລະ ກັນພ້ອມກັນປະຕິບັດ ລະບຽບວາລະດໍາເນີນ ຊຸດຝຶກອົບຮົມເຮັດໃຫ້ການຝຶກອົບຮົມຄັ້ງນີ້ ບັນລຸຜົນສໍາເລັດຢ່າງຈົບງາມ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ