ຈໍານວນຜູ້ເຂົ້າຊົມເວັບໄຊ

97941
ມື້ນີ້ມື້ນີ້63
ມື້ວານນີ້ມື້ວານນີ້261
ອາທິດນີ້ອາທິດນີ້1894
ເດືອນນີ້ເດືອນນີ້3629
ລວມທັງໝົດລວມທັງໝົດ97941

ມີ 24  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນລະຫວ່າງວັນທີ 5-6 ກໍລະກົດ ປີນີ້ ທ່ານ ໂດ ດຶກ ຢຸຍ ຮອງເລຂາພັກແຂວງ, ເຈົ້າແຂວງ-ແຂວງ ອຽນບ່າຍ ສສ ຫວຽດນາມ ພ້ອມດ້ວມຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ພ້ອມດ້ວຍການນໍາຂອງແຂວງໃຫ້ການຕ້ອນຮັບຢ່າງອົບອຸ່ນ.

ການມາຢ້ຽມຢາມຂອງການນໍາ ແຂວງ ອຽນບ່າຍ ສສ ຫວຽດນາມ ຄັ້ງນີ້ໂດຍມີຈຸດປະສົງເພື່ອກວດກາຄວາມຄືບໜ້າຂອງໂຄງການກໍ່ສ້າງຕຶກປິ່ນປົວພິເສດ ຟອກໝາກໄຂ່ຫຼັງ ຢູ່ໂຮງໝໍ ແຂວງ ໄຊຍະບູລີ, ໂດຍແມ່ນທຶນສົມທົບກໍ່ສ້າງຂອງແຂວງ ອຽນບາຍ ສສ ຫວຽດນາມ ຈໍານວນ 3 ຕື້ດົງ, ໂອກາດດັ່ງກ່າວ ການນໍາທັງສອງແຂວງ ກໍ່ໄດ້ພົບປະກັນທີ່ຫ້ອງຮັບແຂກ ຫ້ອງວ່າການແຂວງ ໄຊຍະບູລີ, ເຊີ່ງກ່ອນອື່ນ ທ່ານ ພົງສະຫວັນ ສິດທະວົງ ກໍ່ໄດ້ສະແດງຄວາມຕ້ອນຮັບ ທ່ານ ໂດ ດຶກ ຢຸຍ ແລະ ທີມງານ ທີ່ໄດ້ສະລະເວລາ ໃນການຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ ຢ່າງອົບອຸ່ນ,

ພ້ອມທັງໄດ້ລາຍງານສະພາບຈຸດພິເສດຂອງແຂວງ, ການພັດທະນາ, ການຂະຫຍາຍຕົວດ້ານເສດຖະກິດ, ໂດຍລວມແລ້ວເສດຖະກິດຂອງແຂວງໃນຕົ້ນປີ 2018 ຂະຫຍາຍຕົວໃນລະດັບ 8,5 %, ລາຍໄດ້ສະເລ່ຍ 2500 ກວ່າໂດລາສະຫະລັດ, ໂດຍອີງໃສ່ 3 ທ່າແຮງຕົ້ນຕໍເຊັ່ນ: ກະສິກໍາ, ການຄ້າ-ການບໍລິການ ແລະ ອຸດສາຫະກໍາໄຟຟ້າ, ດ້ານກະສິກໍາສ່ວນໃຫຍ່ແມ່ນສົ່ງອອກເປັນວັດຖຸດີບ, ຍັງຂາດໂຮງງານເພື່ອຜະລິດເປັນສໍາເລັດຮູບເພື່ອສົ່ງອອກ, ສ່ວນວຽກງານອື່ນເປັນຕົ້ນແມ່ນ: ສືກສາ, ສາທາ, ວັດທະນະທໍາ ແລະ ທ່ອງທ່ຽວກໍ່ໄດ້ຮັບການຍົກລະດັບດີຂຶ້ນ, ຕາໜ່າງສາທາລະນະສຸກກໍ່ໄດ້ຂະຫຍາຍໄປສູ່ຊົນນະບົດ, ເຮັດໃຫ້ປະຊາຊົນເຂດຫ່າງໄກຊອກຫຼີກໄດ້ຮັບການບໍລິການດ້ານການປິ່ນປົວ, ພື້ນຖານໂຄງລ່າງ, ເສັ້ນທາງຄົມມະນາຄົມກໍ່ໄດ້ຮັບການປັບປຸງເປັນກ້າວໆ, ທ່ານເຈົ້າແຂວງ ໄຊຍະບູລີ ຍັງໄດ້ກ່າວຕື່ມອີກວ່າ: ຕໍ່ກັບຜົນງານການພັດທະນາດັ່ງກ່າວມານັ້ນ, ແຂວງ ໄຊຍະບູລີ ຍັງມີຫຼາຍບັນຫາທີ່ທ້າທ້າຍ ອັນເຮັດໃຫ້ ການນໍາທຸກຂັ້ນຂອງແຂວງຍັງຈະໄດ້ສືບຕໍ່ແກ້ໄຂເຮັດສໍາເລັດທຸກວຽກງານ, ເພື່ອຈະນໍາພາແຂວງ ໄຊຍະບູລີ ກ້າວໄປສູ່ຄວາມຈະເລີນຮຸ່ງເຮືອງເທື່ອລະກ້າວ, ໂອກາດດຽວກັນ ທ່ານຍັງໄດ້ກ່າວຂອບໃຈຕໍ່ການນໍາຂອງແຂວງ ອຽນບາຍ ທີ່ໄດ້ໃຫ້ການຊ່ວຍເຫຼືອແຂວງ ໄຊຍະບູລີດ້ວຍດີຕະຫຼອດມາ ເປັນຕົ້ນແມ່ນຊ່ວຍສ້າງບຸກຄະລາກອນ ແລະ ໃຫ້ທຶນໃນການກໍ່ສ້າງໂຮງຮຽນ, ໂຮງໝໍ ແລະ ອື່ນໆ, ເຊິ່ງການຊ່ວຍເຫຼືອດັ່ງກ່າວແມ່ນສະແດງເຖິງຄວາມສາມັກຄີອັນພິເສດທີ່ມີມາແຕ່ດຶກດໍາບັນ ແລະ ຫວັງວ່າຄວາມສາມັກຄີລະຫວ່າງປະຊາຊົນ ແລະ ການນໍາ ສອງແຂວງ ໄຊຍະບູລີ ແລະ ແຂວງ ອຽນບາຍ ຈະໝັ້ນຄົົງທະນົງແກ່ນຊົ່ວກາລະນານ, ພ້ອມດຽວກັນຍັງໄດ້ຮຽກຮ້ອງໃຫ້ການນໍາຂອງ ແຂວງ ອຽນບາຍຊ່ວຍລະດົມນັກທຸລະກິດພາຍໃນແຂວງ ເພື່ອເຂົ້າມາລົງທຶນດ້ານກະສິກໍາປຸງແຕ່ງເປັນຜະລິດຕະພັນສໍາເລັດຮູບເພື່ອສົ່ງອອກໄປຕ່າງປະເທດ ແລະ ຊົມໃຊ້ຢູ່ພາຍໃນ ແຂວງ ໄຊຍະບູລີ, ຈາກນັ້ນການນໍາຂອງແຂວງອຽນບາຍກໍ່ໄດ້ມອບຄວມພີວເຕີຕັ້ງໂຕະຈໍານວນ 50 ຊຸດ ມູນຄ່າ 55 ລ້ານກວ່າກີບ ໃຫ້ກອງບັນຊາການ ທະຫານແຂວງ ໄຊຍະບູລີ, ໄດ້ມີການ ແລກປ່ຽນຂອງທີ່ລະນຶກເຊິ່ງກັນ ແລະ ກັນ ຂອງການນໍາທັງສອງແຂວງ ແລະ ໄດ້ເຂົ້າຢ້ຽມຢາມໂຄງການກໍ່ສ້າງຕຶກປິ່ນປົວພິເສດຢູ່ໂຮງໝໍແຂວງ ໄຊຍະບູລີຕື່ມອີກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ບຸນພະເວດ

ແຜນທີ ແຂວງໄຊຍະບູລີ

ດ້ານວັດທະນະທຳ

ແຫຼ່ງທ່ອງທ່ຽວ

ເອກະລັກຂອງແຂວງ