ຈໍານວນຜູ້ເຂົ້າຊົມເວັບໄຊ

125730
ມື້ນີ້ມື້ນີ້128
ມື້ວານນີ້ມື້ວານນີ້314
ອາທິດນີ້ອາທິດນີ້1254
ເດືອນນີ້ເດືອນນີ້5865
ລວມທັງໝົດລວມທັງໝົດ125730

ມີ 27  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ພິທີປະກາດໂຍກຍ້າຍ ແລະ ແຕ່ງຕັ້ງພະນັກງານຫຼັກແຫຼ່ງ ຂອງຫ້ອງວ່າການ ແຂວງ ໄຊຍະບູລີ ໄດ້ຈັດຂື້ນໃນຕອນບ່າຍວັນທີ 17 ກໍລະກົດ 2018 ນີ້, ທີ່ສະໂມສອນຂອງຫ້ອງວ່າການແຂວງ, ໂດຍການເຂົ້າຮ່ວມຂອງ ທ່ານ ບຸນຕາ ອິນທະວົງ ກໍາມະການປະຈໍາພັກແຂວງ, ຫົວໜ້າຄະນະຈັດຕັ້ງແຂວງ ໄຊຍະບູລີ, ມີບັນດາຄະນະຫ້ອງວ່າການແຂວງ, ພະນັກງານຫຼັກແຫຼ່ງຂອງຫ້ອງວ່າການ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

ໃນພິທີ, ທ່ານ ໄພທອງ ຈັນດາ ຫົວໜ້າຄະແໜງຄຸ້ມຄອງ-ກໍ່ສ້າງພະນັກງານ ຄະນະຈັດຕັ້ງແຂວງ ໄດ້ຂື້ນຜ່ານຂໍ້ຕົກລົງຂອງ ທ່ານ ເຈົ້າແຂວງ ໄຊຍະບູລີ ສະບັບເລກທີ 477/ຈຂ.ຊຍ, ລົງວັນທີ 18 ພຶດສະພາ 2018, ຂໍ້ຕົກລົງເລກທີ 698/ຈຂ.ຊຍ, ລົງວັນທີ 4 ກໍລະກົດ 2018, ຂໍ້ຕົກລົງເລກທີ 480/ຈຂ.ຊຍ, ລົງວັນທີ 18 ພຶດສະພາ 2018, ຂໍ້ຕົກລົງ ເລກທີ 479/ຈຂ.ຊຍ, ລົງວັນທີ 18 ພຶດສະພາ 2018 ວ່າດ້ວຍການໂຍກຍ້າຍພະນັກງານໄປຮັບໜ້າທີ່ໃໝ່ຢູ່ຂະແໜງການອື່ນ, ເຈົ້າແຂວງ ໄຊຍະບູລີຕົກລົງ ໂຍກຍ້າຍ ທ່ານ ອາລຸນສັກ ລິນທະວົງ ຮອງຫົວໜ້າຫ້ອງວ່າການແຂວງ, ໄປຮັບໜ້າທີ່ໃໝ່ຢູ່ເມືອງທົ່ງມີໄຊ, ທ່ານ ສົມນຶກ ພອນວິຈິດ ຮອງຫົວໜ້າຫ້ອງວ່າການແຂວງ ໄປຮັບໜ້າທີ່ໃໝ່ຢູ່ ເມືອງ ໄຊຊະຖານ,

ທ່ານ ບຸນທະວີ ບຸນຊູຮັກ ຮອງຫົວໜ້າຫ້ອງວ່າການແຂວງ ໄປຮັບໜ້າທີ່ໃໝ່ຢູ່ ພະແນກ ຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ, ທ່ານ ສາຍສະໝອນ ພົມມະຂັນ ຮອງເລຂາພັກເມືອງ, ຮອງເຈົ້າເມືອງໆ ທົ່ງມີໄຊ ໄປຮັບໜ້າທີ່ໃໝ່ຢູ່ຫ້ອງວ່າການແຂວງ, ຂໍ້ຕົກລົງຂອງ ທ່ານ ເຈົ້າແຂວງ ໄຊຍະບູລີ ສະບັບເລກທີ 482/ຈຂ.ຊຍ, ລົງວັນທີ 18 ພຶດສະພາ 2018 ,ຂໍ້ຕົກລົງ ສະບັບເລກທີ 690/ຈຂ.ຊຍ, ລົງວັນທີ 4 ກໍລະກົດ 2018, ວ່າດ້ວຍການແຕ່ງຕັ້ງຮອງເຈົ້າເມືອງໆ ທົ່ງມີໄຊ ແລະ ເມືອງ ໄຊຊະຖານ, ເຈົ້າແຂວງຕົກລົງ ແຕ່ງຕັ້ງ ທ່ານ ອາລຸນສັກ ລິນທະວົງ ອາດີດຮອງຫົວໜ້າຫ້ອງວ່າການແຂວງ ຂຶ້ນເປັນຮອງເຈົ້ງເມືອງໆ ທົ່ງມີໄຊ, ທ່ານ ສົມນຶກ ພອນວິຈິດ ອາດີດຮອງຫົວໜ້າຫ້ອງວ່າການແຂວງ ຂຶ້ນເປັນຮອງເຈົ້ງເມືອງ ໄຊຊະຖານ, ຂໍ້ຕົກລົງເລກທີ 484/ຈຂ.ຊຍ, ລົງວັນທີ 18 ພຶດສະພາ 2018 ວ່າດ້ວຍການແຕ່ງຕັ້ງ ຮອງຫົວໜ້າຫ້ອງວ່າການແຂວງ, ເຈົ້າແຂວງຕົກລົງແຕ່ງຕັ້ງ ທ່ານ ສາຍສະໝອນ ພົມມະຂັນ ອາດີດ ຮອງເລຂາພັກເມືອງ, ຮອງເຈົ້າເມືອງໆ ທົ່ງມີໄຊ ເປັນຮອງຫົວໜ້າຫ້ອງວ່າການແຂວງ, ຂໍ້ຕົກລົງເລກທີ 525/ຈຂ.ຊຍ, ລົງວັນທີ 1 ມິຖຸນາ 2018 ວ່າດ້ວຍການແຕ່ງຕັ້ງ ຫົວໜ້າຫ້ອງການກໍ່ສ້າງຮາກຖານການເມືອງ ແຂວງ, ເຈົ້າແຂວງຕົກລົງແຕ່ງຕັ້ງ ທ່ານ ປີຊາ ປັນຍາແກ້ວ ວ່າການຫົວໜ້າຫ້ອງການກໍ່ສ້າງຮາກຖານການເມືອງ ແຂວງ ຂຶ້ນເປັນ ຫົວໜ້າຫ້ອງການກໍ່ສ້າງຮາກຖານການເມືອງ ແຂວງ, ມະຕິຕົກລົງຂອງຄະນະປະຈໍາພັກແຂວງ ເລກທີ 341 ແລະ 342/ຄພຂ.ຊຍ ລົງວັນທີ 4 ກໍລະກົດ 2018 ວ່າດ້ວຍການບົ່ງຕົວແຕ່ງຕັ້ງ ກໍາມະການປະຈໍາພັກເມືອງ ໄຊຊະຖານ ແລະ ບົ່ງຕົວແຕ່ງຕັ້ງຮອງເລຂາພັກເມືອງ ໄຊຊະຖານ, ຄະນະປະຈໍາພັກແຂວງ ຕົກລົງ ບົ່ງຕົວແຕ່ງຕັ້ງ ສະຫາຍ ສົມນຶກ ພອນວິຈິດ ເປັນກໍາມະການປະຈໍາພັກເມືອງ, ເປັນຮອງເລຂາພັກເມືອງ ໄຊຊະຖານ, ມະຕິຕົກລົງເລກທີ 263 /ຄພຂ.ຊຍ ລົງວັນທີ 18 ພຶດສະພາ 2018 ວ່າດ້ວຍການບົ່ງຕົວແຕ່ງຕັ້ງຮອງເລຂາພັກເມືອງ, ຄະນະປະພັກແຂວງ ຕົກລົງອານຸມັດບົ່ງຕົວແຕ່ງຕັ້ງ ສະຫາຍ ອາລຸນສັກ ລິນທະວົງ ເປັນຮອງເລຂາພັກເມືອງ ທົ່ງມີໄຊ. ໃນຕອນທ້າຍພິທີ, ທ່ານ ບຸນຕາ ອິນທະວົງ ກໍາມະການປະຈໍາພັກແຂວງ, ຫົວໜ້າຄະນະຈັດຕັ້ງແຂວງ ໄຊຍະບູລີ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະ ເນັ້ນໜັັກຕໍ່ຜູ້ທີ່ຖືກໂຍກຍ້າຍ-ແຕ່ງຕັ້ງ ຈົ່ງເອົາໃຈໃສ່ຄົ້ນຄວ້າ, ກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປະດິດຄິດສ້າງ, ສະດຸ້ງໄວຕໍ່ໜ້າທີ່ວຽກງານ, ແບບແຜນວິທີນໍາພາ, ເພີ່ມທະວີຄວາມສາມັກຄີ ຕິດພັນກັບການລວມສູນປະຊາທິປະໄຕ ແລະ ພ້ອມກັນປະຕິບັດໜ້າທີ່ ທີ່ໄດ້ຮັບການມອບໝາຍໃຫ້ສໍາເລັດຕາມລະດັບຄາດໝາຍ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ