ຈໍານວນຜູ້ເຂົ້າຊົມເວັບໄຊ

137789
ມື້ນີ້ມື້ນີ້42
ມື້ວານນີ້ມື້ວານນີ້211
ອາທິດນີ້ອາທິດນີ້575
ເດືອນນີ້ເດືອນນີ້3354
ລວມທັງໝົດລວມທັງໝົດ137789

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 20 ກໍລະກົດ 2018 ນີ້, ຮາກຖານສະຫະພັນແມ່ຍິງ ຫ້ອງວ່າການແຂວງຫຼວງນໍ້າທາ ນໍາໂດຍທ່ານ ນາງ ບົວແຟນ ແສງຫຼ້າ ຮອງປະທານສະຫະພັນແມ່ຍິງ ຫ້ອງວ່າການແຂວງຫຼວງນໍ້າທາ ພ້ອມດ້ວຍຄະນະ ມາຢ້ຽມຢາມ ແລະ ແລກປ່ຽນບົດຮຽນ ກັບ ຮາກຖານສະຫະພັນແມ່ຍິງ ຫ້ອງວ່າການແຂວງ ໄຊຍະບູລີ ຢູ່ທີ່ສະໂມສອນຫ້ອງວ່າການແຂວງ ໂດຍໄດ້ຮັບການຕ້ອນຮັບຢ່າງອົບອຸ່ນຈາກທ່ານ ນາງ ວົງເດືອນ ເຫງົ້າສະຫວັດ ປະທານຮາກຖານສະຫະພັນແມ່ຍິງ ຫ້ອງວ່າການແຂວງ ໄຊຍະບູລີ ພ້ອມດ້ວຍຄະນະ.

ໃນພິທີ ທ່ານ ນາງ ວົງເດືອນ ເຫງົ້າສະຫວັດ ປະທານຮາກຖານສະຫະພັນແມ່ຍິງ ຫ້ອງວ່າການແຂວງ ໄຊຍະບູລີ ແລະ ທ່ານ ນາງ ບົວແຟນ ແສງຫຼ້າ ຮອງປະທານສະຫະພັນແມ່ຍິງ ຫ້ອງວ່າການແຂວງຫຼວງນໍ້າທາ ກໍ່ໄດ້ຜັດປ່ຽນກັນຂື້ນລາຍງານຫຍໍ້ກ່ຽວກັບການເຄື່ອນໄຫວວຽກງານໃນໄລຍະຜ່ານມາໃຫ້ກັນໄດ້ຮັບຊາບ

ການມາຢ້ຽມຢາມ ແລະ ພົບປະໃນຄັ້ງນີ້ ກໍ່ເພື່ອເປັນການແລກປ່ຽນບົດຮຽນ ແລະ ປະສົບການ ໃນການຈັດຕັ້ງປະຕິບັດໜ້າທີ່ວຽກງານຕ່າງໆ ເປັນຕົ້ນແມ່ນວຽກງານຫ້ອງວ່າການ ໃນການເປັນເສນາ, ບໍລິການຮັບໃຊ້ການນໍາຂອງແຂວງ ແລະ ວຽກງານສະຫະພັນແມ່ຍີງ, ອີກຢ່າງກໍ່ເພື່ອສ້າງສາຍສໍາພັນໄມຕິຈິດ ແລະ ຄວາມສາມັກຄີເຊີ່ງກັນ ແລະ ກັນ ລະຫວ່າງສອງແຂວງ ໃຫ້ມີຄວາມແໜ້ນແຟ້ນກວ່າເກົ່າ. ຈາກນັ້ນ, ຜູ້ເຂົ້າຮ່ວມກໍ່ໄດ້ແລກປ່ຽນບົດຮຽນເຊິ່ງກັນ ແລະ ກັນ ຜັດປ່ຽນກັນປະກອບຄໍາຄິດຄໍາເຫັນໂດຍສະເພາະແມ່ນການເຄື່ອນໄຫວວຽກງານຂອງສະຫະພັນແມ່ຍິງ ເປັນຕົ້ນແມ່ນຂໍ້ສະດວກຂໍ້ຫຍຸ້ງຍາກໃນການຈັດຕັ້ງປະຕິບັດ, ໂດຍສະເພາະແມ່ນວຽກງານການຈັດຕັ້ງ, ວິຊາສະເພາະ ຕິດພັນກັບວຽກງານ 3 ດີ, ວຽກງານນະໂຍບາຍ ແລະ ວຽກງານກອງທຶນ ຕື່ມອີກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ