ຈໍານວນຜູ້ເຂົ້າຊົມເວັບໄຊ

126435
ມື້ນີ້ມື້ນີ້115
ມື້ວານນີ້ມື້ວານນີ້319
ອາທິດນີ້ອາທິດນີ້1180
ເດືອນນີ້ເດືອນນີ້4789
ລວມທັງໝົດລວມທັງໝົດ126435

ມີ 40  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເມືອງ ຊຽງຮ່ອນ ແຂວງ ໄຊຍະບູລີ ປະກອບມີ 42 ບ້ານ, ມີພົນລະເມືອງທັງໝົດ 33.374 ຄົນ, ຍິງ16.474 ຄົນ, ມີ 6.545 ຄອບຄົວ, ປະກອບມີ 6 ເຜົ່າຄື: ເຜົ່າລາວ, ກື່ມມຸ, ລື້, ຍວນ, ມົ້ງ ແລະ ເຜົ່າໄປຼ, ເຊິ່ງແຕ່ລະເຜົ່າແມ່ນດໍາລົງຊີວິດຮ່ວມກັນດ້ວຍຄວາມສາມັກຄີປອງດອງ, ຕະຫຼອດໄລຍະຜ່ານມາ ເມືອງໄດ້ຫັນເອົາພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ຢູ່ບັນດາບ້ານ ແລະ ກຸ່ມບ້ານ, ໂດຍນໍາເອົາບັນດາແນວທາງຂອງພັກ, ນະໂຍບາຍ ແລະ ລະບຽບກົດໝາຍຂອງລັດ ລົງເຊື່ອມຊືມໃຫ້ແກ່ຖັນແຖວ ສະມາຊິກພັກ ແລະ ປະຊາຊົນບັນດາເຜົ່າ, ອັນເຮັດໃຫ້ປະຊາຊົນຊັ້ນຄົນຕ່າງໆທົ່ວເມືອງມີຄວາມເຊື່ອໝັ້ນຕໍ່ການນໍາພາຂອງພັກຢ່າງແທ້ຈິງ, ຜ່ານການລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ເຮັດໃຫ້ທົ່ວເມືອງ ຊຽງຮ່ອນ ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບປອດໄພ, ເສດຖະກິດຂະຫຍາຍຕົວຕໍ່ເນື່ອງໃນລະດັບ 14,82 %, ສະເລ່ຍໃສ່ຫົວຄົນໜຶ່ງໄດ້ 1,821 ໂດລາສະຫະລັດ/ຄົນ/ປີ.

 

ທ່ານ ສໍາລານ ແປງສະຫວ່າງ ເຈົ້າເມືອງ ຊຽງຮ່ອນ ໄດ້ໃຫ້ຮູ້ວ່າ: ການເກັບລາຍຮັບເຂົ້າງົບປະມານໃນໄລຍະ 6 ເດືອນຕົ້ນປີ 2018 ນີ້, ສາມາດບັນລຸໄດ້ທັງໝົດ 4.980,46 ລ້ານກີບ, ເທົ່າກັບ 48,19 % ຂອງແຜນການປີ, ໃນນັ້ນລາຍຮັບພາຍໃນໄດ້ 1.767,22 ລ້ານກີບ ເທົ່າກັບ 45,21 % ຂອງ

ແຜນການປີ, ດຸ່ນດ່ຽງຈາກແຂວງ 3.213,24 ລ້ານກີບ ເທົ່າກັບ 50 % ຂອງແຜນການປີ ແລະ ປະຕິບັດລາຍຈ່າຍໄດ້ທັງໝົດ 5.018,20 ລ້ານກີບ, ເທົ່າກັບ 48,55 % ຂອງແຜນການປີ, ທ່ານຍັງໄດ້ກ່າວຕື່ມອີກວ່າ: ພື້ນຖານໂຄງລ່າງໄດ້ຮັບການຍົກລະດັບ ແລະ ປັບປຸງຢ່າງແຂງແຮງ, ການຄົມມະນາຄົມສາມາດທຽວໄດ້ທັງສອງລະດູ, ເສັ້ນທາງໃນຕົວເມືອງໄດ້ຮັບການປູຢາງເປັນສ່ວນຫຼາຍ, ປະຊາຊົນມີລາຍຮັບເພີ່ມຂຶ້ນ, ອັດຕາຄວາມທຸກຍາກຂອງປະຊາຊົນຫຼຸດລົງຕາມລໍາດັບ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການແກ້ໄຂນັບມື້ດີຂຶ້ນ, ມາຮອດປະຈຸບັນທົ່ວເມືອງໄດ້ປະກາດເປັນບ້ານພັດທະນາແລ້ວ 25 ບ້ານ, ຄອບຄົວພັດທະນາ 5.211 ຄອບຄົວ, ເທົ່າກັບ 79,61 %, ບ້ານທຸກຍາກຍັງ 1 ບ້ານ, ຄອບຄົວທຸກຍາກຍັງເຫຼືອ 315 ຄອບຄົວ ເທົ່າກັບ 4,88 %, ດ້ານວັດທະນະທໍາສັງຄົມກໍ່ໄດ້ສືບຕໍ່ປົກປັກຮັກສາ ແລະ ສົ່ງເສີມ ເປັນຕົ້ນແມ່ນ ວັດວາອາຮາມ, ຮີດຄອງປະເພນີອັນດີງາມ, ປະກາດເປັນບ້ານວັດທະນະທໍາແລ້ວ 27 ບ້ານ ແລະ 1 ກົມ ເທົ່າກັບ 73 %, ຕານ່າງການສຶກສາກໍ່ມີການຂະຫຍາຍຕົວຢ່າງກວ້າງຂວາງ, ເດັກໃນເກນອາຍຸໄດ້ເຂົ້າຮຽນອານຸບານກວມ 84,5 %, ຊັ້ນປະຖົມກວມ 99,8 %, ມັດທະຍົມຕົ້ນ 77,7 % ແລະ ຕອນປາຍ ກວມເອົາ 43,2 %, ດ້ານສາທາລະນະສຸກ ທຸກຄົນແມ່ນໄດ້ໃຊ້ສິດໃນການປະຕິບັດປິ່ນປົວກອງທຶນປະກັນສຸຂະພາບແຫ່ງຊາດ, ອັດຕາການຊົມໃຊ້ນໍ້າສະອາດ 83 %, ວິດຖ່າຍ 94 %, ມາຮອດປະຈຸບັນທົ່ວເມືອງມີບ້ານສາທາລະນະສຸກແບບຢ່າງ 32 ບ້ານ ແລະ 1 ກົມກອງ ເທົ່າກັບ 75 % ແລະ ວຽກງານອື່ນໆກໍ່ໄດ້ຮັບການພັດທະນາເປັນກ້າວໆເຊັ່ນດຽວກັນ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ