ຈໍານວນຜູ້ເຂົ້າຊົມເວັບໄຊ

126429
ມື້ນີ້ມື້ນີ້109
ມື້ວານນີ້ມື້ວານນີ້319
ອາທິດນີ້ອາທິດນີ້1174
ເດືອນນີ້ເດືອນນີ້4783
ລວມທັງໝົດລວມທັງໝົດ126429

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງຂັ້ນສູນກາງຄຸ້ມຄອງ ແຂວງ ໄຊຍະບູລີ ໄດ້ໄຂຂຶ້ນໃນຕອນເຊົ້າຂອງວັນທີ 26 ກໍລະກົດ 2018 ທີ່ສະໂມສອນໃຫຍ່ໂຮງຮຽນການເມືອງ-ການປົກຄອງແຂວງ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີ ສະຫາຍ ນາງ ບຸດສະດີ ພະນະເມືອງ ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ, ມີບັນດາ ສະຫາຍ ກໍາມະການປະຈໍາພັກແຂວງ, ກຳມະການພັກແຂວງ; ສະມາຊິກສະພາປະຊາຊົນແຂວງ, ກຳມະການປະຈຳພັກເມືອງ, ຫົວໜ້າພະແນກການ-ອົງການອ້ອມຂ້າງແຂວງ, ຫົວໜ້າກອງບັນຊາການປກຊ, ປກສ ແຂວງ, ພະນັກງານບຳນານ ເຂົ້າຮ່ວມຢ່າງພ້ອມພຽງ.

ໃນວາລະດຳເນີນກອງປະຊຸມ ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ໄດ້ກ່າວວ່າ: ການສ້າງແຜນກຳນົດພະນັກງານນຳພາ-ຄຸ້ມຄອງ ແມ່ນມີຄວາມສໍາຄັນທີ່ສຸດ ເຊິ່ງເປັນປັດໃຈຕັດສິນຜົນສຳເລັດ ຫຼື ການປະລາໄຊ ໃນການເຄື່ອນໄຫວຈັດຕັ້ງປະຕິບັດແນວທາງ, ແຜນນະໂຍບາຍຂອງພັກ ນັບທັງແຜນພັດທະນາເສດຖະກິດ-ສັງຄົມຂອງລັດ,

ຍ້ອນແນວນັ້ນພັກເຮົາຍາມໃດກໍ່ໃຫ້ຄວາມສໍາຄັນ ແລະ ເອົາໃຈໃສ່ເປັນພິເສດ ເພື່ອສ້າງໃຫ້ໄດ້ພະນັກງານນຳພາ-ຄຸ້ມຄອງ ຜູ້ທີ່ມີຄວາມເຂັ້ມແຂງ, ໜັກແໜ້ນ, ເດັດດ່ຽວ, ມີຍຸດໂທບາຍທີ່ຄ່ອງແຄ້ວ, ນີ້ມນວນທີ່ສຸດ ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ພ້ອມດຽວກັນສະຫາຍຍັງໄດ້ຮຽກຮ້ອງໃຫ້ກອງປະຊຸມຂອງພວກເຮົາໄດ້ຮັບຜົນສຳເລັດຕາມຈຸດປະສົງ, ຄາດໝາຍທີ່ວາງໄວ້ນັ້ນ, ຂໍຮຽກຮ້ອງໃຫ້ບັນດາສະຫາຍ ຄະນະພັກ, ຄະນະນຳຂັ້ນແຂວງ, ຂັ້ນເມືອງ ຈົ່ງພ້ອມກັນຍົກສູງຄວາມຮັບຜິດຊອບຂອງຕົນ, ເປັນເຈົ້າການຄົ້ນຄວ້າບຸກຄະລາກອນເຂົ້າໃນການດຳເນີນການສ້າງແຜນກຳນົດພະນັກງານ-ນຳພາຄຸ້ມຄອງ ຂັ້ນສູນກາງຄຸ້ມຄອງ ແຂວງໄຊຍະບູລີ ໃນຄັ້ງນີ້, ດ້ວຍຄວາມຮັບຜິດຊອບສູງ, ສັດຈະວີພາກ, ຮອບດ້ານ ແລະ ຄົບຖ້ວນ ເພື່ອຊອກໃຫ້ໄດ້ເປົ້າໝາຍເຂົ້າໃນການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງ ມີຜົນສຳເລັດຢ່າງຈົບງາມ, ກອງປະຊຸມດັ່ງກ່າວຈະໄດ້ພ້ອມກັນຄົ້ນຄວ້າຊອກເປົ້າໝາຍບຸກຄະລາກອນເຂົ້າໃນການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງ ແຂວງໄຊຍະບູລີ, ຮັບຟັງການສະຫຼຸບການຈັດຕັ້ງປະຕິບັດການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງໃນໄລຍະຜ່ານມາ, ເຊື່ອມຊຶມເອກະສານ ແລະ ແນະນຳບາດກ້າວ, ຂັ້ນຕອນ, ວິທີການລົງຄະແນນສຽງໃສ່ບັດທາບທາມ, ຄໍາສັ່ງເລກທີ 032/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານສ້າງແຜນກຳນົດ ພະນັກງານນຳພາ-ຄຸ້ມຄອງ, ມະຕິເລກທີ 030/ກມສພ, ລົງວັນທີ 03 ມັງກອນ 2018 ວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ, ຄໍາແນະນຳຂອງຄະນະຈັດຕັ້ງສູນກາງພັກ ເລກທີ 292/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານສ້າງແຜນກຳນົດພະນັກງານນຳພາຄຸ້ມຄອງ, ຮັບຟັງການແນະນໍາບາດກ້າວ, ຂັ້ນຕອນ, ວິທີການທາບທາມແຕ່ລະຮອບ ແລະ ດຳເນີນການລົງຄະແນນສຽງໃສ່ບັດທາບທາມສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງ ແຂວງໄຊຍະບລີ ແລະ ຈະໄດ້ດຳເນີນໄປເປັນເວລາ 3 ວັນຈຶ່ງຈະສຳເລັດ.

ແຫຼ່ງຂ່າວ: ຫ້ອງວ່າການແຂວງ ໄຊຍະລີ

ໂດຍ: ອຸ່ນເຮືອນ ໂພິລັກ

ໂທ: 2212693  

ແຜນທີ ແຂວງໄຊຍະບູລີ