ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນວັນທີ 30 ກໍລະກົດ ປີນີ້ ທ່ານ ພົງສະຫວັນ ສິດທິວົງ ເຈົ້າແຂວງໄຊຍະບູລີ ພ້ອມດ້ວຍຄະນະໄດ້ລົງກວດກາເບິ່ງຄວາມເສຍຫາຍຂອງເສັ້ນທາງ ເມືອງ ໄຊຊະຖານ, ເຊິ່ງໄດ້ຮັບຜົນກະທົບຈາກພະຍຸທີ່ພັດເຂົ້າມາແຂວງ ໄຊຍະບູລີ ໃນລະຫວ່າງກາງ-ທ້າຍ ເດືອນກໍລະກົດນີ້, ເຮັດໃຫ້ເສັ້ນທາງຫຼາຍເສັ້ນຂອງເມືອງ ໄຊສະຖານ ຖືກເປ່ເພ ແລະ ຕັດຂາດ, ປະຊາຊົນບໍ່ສາມາດສັນຈອນໄດ້. ໃຫ້ການຕ້ອນຮັບ ແລະ ນຳພາເບິ່ງສະຖານທີ່ຕົວຈິງ ໂດຍ ທ່ານ ກອງສີ ວົງສີ ເຈົ້າເມືອງ ໄຊຊະຖານ ພ້ອມດ້ມພະນັກງານທີ່ກ່ຽວຂ້ອງເຂົ້າຮ່ວມ, ໂອກາດດັ່ງກ່າວ ທ່ານເຈົ້າເມືອງ ໄຊຊະຖານ ກໍ່ໄດ້ລາຍງານສະພາຍການເສຍຫາຍຂອງເສັ້ນທາງທີ່ໄດ້ຮັບຜົນກະທົບຈາກຝົນຕົກໜັກຫຼາຍວັນຕິດຕໍ່ກັນ, ເປັນຕົ້ນແມ່ນເສັ້ນທາງທີ່ຖຶກດິນເຊາະເຈື່ອນຖົມຈົນເຮັດໃຫ້ທາງຂາດ ແລະ ບໍ່ສາມາດໄປ-ມາຫາສູ່ກັນໄດ້ເຊັ່ນ: ເສັ້ນທາງລະຫວ່າງ ບ້ານ ສັນແຕ ຫາ ບ້ານ ສະແມດໃຫຍ່ ແມ່ນຖຶກດິນເຈື່ອນຖົມ, ເສັ້ນທາງແຕ່ເທດສະບານເມືອງ ຫາ ຊາຍແດນ ລາວ-ໄທ ແມ່ນຖຶກນໍ້າເຈາະຂາດເປັນຍ່ານ, ຕໍ່ກັບສະພາບການດັ່ງກ່າວອົງການປົກຄອງແຂວງ ກໍ່ໄດ້ໃຫ້ບໍລິສັດ ວາດສະໜາ ກໍ່ສ້າງຂົວທາງຈຳກັດ ຊ່ວຍແກ້ໄຂ ແລະ ສ້ອມແປງເສັ້ນທາງທີ່ເຫັນວ່າມີຄວາມຈໍາເປັນໃຫ້ທຽວໄດ້ເປັນປົກກະຕິ ເປັນຕົ້ນແມ່ນເສັ້ນທາງລະຫວ່າງ ບ້ານ ສັນແຕ ຫາ ບ້ານ ສະແມດໃຫຍ່, ສ່ວນເສັ້ນທາງທີ່ຖຶກຕັດຂາດນັ້ນແມ່ນໃຫ້ບໍລິສັດ ວາດສະໜາ ຄິດໄລ່ອອກແບບ ເພື່ອຈະຂຶ້ນແຜນຫາງົບປະມານມາກໍ່ສ້າງ ແລະ ສ້ອມແປງຕໍ່ໄປ, ຈາກນັ້ນ ທ່ານ ເຈົ້າແຂວງກໍ່ໄດ້ຮຽກຮ້ອງໃຫ້ບໍລິສັດດັ່ງກ່າວຈົ່ງເລັ່ງມືໃນການສ້ອມແປງເສັ້ນທາງທີ່ເປ່ເພນັ້ນໃຫ້ກັບມາໃຊ້ໄດ້ປົກກະຕິ, ທັງນີ້ກໍ່ເພື່ອອຳນວຍຄວາມສະດວກໃນການໄປ-ມາຫາສູ່ກັນຂອງປະຊາຊົນ ກໍ່ຄືແມ່ຄ້າຊາວຂາຍທີ່ທຽວຄ້າຂາຍ ແລະ ແລກປ່ຽນສິນຄ້າໃນເຂດນັ້ນ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933

ແຜນທີ ແຂວງໄຊຍະບູລີ