ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 58  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມສະໄໝສາມັນ ເທື່ອທີ 5 ຂອງສະພາປະຊາຊົນແຂວງ ໄຊຍະບູລີ ຊຸດທີ I ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 1 ສິງຫາ 2018ນີ້ ທີ່ສະໂມສອນ ໂຮງຮຽນການເມືອງ-ການປົກຄອງແຂວງ, ໂດຍການເປັນປະທານຂອງ ສະຫາຍ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ເປັນກຽດ, ເຂົ້າຮ່ວມມີ ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີບັນດາທ່ານຄະນະປະຈໍາພັກແຂວງ, ກໍາມະການພັກແຂວງ, ສະມາຊິກສະພາແຫ່ງຊາດເຂດເລືອກຕັ້ງທີ 7, ອາດີດການນໍາຂອງແຂວງ, ອາດີດສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ນັກປະຕິວັດອາວຸໂສ-ບໍານານ, ຜູ້ຊົງຄຸນວຸດທິ, ຕາງໜ້າອົງການຈັດຕັ້ງພັກ-ລັດ, ອົງການຈັດຕັ້ງແນວລາວສ້າງຊາດ, ອົງການຈັດຕັ້ງມະຫາຊົນ, ນັກທຸລະກິດ ແລະ ຜູ້ປະກອບການ ຂົ້າຮ່ວມເກືອບ 200 ສະຫາຍ.

 

ໃນກອງປະຊຸມ ສະຫາຍ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງໄດ້ຂຶ້ນກ່າວໄຂກອງປະຊຸມຢ່າງເປັນທາງການ, ສະຫາຍໄດ້ກ່າວວ່າ: ຕະຫຼອດໄລຍະ 6 ເດືອນຜ່ານມາ ເຖິງວ່າສະພາບແວດລ້ອມ ຂອງພາກພື້ນ ແລະ ສາກົນ ມີທັງກາລະໂອກາດ ສິ່ງທ້າທາຍ, ທົດສອບ ອັນໄດ້ສົ່ງຜົນກະທົບແກ່ການພັດທະນາເສດຖະກິດ-ສັງຄົມ ຂອງແຂວງ, ແຕ່ດ້ວຍຄວາມເອົາໃຈໃສ່ຊີ້ນໍາ-ນໍາພາ ຂອງພັກ-ລັດ, ເວົ້າສະເພາະ ຄວາມເອົາໃຈໃສ່ຊີ້ນໍາ-ນໍາພາ ຂອງຄະນະປະຈໍາພັກແຂວງ ແລະ ການປະກອບສ່ວນຢ່າງຕັ້ງໜ້າ ຂອງປະຊາຊົນບັນດາເຜົ່າ ໄດ້ເຮັດໃຫ້ແຂວງໄຊຍະບູລີ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ການພັດທະນາເສດຖະກິດ-ສັງຄົມ ສືບຕໍ່ຂະຫຍາຍຕົວຢ່າງຕໍ່ເນື່ອງ, ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ແລະ ການບໍລິຫານລັດ ຕາມລະບຽບກົດໝາຍໄດ້ຮັບການປັບປຸງດີຂຶ້ນ ເປັນກ້າວໆ, ຈາກນັ້ນຜູ້ເຂົ້າຮ່ວມແມ່ນໄດ້ຮັບຟັງການລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈຳ 6 ເດືອນຕົ້ນປີ ແລະ ທິດທາງວຽກງານຈຸດສຸມປະຈຳ 6 ເດືອນທ້າຍປີ 2018, ສະເໜີໂດຍ ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ພ້ອມກັນນີ້ກອງປະຊຸມຍັງໄດ້ສຸມໃສ່ພິຈາລະນາ ແລະ ຕົກລົງບາງບັນຫາສໍາຄັນຂອງແຂວງເຊັ່ນ: ຮັບຟັງການລາຍງານ ຂອງພະແນກແຜນການ ແລະ ການລົງທຶນແຂວງ ກ່ຽວກັບການຈັດຕັ້ງປະຕິບັດມະຕິກອງປະຊຸມສະໄໝສາມັນ ເທື່ອທີ 4 ສະພາປະຊາຊົນແຂວງ ຊຸດທີ I ກ່ຽວກັບມາດຕະການ ແລະ ວິທີການຄຸ້ມຄອງການລົງທຶນໃຫ້ມີປະສິດທິຜົນ, ບໍ່ໃຫ້ມີໂຄງການນອກແຜນ ແລະ ຫຼຸດຜ່ອນໜີ້ສິນຂອງໂຄງການ, ຮັບຟັງການລາຍງານ ຂອງພະແນກການເງິນແຂວງ ກ່ຽວກັບ ວິທີການ, ມາດຕະການຈັດເກັບລາຍຮັບ ແລະ ຄຸ້ມຄອງລາຍຈ່າຍ, ຮັບຟັງບົດລາຍງານ ຂອງພະແນກອຸດສາຫະກໍາ ແລະ ການຄ້າແຂວງ ກ່ຽວກັບການຄຸ້ມຄອງລາຄາສິນຄ້າ, ສະບຽງອາຫານ ຢູ່ພາຍໃນແຂວງໄຊຍະບູລີ, ຮັບຟັງບົດລາຍງານ ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ກ່ຽວກັບການຈັດສັນ ແລະ ການແກ້ໄຂບັນຫາທີ່ດິນ, ຮັບຟັງບົດລາຍງານ ຂອງພະແນກກະສິກໍາ ແລະ ປ່າໄມ້ແຂວງ ກ່ຽວກັບການພັດທະນາຊົນນະບົດ ແລະ ລຶບລ້າງຄວາມທຸກຍາກ ຢູ່ແຂວງໄຊຍະບູລີ, ຮັບຟັງບົດລາຍງານ ຂອງພະແນກພາຍໃນແຂວງ ກ່ຽວກັບຜົນຂອງການຈັດຕັ້ງປະຕິບັດທິດນໍາ 3 ສ້າງຢູ່ແຂວງໄຊຍະບູລີ, ຮັບຟັງການລາຍງານ ຂອງພະແນກໂຍທາທິການ ແລະ ຂົນສົ່ງແຂວງ ກ່ຽວກັບການຕິດຕາມກວດກາໂຄງການກໍ່ສ້າງເສັ້ນທາງ ແລະ ຕ້ານເຈື່ອນ ທີ່ຈັດຕັ້ງປະຕິບັດຢູ່ພາຍໃນແຂວງໄຊຍະບູລີ, ຮັບຟັງການຊີ້ແຈງ ຂອງພະແນກການໃນຂົງເຂດວັດທະນະທໍາ-ສັງຄົມ ເຊັ່ນ: ພະແນກສຶກສາທິການ ແລະ ກິລາ, ພະແນກສາທາລະນະສຸກ, ພະແນກແຮງງານ ແລະ ສະຫວັດດີການສັງຄົມ, ພະແນກຖະແຫຼງຂ່າວວັດທະນະທໍາ ແລະ ທ່ອງທ່ຽວ, ຮັບຟັງບົດລາຍງານ ຂອງພະແນກຍຸຕິທໍາແຂວງ ກ່ຽວກັບການເຜີຍແຜ່ ແລະ ການຈັດຕັ້ງປະຕິບັດບັນດານິຕິກໍາໃຕ້ກົດໝາຍຂອງແຂວງໃນໄລຍະຜ່ານມາ, ຮັບຟັງບົດລາຍງານ ຂອງກອງບັນຊາການ ປກສ ແຂວງ ກ່ຽວກັບການຈັດຕັ້ງປະຕິບັດມາດຕະການ ແລະ ວິທີການແກ້ໄຂປະກົດການຫຍໍ້ທໍ້ໃນສັງຄົມ ເປັນຕົ້ນບັນຫາຢາເສບຕິດ ແລະ ບັນຫາອຸປະຕິເຫດ, ກອງປະຊຸມຈະໄດ້ຮັບຟັງ ການປະກອບຄໍາເຫັນຂອງຕາງໜ້າຄະນະປະຈໍາສະພາປະຊາຊົນແຂວງ, ບັນດາປະທານຄະນະກໍາມະການຂົງເຂດເສດຖະກິດ-ຂົງເຂດຍຸຕິທໍາ ແລະ ຮັບຟັງການສະເໜີຄໍາເຫັນ, ຄໍາຊັກຖາມ ຂອງສະມາຊິກສະພາປະຊາຊົນແຂວງ ຕໍ່ການລາຍງານຂອງອົງການປົກຄອງແຂວງ, ພ້ອມທັງຈະໄດ້ພິຈາະລະນາ ແລະ ຮັບຮອງ ເອົາການສະເໜີຮ່າງນິຕິກໍາ ລຸ່ມກົດໝາຍ ຂອງອົງການປົກຄອງແຂວງ 3 ສະບັບ ຄື: ຮ່າງ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ ແລະການເກັບລາຍຮັບ, ການນໍາໃຊ້ກອງທຶນຂອງອົງການພັດທະນາ ແລະ ບໍລິຫານຕົວເມືອງໄຊຍະບູລີ, ຮ່າງ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຈັດຕັ້ງ ແລະຄຸ້ມຄອງກອງທຶນພັດທະນາຂັ້ນບ້ານ,ຮ່າງ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ ແລະ ພັດທະນາສວນອຸທິຍານພຶກສາສາດ ຜາຊ້າງ-ຜາຂີ້້ໝິ້ນ ແຂວງໄຊຍະບູລີຕື່ມອີ, ກອງປະຊຸມຈະໄດ້ດຳເນີນໄປເປັນເວລາ 3 ວັນຈຶ່ງຈະສຳເລັດ.

ແຫຼ່ງຂ່າວ: ຫ້ອງວ່າການແຂວງໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ