ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 57  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມເຜີຍແຜ່ເຊື່ອມຊຶມນິຕິກຳກ່ຽວກັບວຽກງານກໍ່ສ້າງພັກພະນັກງານ ເຂດ 2 ພາກເໜືອ ໄດ້ຈັດຈື້ນໃນຕອນເຊົ້າຂອງວັນທີ 30 ກໍລະກົດ 2018 ນີ້ ຢູ່ສະໂມສອນຂອງກອງບັນຊາການທະຫານແຂວງໄຊຍະບູລີ, ໂດຍພາຍໃຕ້ການເປັນປະທານຂອງທ່ານ ພົນຈັດຕະວາ ວໍລະສານ ວິລັດດາວົງ ຄະນະພັກກະຊວງປ້ອງກັນປະເທດ ຫົວໜ້າກົມຈັດຕັ້ງກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາກອງບັນຊາການທະຫານແຂວງໄຊຍະບູລີ, ທະຫານແຂວງລວງພະບາງ, ກອງພົນທີ 2, ໂຮງຮຽນເລກ 1, ໂຮຽໝໍ 107, ໂຮຽງານປະສານເຫຼົ່າ, ສານທະຫານພາກເໜືອ ແລະ ໄອຍະການທະຫານພາກເໜືອເຂົ້າຮ່ວມ. ໃນພິທີ ທ່ານ ພົນຈັດຕະວາ ວໍລະສານ ວິລັດດາວົງ ແລະ ທ່ານ ພັນເອກ ຄຳໝັ້ນ ວັນນະວົງ ຫົວໜ້າການເມືອງ ກອງບັນຊາການທະຫານແຂວງໄຊຍະບູລີ ໄດ້ພັດປ່ຽນກັນຂື້ນສະເໜີເນື້ອໃນເອກະສານທີ່ສຳຄັນ ເປັນຕົ້ນແມ່ນເອກະສານ ຄຳແນະນຳກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກ ວ່າດ້ວຍ ມາດຕະຖານຂອງພະນັກງານນຳພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານສ້າງແຜນກໍຳນົດພະນັກງານນຳພາ-ຄຸ້ມຄອງ,

ເອກະສານຄຳສັ່ງແນະນຳຂອງກະຊວງປ້ອງກັນປະເທດ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໝັກແໜ້ນ ໃນທົ່ວກອງທັບ ແລະ ເອກະສານຄຳສັ່ງແນະນຳຂອງຄະນະພັກກະຊວງປ້ອງກັນປະເທດ ວ່າດ້ວຍການກະກຽມດຳເນີນກອງປະຊຸມໃຫຍ່ຂອງພັກໃນທົ່ວກອງທັບ

ໂອກາດດຽວກັນນີ້, ທ່ານ ພົນຈັດຕະວາ ວໍລະສານ ວິລັດດາວົງ ໄດ້ມີຄຳເຫັນແນະນຳໃຫ້ຄະນະພັກ-ຄະນະບັນຊາໃນ 8 ກົມກອງ ທີ່ເຂົ້າຮ່ວມກອງປະຊຸມໃນຄັ້ງນີ້ນຳເອົາເນື້ອໃນຈິດໃຈຂອງກອງປະຊຸມໄປຈັດຕັ້ງປະຕິບັດຢູ່ກົມກອງຮາກຖານ ໃຫ້ມີຄວາມສາມາດຮູ້ນຳພາສ້າງແຜນການ ຮູ້ນຳພາຕີລາຄາການຈັດຕັ້ງປະຕິບັດແຜນການສະຫຼຸບຕີລາຄາແບ່ງປະເພດ ຄຸນນະພາບຂອງສະມາຊິກພັກ, ໜ່ວຍພັກໃຫ້ຖືກຕ້ອງຕາມລະບຽບຫຼັກການຂອງພັກ ສ້າງໃຫ້ໄດ້ສະມາຊິກພັກທີ່ມີຄຸນທາດການເມືອງໜັກແໜ້ນ ມີຄຸນສົມບັດສິນທຳປະຕິວັດທີ່ຖືກຕ້ອງ ມີຄວາມຈົງຮັກພັກດີຕໍ່ອຸດົມການຂອງພັກ ມີນໍ້າໃຈເສຍສະຫຼະຮັບໃຊ້ຊາດຮັບໃຊ້ປະຊາຊົນຢ່າງສຸດໃຈ.

ຂ່າວ ບົວລີວັນ ໂສພາ  

ແຜນທີ ແຂວງໄຊຍະບູລີ